Пресс-центр Жаңылыктар

09.09.2013

Күлүйпа Кондучалованы акыркы сапарга узатуу

Кыргыз Республикасынын Баатыры, көрүнүктүү мамлекеттик жана коомдук ишмер Күлүйпа Кондучалованы акыркы сапарга узатуу зыйнаты бүгүн болуп, анын сөөгү "Ала-Арча" көрстөнүнө коюлду. Улуу инсан 93 жашка чыгып көз жумду. Аны акыркы сапарга узатууга өлкө башчы, өкмөт жетекчилери, мамлекеттик жана коомдук ишмерлер, окумуштуулар, маданият кызматкерлери, ошондой эле, Кондучалованын эмгегин баалап, урматтап-сыйлаган адамдар келди.


Күлүйпа Кондучалованы акыркы сапарга узатуу жөрөлгөсү Кыргыз драма театрында уюштурулду, аны менен коштошууга көп киши чогулду. Зыйнат жыйынга өлкө башчы Алмазбек Атамбаев, экс-президент Роза Отунбаева, спикер Асылбек Жээнбеков жана өкмөт башчы Жантөрө Сатыбалдиев да катышты.


Күлүйпа Кондучалова жетинчи сентябрда 93 жашында кайтыш болду.


Коштошууда Кондучалованын адамдык сапаты бийик экени, жумушка болгон жоопкерчилиги эскерилди.


Экс-президент Отунбаева: "Эже менен бир тарыхый заман кетти. Оор заман, жыргал заман... Согушка чейин окуусун бүтүп, согуш убагында фронтко чейин барып келип, өмүр бою эл үчүн, мамлекет үчүн берилип иштеп, өлкөбүздүн эң бир чыгаан адамдарына айланган "Эл баатыры" болгон эжем. Эжем Кыргызстандын анык, нукура интеллигенциясынын биринчи муунунун бир жүрөгү кылып, куюп койгон коргошуну эле."


Кондучалова бир канча жолу СССРдин Жогорку Советине жана Кыргыз ССР Жогорку Кеңешине депутат болуп шайланган. Маданиятка эмгек сиңирген ишмер, Биринчи жана Үчүнчү даражадагы “Манас” орденинин жана Курманжан-датка эл аралык сыйлыгынын ээси. Сиңирген эмгеги үчүн Ленин, Ардак белгиси, эки жолу Эмгек Кызыл Туу ордендери менен сыйланган. 2010-жылы кыргыз президентинин жарлыгы менен ага “Ак шумкар” өзгөчө белгиси жана "Кыргыз Республикасынын Баатыры” деген ардактуу наам ыйгарылган.


КР Президенти А.Атамбаев: "Бул адам баарыбыз үчүн бүткөн доордун символундай болуп калган. Баарыбыз билебиз - эже көп кызматта иштеген. Мугалимден баштап, Кыргыз ССР Министрлер советинин төрагасынын орун басарына чейин иштеген. Бирок көпчүлүктүн эсинде, тарыхта - маданият министри катары калып жатат. Мындай маданият министри бул эжеге чейин болгон эмес. Бул кишиден кийин дагы мындай министр болобу - белгисиз. Азыркы жетекчилер андан үлгү алыш керек. Эжебиз жөнүндө жакшы сөз гана уктум. "


Маданият, маалымат жана туризм министри С.Раев: "Күлүйпа эжебиз бизге "кыргыз элинин биримдиги, кыргыз элинин маданияты, маданият аркылуу элдин биримдиги, биримдик аркылуу улуттун маданиятын көтөрүү" деген улуу керезди айтып кетти. Бул сөз биз үчүн аманат. Аны келечекте аткарабыз деген ойдомун. Эже, жаткан жериңиз жайлуу болсун. Маданият кызматкерлери сизге терең таазим этет."


Күлүйпа Кондучалованын ысмы Кыргызстандын тарыхында алтын тамга менен жазылып калаарын бүгүнкү иш-чарада президент Алмазбек Атамбаев белгиледи. Маркумдун сөөгү Ала-Арча көрстөнүнө коюлду.


Насыйкат Эсенканова, Бекназар Шерманбетов, КБК

Акыркы жаңылыктар

13.12.2019

Кыргыздардын баатырдык эпосунун «Манас сүрөттө» аттуу китеп жарык көрдү

12-декабрь – улуу жазуучу Чынгыз Айтматовдун туулган күнүнө карата “Роза Отунбаеванын демилгеси” Эл аралык коомдук фонду тарабынан “Манас сүрөттө” аттуу кыргыз тилиндеги китептин бет ачары болду. Иш-чарага мамлекеттик билим берүү мекемелеринин өкүлдөрү, жазуучулар, акындар, коомдук саясий ишмерлер, эксперттер, маданият жана искусство ишмерлери, Кыргыз Республикасындагы чет мамлекеттердин дипломатиялык өкүлчүлүктөрү, эл аралык ...
05.12.2019

«Каректеги жаз » поэзия кечеси өтөт

«Роза Отунбаеванын демилгеси» эл аралык коомдук фонду Кыргыз Республикасынын Жазуучулар Союзу, Т.Сатылганов атындагы Кыргыз Улуттук филармония менен биргеликте эл сүймөнчүгүнө ээ болгон акындардын поэзия кечелерин өткөрүүнү улантууда. Кезектеги кече белгилүү акындар, КР Ардак грамотасынын ээси, КР Улуттук Жазуучулар союзунун мүчөсү Жыпар Акунова жана КР Билим берүүсүнун мыктысы, акын Клара Кичинемолдоеванын чыгармачылыгына арналат жана ал ...
04.12.2019

Роза Отунбаева: Мен элечек кийип, элет деп жүргөндө сынчылар кайда эле?

Кыргызстандын экс-президенти Роза Отунбаеванын Бишкектеги жыйында айылдыктар жөнүндө сүйлөгөн сөзү кызуу талкууга түштү. Би-Би-Си Кыргызстандын экс-президентинин өзү менен ушул темада кенен маек курду. Би-Би-Си: Айылдыктар жөнүндө сүйлөгөн сөзүңүз абдан талаш-талкуу жаратты. Айрымдар сизди туура маселени көтөрдү десе, дагы бирлери сизди эмоцияга алдырып жиберди деп жатышат. Аныгында кандай болду? Р. Отунбаева: Мен абдан олуттуу урбанизация маселесин ...
04.12.2019

Акция! Пенсионерге смартфон тартуула!

Кымбаттуу достор! Жаңы Жылдын алдында «Роза Отунбаеванын демилгеси» эл аралык коомдук фонду Кызыл Жарым Ай жана «Active volunteers» волонтердук уюму менен бирдикте «Пенсионерге смартфон тартуула!» кайрымдуулук акциясын өткөрүп жатат. Акциянын максаты – санариптик процесстерге улуу муунду тартуу жана смартфондорду пайдалануу аркылуу мүмкүнчүлүктөрүн кеңейтүү. Силер тартуулаган, иштеп жаткан абалдагы ар бир смартфон Кызыл Жарым Ай аркылуу аз ...
03.12.2019

«Гений» радиоберүүсү: Ата-энелер үчүн наристелерди эрте жаштан өнүктүрүү үчүн пайдалуу кеңештери менен «Үчтөн кийин кеч» аттуу социалдык тармактарда маалымат баракчасы ачылды

“Роза Отунбаеванын демилгеси” Эл аралык коомдук фонду менен Биринчи радионун биргелешкен “Гений” радиоберүүсүнүн кезектеги чыгарылышында “Үчтөн кийин кеч” аттуу маалымат баракчалары жана үч жашка чейинки баланы кандай өнүктүрүү керектиги жөнүндө эксперттер менен маек курдук.  
30.11.2019

Экс-президент Роза Отунбаева окуучулар менен жолугушту

20-ноябрда Бишкек шаарындагы профессор А.Молдокулов атындагы Улуттук инновациялык технологиялар мектеп-лицейинде Кыргыз Республикасынын Экс-президенти Роза Отунбаеванын окуучулар менен жолугушуусу болду. Жолугушуу 5-11-класстардын окуучуларынын алдыңкыларын шыктандыруу максатында уюштурулуп, "Балдарга турмушка багыт берүүдөгү лидерлердин ролу" теманын тегерегинде балдар менен ой-пикир бөлүштү. Р.Отунбаева мультимедиа кабинети, ...
26.11.2019

БАА ЖЕТКИС ТАБЕРИК

Бай терек бой кере бийик өсүшү үчүн тамыры тереңдеши, мөмөлүү дарак бутактары жайкалып, жемиши мол болушу үчүн тамыры кенен жайылышы керек. Бул үчүн багбан кыртышты табигый, нукура азыктар менен багып, семиртиши, бакты бир тамчы да зыяндуу зат кошулбаган мөлтүр тунук суу менен сугарышы зарыл. Өзөгүндө улуттук дөөлөттөр сакталган, эзелки рухий башаттын эскирбес касиети менен каныккан таалим да балдарыбыздын ар тараптан эркин инсан болуп жетилишине ...
25.11.2019

«Балетке билет»: «Балдар филармониясынын» жаңы сезонунда биринчи концерт-презентация өттү

22-ноябрда «Балдар филармониясы» музыкалык-билим берүү программасынын алкагында концерт-презентация өттү. Концерт-презентация Чолпонбек Базарбаев атындагы Бишкек хореографиялык окуу жайынын жайлуу театрында өттү. Презентация жаш көрүүчүлөрдү негизги балет терминдери: фондю, батман, гран-батман, фуэте жана башкалар менен тааныштырды. Андан соң балеттин келечектеги жаш чеберлери өздөрүнүн меймандары үчүн чакан концерт берди. Презентацияны ...
23.11.2019

«Кеч күздөгү кусалык» поэзия кечеси болуп өттү

2019-жылдын 22-ноябрында “Роза Отунбаеванын демилгеси» Эл аралык коомдук фонду Кыргыз Республикасынын Жазуучулар союзу, Т.Сатылганов атындагы Кыргыз Улуттук филармония менен биргеликте уюштурган белгилүү акын , КР маданиятына эмгек сиңирген ишмер Мээркан Токсобаеванын жана КР Улуттук Жазуучулар союзунун мүчөсү Самидин Стамбековдун чыгармачылыгына арналган “Кеч күздөгү кусалык ” аттуу поэзия кечеси болуп өттү. Иш чара учурунда акындар ...
22.11.2019

ЖМК биз жөнүндө: Санарип-жаркын келечек!

Ак-Босого конушундагы "Санарип 50+" долбоорунун окуу борборуна бүгүн журналистер баш багышты. Тренер Курманбек Нураков конуштун кадырлуу жаш курагындагы тургундарына санариптик жана каржылык сабаттуулуктун негиздерине үйрөттүдө.
21.11.2019

Биринчи радионун «Күндүн темасы» программасында Өнүгүүнүн чакырыктары жаңы багыттары деген темада сөз болду

Биринчи радионун "Күндүн темасы" программасында Өнүгүүнүн чакырыктары жаңы багыттары деген темада сөз болду.   Учурда дүйнөдө технологиялык прогресстер өтө тез өнүккөндүгүнө байланышуу жаңы чакырыктар менен бирге эле кооптонулар жаралды   Кыргызстандын санариптештирүүгө болгон аракети, жасалып жаткан иш тажрыйбасы жана сунуштар боюнча баарлашууга биз КР экс-Президенти, Мадрид клубунун мүчөсү, БУУ генералдык катчысынын Евразия аймагы боюнча ...
19.11.2019

Жыргалбек Курманбеков, Калыс-Ордо конушундагы 86 мектептин мугалими, «Санарип 50+» долбоорунун тренери: «Ата-энелерди электрондук почта менен иштөөгө даярдоо керек»

“Роза Отунбаеванын демилгеси” Эл аралык коомдук фонду КICB банк менен бирге улуу муундагы адамдар үчүн “Санарип 50+” долбоорун ишке ашырууда. Долбоордун максаты – 50 жаш курагындагыларга, дегеле бардык каалоочуларга смартфондун функцияларын, смартфон аркылуу маалыматтарды издөөгө, социалдык тармактарда баарлашууну, электрондук почтаны пайдалануу менен расмий каттарды жүргүзүүнү, ошондой эле каржылык санариптик куралдардын негизинде электрондук ...

Издөө

Экс-президенттик институт

«Устат» долбоору

Мектепке даярдык көрүүчү жыл


School of Childhood

Садики на джайлоо

Gardens on jailoo

Балачак мектеби

School of Childhood

Билим фестивалы

«Эко-долбоор»

«Жылдыздар бөбөктөргө китеп окуйт»

КРда мектеп тамак-ашын ылайыкташтыруу

Балдар үчүн мастер-класстар

«Балдар филармониясы»

«Поэзия кечелери»

Биздин басылмалар

«Мекендештер»


mekendeshter-logo

«Бешик ырлары»


beshik-logo

Видео

Ключевые факторы успешности женщин в инновациях и технологиях

«Аларда кандай болду экен?»

«Фонддун долбоорлору»