Пресс-центр Жаңылыктар

17.05.2015

Табылды Эгембердиев заманыбыздын залкар инсаны эле

 

Кыргызстандын соңку жаңы тарыхындагы чыгаан лидерлердин бири Табылды Эгембердиев дүйнө салды. Коомдук ишмер, публицист, ишкер Табылды Эгембердиев 1990-жылдардын башында демократиялык процесстердин жанданышы менен жигердүү позицияларын билдирип, элге кеңири таанылган. Кыргызстанга кайра куруу саясатынын илеби менен келген “Кыргызстан” Демократиялык Кыймылын (КДК) негиздегендердин бири болгон. Ошол жылдарда коомчулукта чоң резонанс туудурган бул кыймылдын катчысы катарында жигердүү иштеген.

 

Кыргызстан көз карандысыздыгын алгандан кийин көпчүлүк алып сатуу менен алек болуп жаткан чакта, Табылды Эгембердиев 1992-жылы “Шоро” компаниясын негиздеген. Талбаган аракеттин, изденүүнүн натыйжасында бул компания бир канча багыттарда иш алып барган, миңдеген адамдарды жумуш менен камсыз кылган эл аралык мекеменин деңгээлине көтөрүлдү. Бул ишкананы бутка тургузууда инженер катарында ойлоп табуулары, изденүүлөрү замандаштарга үлгү болуп саналат. Эгерде 1990-жылдардын башында: “Кыргыздын максымы дүйнөлүк брендке айланат, ири бизнес долбоор болот” десе эч ким ишенейт эле. Табылды Эгембердиевдин генийлиги, өжөрлүгү, талбаган эмгенинин натыйжасында бүгүнкү күндө бул реалдуулукка айланып отурат.

 

1990-жылдары Кыргызстан демократиялык кыймылы коммунисттик режимге каршы ар кандай жүрүштөрдү уюштуруп, саясий ачкачылык жарыялаганда көч башында жүрүп, өзүнүн эр жүрөктүүлүгүн, идеяга берилендигин көрсөткөн. Ошол эле мезгилде коомдун жигердүүлүгүн арттыруу максатында массалык маалымат каражаттарында жарыяланган материалдары демократиялык баалуулуктардын кеңири жайылышына көмөкчү болгон.

 

Адам катары шайырдыгы, карысы-жашы менен дагы жеңил тил табыша билип, кыйын кырдаалдарда юмор менен чыга билген дипломат экендиги көпчүлүк тарабынан айтылып келет.

“Супара” улуттук этнографиялык комплексин негиздегенге чейин эл Табылдыны инженер жана чыгаан ишкер катары таанып келсе эми ал мыкты архитектор экендигин көрсөтө алган. Шаардын тургундары жана чет элдик коноктор үчүн кайталангыс борбор түзүү идеясын жаратып, аны ийгиликтүү ишке ашырган. Азыркы күндө “Супара” улуттук этнографиялык комплекси эс алуучу, тамактануучу жай гана болбостон, Улуттук каада-салттарды даңазалай турган борборго айланды. “Бешбармакфест”, “Ордо” улуттук оюндары сыяктуу ири иш-чаралардын өтүп келгендиги мунун далили боло алат. “Ордо” улуттук оюндарын каржылап эле тим болбостон федерациянын президенти катары анын өнүгүшүнө өбөлгө түзгөн.

 

Демөөрчүлүк кылууда да өзгөчө алдыда болгон. Кыргызстанда болуп өткөн 2005, 2010-жылдардагы революцияларда борбордогу бардык дүкөндөр жабылып, эл суусап, каны катып жаткан мезгилде камаздар менен калың элге суу, максым тараткандыгын элдик уул деп сыпаттоого болот.

 

“Роза Отунбаеванын демилгеси” эл аралык коомдук фондундагы ар кыл долбоорлор менен тыгыз кызматташ болгон. Билим берүүнүн өтө актуалдуулугун терең аңдаган инсан катары үч жылдан бери Бишкекте өткөрүлүп келе жаткан “Билим фестивалынын” дайымкы өнөктөшү болуп саналат. Мекедештер-2012, Мекендештер-2014 форумдарында жигердүү катышып келген.

 

“Роза Отунбаеванын демилгеси” эл аралык коомдук фондунун негиздөөчүсү, КР экс-президенти Роза Отунбаева өзүнүн жана фондунун атынан маркумдун үй-бүлөсүнө, жакындарына терең кайгыруу менен көңүл айтат.

 

Табылды Эгембердиевдин жаркын элеси, бийик адамкерчилик сапаты, Кыргызстандын соңку жаңы тарыхындагы демократияны калыптандырууда, жашоого жана ишке чыгармачыл мамиле жасоодогу өрнөк инсандын бири катары түбөлүк эсибизде калат.

 









Акыркы жаңылыктар

13.12.2019

Кыргыздардын баатырдык эпосунун «Манас сүрөттө» аттуу китеп жарык көрдү

12-декабрь – улуу жазуучу Чынгыз Айтматовдун туулган күнүнө карата “Роза Отунбаеванын демилгеси” Эл аралык коомдук фонду тарабынан “Манас сүрөттө” аттуу кыргыз тилиндеги китептин бет ачары болду. Иш-чарага мамлекеттик билим берүү мекемелеринин өкүлдөрү, жазуучулар, акындар, коомдук саясий ишмерлер, эксперттер, маданият жана искусство ишмерлери, Кыргыз Республикасындагы чет мамлекеттердин дипломатиялык өкүлчүлүктөрү, эл аралык ...
05.12.2019

«Каректеги жаз » поэзия кечеси өтөт

«Роза Отунбаеванын демилгеси» эл аралык коомдук фонду Кыргыз Республикасынын Жазуучулар Союзу, Т.Сатылганов атындагы Кыргыз Улуттук филармония менен биргеликте эл сүймөнчүгүнө ээ болгон акындардын поэзия кечелерин өткөрүүнү улантууда. Кезектеги кече белгилүү акындар, КР Ардак грамотасынын ээси, КР Улуттук Жазуучулар союзунун мүчөсү Жыпар Акунова жана КР Билим берүүсүнун мыктысы, акын Клара Кичинемолдоеванын чыгармачылыгына арналат жана ал ...
04.12.2019

Роза Отунбаева: Мен элечек кийип, элет деп жүргөндө сынчылар кайда эле?

Кыргызстандын экс-президенти Роза Отунбаеванын Бишкектеги жыйында айылдыктар жөнүндө сүйлөгөн сөзү кызуу талкууга түштү. Би-Би-Си Кыргызстандын экс-президентинин өзү менен ушул темада кенен маек курду. Би-Би-Си: Айылдыктар жөнүндө сүйлөгөн сөзүңүз абдан талаш-талкуу жаратты. Айрымдар сизди туура маселени көтөрдү десе, дагы бирлери сизди эмоцияга алдырып жиберди деп жатышат. Аныгында кандай болду? Р. Отунбаева: Мен абдан олуттуу урбанизация маселесин ...
04.12.2019

Акция! Пенсионерге смартфон тартуула!

Кымбаттуу достор! Жаңы Жылдын алдында «Роза Отунбаеванын демилгеси» эл аралык коомдук фонду Кызыл Жарым Ай жана «Active volunteers» волонтердук уюму менен бирдикте «Пенсионерге смартфон тартуула!» кайрымдуулук акциясын өткөрүп жатат. Акциянын максаты – санариптик процесстерге улуу муунду тартуу жана смартфондорду пайдалануу аркылуу мүмкүнчүлүктөрүн кеңейтүү. Силер тартуулаган, иштеп жаткан абалдагы ар бир смартфон Кызыл Жарым Ай аркылуу аз ...
03.12.2019

«Гений» радиоберүүсү: Ата-энелер үчүн наристелерди эрте жаштан өнүктүрүү үчүн пайдалуу кеңештери менен «Үчтөн кийин кеч» аттуу социалдык тармактарда маалымат баракчасы ачылды

“Роза Отунбаеванын демилгеси” Эл аралык коомдук фонду менен Биринчи радионун биргелешкен “Гений” радиоберүүсүнүн кезектеги чыгарылышында “Үчтөн кийин кеч” аттуу маалымат баракчалары жана үч жашка чейинки баланы кандай өнүктүрүү керектиги жөнүндө эксперттер менен маек курдук.  
30.11.2019

Экс-президент Роза Отунбаева окуучулар менен жолугушту

20-ноябрда Бишкек шаарындагы профессор А.Молдокулов атындагы Улуттук инновациялык технологиялар мектеп-лицейинде Кыргыз Республикасынын Экс-президенти Роза Отунбаеванын окуучулар менен жолугушуусу болду. Жолугушуу 5-11-класстардын окуучуларынын алдыңкыларын шыктандыруу максатында уюштурулуп, "Балдарга турмушка багыт берүүдөгү лидерлердин ролу" теманын тегерегинде балдар менен ой-пикир бөлүштү. Р.Отунбаева мультимедиа кабинети, ...
26.11.2019

БАА ЖЕТКИС ТАБЕРИК

Бай терек бой кере бийик өсүшү үчүн тамыры тереңдеши, мөмөлүү дарак бутактары жайкалып, жемиши мол болушу үчүн тамыры кенен жайылышы керек. Бул үчүн багбан кыртышты табигый, нукура азыктар менен багып, семиртиши, бакты бир тамчы да зыяндуу зат кошулбаган мөлтүр тунук суу менен сугарышы зарыл. Өзөгүндө улуттук дөөлөттөр сакталган, эзелки рухий башаттын эскирбес касиети менен каныккан таалим да балдарыбыздын ар тараптан эркин инсан болуп жетилишине ...
25.11.2019

«Балетке билет»: «Балдар филармониясынын» жаңы сезонунда биринчи концерт-презентация өттү

22-ноябрда «Балдар филармониясы» музыкалык-билим берүү программасынын алкагында концерт-презентация өттү. Концерт-презентация Чолпонбек Базарбаев атындагы Бишкек хореографиялык окуу жайынын жайлуу театрында өттү. Презентация жаш көрүүчүлөрдү негизги балет терминдери: фондю, батман, гран-батман, фуэте жана башкалар менен тааныштырды. Андан соң балеттин келечектеги жаш чеберлери өздөрүнүн меймандары үчүн чакан концерт берди. Презентацияны ...
23.11.2019

«Кеч күздөгү кусалык» поэзия кечеси болуп өттү

2019-жылдын 22-ноябрында “Роза Отунбаеванын демилгеси» Эл аралык коомдук фонду Кыргыз Республикасынын Жазуучулар союзу, Т.Сатылганов атындагы Кыргыз Улуттук филармония менен биргеликте уюштурган белгилүү акын , КР маданиятына эмгек сиңирген ишмер Мээркан Токсобаеванын жана КР Улуттук Жазуучулар союзунун мүчөсү Самидин Стамбековдун чыгармачылыгына арналган “Кеч күздөгү кусалык ” аттуу поэзия кечеси болуп өттү. Иш чара учурунда акындар ...
22.11.2019

ЖМК биз жөнүндө: Санарип-жаркын келечек!

Ак-Босого конушундагы "Санарип 50+" долбоорунун окуу борборуна бүгүн журналистер баш багышты. Тренер Курманбек Нураков конуштун кадырлуу жаш курагындагы тургундарына санариптик жана каржылык сабаттуулуктун негиздерине үйрөттүдө.
21.11.2019

Биринчи радионун «Күндүн темасы» программасында Өнүгүүнүн чакырыктары жаңы багыттары деген темада сөз болду

Биринчи радионун "Күндүн темасы" программасында Өнүгүүнүн чакырыктары жаңы багыттары деген темада сөз болду.   Учурда дүйнөдө технологиялык прогресстер өтө тез өнүккөндүгүнө байланышуу жаңы чакырыктар менен бирге эле кооптонулар жаралды   Кыргызстандын санариптештирүүгө болгон аракети, жасалып жаткан иш тажрыйбасы жана сунуштар боюнча баарлашууга биз КР экс-Президенти, Мадрид клубунун мүчөсү, БУУ генералдык катчысынын Евразия аймагы боюнча ...
19.11.2019

Жыргалбек Курманбеков, Калыс-Ордо конушундагы 86 мектептин мугалими, «Санарип 50+» долбоорунун тренери: «Ата-энелерди электрондук почта менен иштөөгө даярдоо керек»

“Роза Отунбаеванын демилгеси” Эл аралык коомдук фонду КICB банк менен бирге улуу муундагы адамдар үчүн “Санарип 50+” долбоорун ишке ашырууда. Долбоордун максаты – 50 жаш курагындагыларга, дегеле бардык каалоочуларга смартфондун функцияларын, смартфон аркылуу маалыматтарды издөөгө, социалдык тармактарда баарлашууну, электрондук почтаны пайдалануу менен расмий каттарды жүргүзүүнү, ошондой эле каржылык санариптик куралдардын негизинде электрондук ...

Издөө

Экс-президенттик институт

«Устат» долбоору

Мектепке даярдык көрүүчү жыл


School of Childhood

Садики на джайлоо

Gardens on jailoo

Балачак мектеби

School of Childhood

Билим фестивалы

«Эко-долбоор»

«Жылдыздар бөбөктөргө китеп окуйт»

КРда мектеп тамак-ашын ылайыкташтыруу

Балдар үчүн мастер-класстар

«Балдар филармониясы»

«Поэзия кечелери»

Биздин басылмалар

«Мекендештер»


mekendeshter-logo

«Бешик ырлары»


beshik-logo

Видео

Ключевые факторы успешности женщин в инновациях и технологиях

«Аларда кандай болду экен?»

«Фонддун долбоорлору»