Демилгелер Туруктуу социалдык өсүү «Мекендештер»

02.08.2016

«Мекендештер» форуму: мигранттар тапкан каражаттар кайда кетүүдө?

Ош мамлекеттик университетинде “Мекендештер” форумунун жыйыны башталды. Форум «Инвестициялык мүмкүнчүлүктөрдү кеңейтүү» деген ураан алдында өтүүдө.

 

Жыйынга дүйнөнүн булуң-бурчунда жашап, эмгектенип жүргөн 500дөн ашуун кыргызстандыктар, ошондой эле Ош, Жалал-Абад жана Баткен облустарынын бизнес чөйрөлөрүнүн өкүлдөрү жана өкмөт мүчөлөрү катышып, Кыргызстанда бизнес жүргүзүүнүн келечеги, инновациялык жагдай жана инвестициялык салым тууралуу талкуулар жүрүүдө.

 

“Форумдун максаты – Кыргызстандын Евразия экономикалык биримдигине жана ШКУга мүчө экендигин, ошондой эле өлкөнүн географиялык жайгашуусунун уникалдуулугун, тарыхый жана табыгий байлыктарын эске алып, чет өлкөдө жашаган кыргызстандыктардын ичинен кубаттуу инвесторлордун көңүлүн буруу болуп саналат”, - деп белгиледи форумдун уюштуруучулары.

 

“Мекендештер” форуму “Роза Отунбаеванын демилгеси” эл аралык коомдук фонду тарабынан демилгеленип, өткөрүлүп келе жатат. Бул ирет форумдун уюштуруучулары да, расмий бийлик өкүлдөрү да чет өлкөдө ийгиликтүү иштеп жаткан кыргызстандыктарды өлкөгө инвестор катары тартуу маселесине көңүл бурууда.

 

Экономика министрлигинин эсебинде сыртта иштеген кыргызстандык мигранттар жыл сайын мекенине 2 млрд долларга чукул акча которушат. Бул каражаттардын 92 пайызы Орусияда эмгектенген, беш пайыздайы Казакстанда иштеген мигранттарга тиешелүү. Бирок мигранттардан келип жаткан каражаттар канчалык эффективдүү пайдаланылып жатат?- дегенге али өкмөттүк да, коомдук да мамиледе өзгөрүүлөр жок сыяктуу.

 

“Биз инвестиция десе көбүнесе эле бирөө келип жардам берет экен деп ойлоп жатабыз. Мигранттардын көбү мамлекетине жардам берип, акча тапкысы келип жатат. Бирок бири-бирине ишеним жоктугунан уюмдашуу, атайын акционердик коомдорду түзүү аз санда. Мигрант келет дагы өз туугандарына инвестиция кылып жатат. Бирок биздикилер инвестиция эмне экенин түшүнбөгөн үчүн башка максатта колдонуп жатат. Мисалы, мал алып берейин деген акчаны той өткөрүп жатат. Эгер орчундуу акча келип жатса, аны туура колдоно албасак аны ойлонуу керек. Келе турган акчалар координацияланышы керек. Бизде кандай болуп жатат, учурунда бирөө кичи автобус алса, баары алып банкрот болушту. Азыр бирөө күнөскана салса баары салып жатат. Кыргызстандын экономикасынын реалдуулугуна жараша башка түрдө колдонулуп кетип жатат. Бул маселеде коомчулук чабал болгон үчүн өкмөт да, саясатчылар да чабал болууда. Кантип туура колдонобуз дегенди өзүбүздөн сурай элекпиз. Акча керек дейбиз, кудук сыяктуу эле куюлуп, бирок келген акча кумга сиңген суудай болуп кетип калууда. Биз ошонун тешигин таап, бүтөшүбүз керек. Бул маселени өкмөттүн ар бир тармагы, жергиликтүү бийликтен тартып коомчулук дагы ойлонушу керек”-деди Би-Би-Сиге берген маегинде Түркияда эмгектенген кыргызстандыктардын өкүлү, “Кыргызстан-Түркия” достук жана маданият коомунун жетекчиси Айбек Сарыгулов.

 

Москвадагы Эл аралык ишкерлер ассоциациясынын жетекчиси, кыргыз диаспорасынын өкүлү Кубанычбек Осмонбеков бул маселени мигранттар арасында көптөн бери талкуулап жүрүшкөнүн айтып, өз пикирин ортого салды:

 

“Москвада ушул көйгөйдү көрүп туруп, аптасына бир жолу жыйын өткөрүп жатабыз. Биздин жарандарга түшүндүрүү иштерин жүргүзүп, өз кеңештерибизди берүүгө аракет бар. Мигранттардын көбү эмгектенип тапкан акчасын мекенине алып келет, той өткөрөт, унаа сатып алат. Анан тапканын баарын түгөтүп, кайра барып нөлдөн иштеп баштайт. Ошондуктан бизге экономика министри да маалымат берип, колдоо көрсөтсө дейбиз. Айталы, мигранттар ал жактан салган каржаттарга унаа сатып алгандын ордуна бир чакан ишкердик баштаса, аны өкмөт бир аз салыктан бошотуп, жардам берсе дейбиз. Ошондо ал чакан ишкердик менен башында эки адам алектенсе, демек ал эки бүлөөнү багып жатат дегендик. Ошентип ал экономикага да аз-аздап салымын кошот эле”.

 

Экономика министри Арзыбек Кожошев соңку учурда Кыргызстан чакан жана орто ишкердикти колдоо максатында жеңил шарттарды жаратууга күч үрөп келатканын мисал тартты. Мунун баары ошол сырттан келип иш баштайм деген мекендештер үчүн түзүлүп жаткан шарт,- дейт министр.

“Биздин мекендештердин берген каражаттарын той-топурга, күнүмдүк керектөөлөргө эле кетирбей эле аларга чакан ишканалардын ачканга толук мүмкүнчүлүктөрдү жаратып жатабыз. Бизде башка өлкөлөргө салыштырмалуу салыктар абдан төмөн. Экинчиден, бизнести колдоо шарттарын жеңилдеттик. Текшерүү маселесин иреттеп жатабыз, лицензия берүүнү оңойлотуп жатабыз. Текшерүү органдарынын санын 21 ден 13кө түшүрдүк эле, жакында дагы экөөнү кыскарттык. Бардык тараптан максималдуу иштерди жасап жатабыз”.

 

Кыргызстандыктардын жана мекендештердин “Замандаш” эл аралык конгрессинин төрагасы Кадырбек Бусурманкулов өлкөгө салым кошуп жаткан мигранттардын башын бириктирип мамлекет атайын инвестициялык фонд сыяктуу бирикме түзсө, деген долбоор жазып өкмөткө кайрылышканын, бирок буга өкмөт азырынча жооп бере электигин айтты:

 

“Албетте, өз айылына, районуна, мектеп, мечит, жол салып берип, ар кандай салым кошуп жаткан мигранттар бар. Бирок булардын баарын бирдиктүү бир агымга салуу керек. Мамлекет башында туруп, буларды бир багытка буруп, фонд сыяктуу уюшма түзүп чогултса дейбиз. Ошондо чет жерден инвестор издебей эле өзүбүздүн мекендеш инвесторлорду тартуу мүмкүнчүлүгү бар. Бул боюнча биз өкмөткө мамлекеттик программанын долбоорун сунуштаганбыз. Азырга чейин кабыл алуу этабында жүрөт”.

 

Мигранттар кыргыз экономикасын кармап турган негизги күч катары эсептелет. Ички дүң өндүрүмдүн үчтөн бирин мигранттар тапкан каржаттар түзөт. Бул жолку “Мекендештер” форумунда мигранттар өздөрү да тапкан каражатты эмнеге жумшап келдик, кантип эффективдүү пайдаланабыз?-деген суроо коюп, мурдагыдай мамилени өзгөртүүгө башкаларды да үндөп чыкты. Миграциянын эң күчтүү агымына дуушар болгон Ош аймагында өткөрүлүп жаткан форумда чет жерде иштеп, окуган мекендештердин тажрыйбасын, билимин кантип пайдаланабыз деген суроо коюлду.

http://www.bbc.com/kyrgyz

Акыркы жаңылыктар

13.12.2019

Кыргыздардын баатырдык эпосунун «Манас сүрөттө» аттуу китеп жарык көрдү

12-декабрь – улуу жазуучу Чынгыз Айтматовдун туулган күнүнө карата “Роза Отунбаеванын демилгеси” Эл аралык коомдук фонду тарабынан “Манас сүрөттө” аттуу кыргыз тилиндеги китептин бет ачары болду. Иш-чарага мамлекеттик билим берүү мекемелеринин өкүлдөрү, жазуучулар, акындар, коомдук саясий ишмерлер, эксперттер, маданият жана искусство ишмерлери, Кыргыз Республикасындагы чет мамлекеттердин дипломатиялык өкүлчүлүктөрү, эл аралык ...
05.12.2019

«Каректеги жаз » поэзия кечеси өтөт

«Роза Отунбаеванын демилгеси» эл аралык коомдук фонду Кыргыз Республикасынын Жазуучулар Союзу, Т.Сатылганов атындагы Кыргыз Улуттук филармония менен биргеликте эл сүймөнчүгүнө ээ болгон акындардын поэзия кечелерин өткөрүүнү улантууда. Кезектеги кече белгилүү акындар, КР Ардак грамотасынын ээси, КР Улуттук Жазуучулар союзунун мүчөсү Жыпар Акунова жана КР Билим берүүсүнун мыктысы, акын Клара Кичинемолдоеванын чыгармачылыгына арналат жана ал ...
04.12.2019

Роза Отунбаева: Мен элечек кийип, элет деп жүргөндө сынчылар кайда эле?

Кыргызстандын экс-президенти Роза Отунбаеванын Бишкектеги жыйында айылдыктар жөнүндө сүйлөгөн сөзү кызуу талкууга түштү. Би-Би-Си Кыргызстандын экс-президентинин өзү менен ушул темада кенен маек курду. Би-Би-Си: Айылдыктар жөнүндө сүйлөгөн сөзүңүз абдан талаш-талкуу жаратты. Айрымдар сизди туура маселени көтөрдү десе, дагы бирлери сизди эмоцияга алдырып жиберди деп жатышат. Аныгында кандай болду? Р. Отунбаева: Мен абдан олуттуу урбанизация маселесин ...
04.12.2019

Акция! Пенсионерге смартфон тартуула!

Кымбаттуу достор! Жаңы Жылдын алдында «Роза Отунбаеванын демилгеси» эл аралык коомдук фонду Кызыл Жарым Ай жана «Active volunteers» волонтердук уюму менен бирдикте «Пенсионерге смартфон тартуула!» кайрымдуулук акциясын өткөрүп жатат. Акциянын максаты – санариптик процесстерге улуу муунду тартуу жана смартфондорду пайдалануу аркылуу мүмкүнчүлүктөрүн кеңейтүү. Силер тартуулаган, иштеп жаткан абалдагы ар бир смартфон Кызыл Жарым Ай аркылуу аз ...
03.12.2019

«Гений» радиоберүүсү: Ата-энелер үчүн наристелерди эрте жаштан өнүктүрүү үчүн пайдалуу кеңештери менен «Үчтөн кийин кеч» аттуу социалдык тармактарда маалымат баракчасы ачылды

“Роза Отунбаеванын демилгеси” Эл аралык коомдук фонду менен Биринчи радионун биргелешкен “Гений” радиоберүүсүнүн кезектеги чыгарылышында “Үчтөн кийин кеч” аттуу маалымат баракчалары жана үч жашка чейинки баланы кандай өнүктүрүү керектиги жөнүндө эксперттер менен маек курдук.  
30.11.2019

Экс-президент Роза Отунбаева окуучулар менен жолугушту

20-ноябрда Бишкек шаарындагы профессор А.Молдокулов атындагы Улуттук инновациялык технологиялар мектеп-лицейинде Кыргыз Республикасынын Экс-президенти Роза Отунбаеванын окуучулар менен жолугушуусу болду. Жолугушуу 5-11-класстардын окуучуларынын алдыңкыларын шыктандыруу максатында уюштурулуп, "Балдарга турмушка багыт берүүдөгү лидерлердин ролу" теманын тегерегинде балдар менен ой-пикир бөлүштү. Р.Отунбаева мультимедиа кабинети, ...
26.11.2019

БАА ЖЕТКИС ТАБЕРИК

Бай терек бой кере бийик өсүшү үчүн тамыры тереңдеши, мөмөлүү дарак бутактары жайкалып, жемиши мол болушу үчүн тамыры кенен жайылышы керек. Бул үчүн багбан кыртышты табигый, нукура азыктар менен багып, семиртиши, бакты бир тамчы да зыяндуу зат кошулбаган мөлтүр тунук суу менен сугарышы зарыл. Өзөгүндө улуттук дөөлөттөр сакталган, эзелки рухий башаттын эскирбес касиети менен каныккан таалим да балдарыбыздын ар тараптан эркин инсан болуп жетилишине ...
25.11.2019

«Балетке билет»: «Балдар филармониясынын» жаңы сезонунда биринчи концерт-презентация өттү

22-ноябрда «Балдар филармониясы» музыкалык-билим берүү программасынын алкагында концерт-презентация өттү. Концерт-презентация Чолпонбек Базарбаев атындагы Бишкек хореографиялык окуу жайынын жайлуу театрында өттү. Презентация жаш көрүүчүлөрдү негизги балет терминдери: фондю, батман, гран-батман, фуэте жана башкалар менен тааныштырды. Андан соң балеттин келечектеги жаш чеберлери өздөрүнүн меймандары үчүн чакан концерт берди. Презентацияны ...
23.11.2019

«Кеч күздөгү кусалык» поэзия кечеси болуп өттү

2019-жылдын 22-ноябрында “Роза Отунбаеванын демилгеси» Эл аралык коомдук фонду Кыргыз Республикасынын Жазуучулар союзу, Т.Сатылганов атындагы Кыргыз Улуттук филармония менен биргеликте уюштурган белгилүү акын , КР маданиятына эмгек сиңирген ишмер Мээркан Токсобаеванын жана КР Улуттук Жазуучулар союзунун мүчөсү Самидин Стамбековдун чыгармачылыгына арналган “Кеч күздөгү кусалык ” аттуу поэзия кечеси болуп өттү. Иш чара учурунда акындар ...
22.11.2019

ЖМК биз жөнүндө: Санарип-жаркын келечек!

Ак-Босого конушундагы "Санарип 50+" долбоорунун окуу борборуна бүгүн журналистер баш багышты. Тренер Курманбек Нураков конуштун кадырлуу жаш курагындагы тургундарына санариптик жана каржылык сабаттуулуктун негиздерине үйрөттүдө.
21.11.2019

Биринчи радионун «Күндүн темасы» программасында Өнүгүүнүн чакырыктары жаңы багыттары деген темада сөз болду

Биринчи радионун "Күндүн темасы" программасында Өнүгүүнүн чакырыктары жаңы багыттары деген темада сөз болду.   Учурда дүйнөдө технологиялык прогресстер өтө тез өнүккөндүгүнө байланышуу жаңы чакырыктар менен бирге эле кооптонулар жаралды   Кыргызстандын санариптештирүүгө болгон аракети, жасалып жаткан иш тажрыйбасы жана сунуштар боюнча баарлашууга биз КР экс-Президенти, Мадрид клубунун мүчөсү, БУУ генералдык катчысынын Евразия аймагы боюнча ...
19.11.2019

Жыргалбек Курманбеков, Калыс-Ордо конушундагы 86 мектептин мугалими, «Санарип 50+» долбоорунун тренери: «Ата-энелерди электрондук почта менен иштөөгө даярдоо керек»

“Роза Отунбаеванын демилгеси” Эл аралык коомдук фонду КICB банк менен бирге улуу муундагы адамдар үчүн “Санарип 50+” долбоорун ишке ашырууда. Долбоордун максаты – 50 жаш курагындагыларга, дегеле бардык каалоочуларга смартфондун функцияларын, смартфон аркылуу маалыматтарды издөөгө, социалдык тармактарда баарлашууну, электрондук почтаны пайдалануу менен расмий каттарды жүргүзүүнү, ошондой эле каржылык санариптик куралдардын негизинде электрондук ...

Издөө

Экс-президенттик институт

«Устат» долбоору

Мектепке даярдык көрүүчү жыл


School of Childhood

Садики на джайлоо

Gardens on jailoo

Балачак мектеби

School of Childhood

Билим фестивалы

«Эко-долбоор»

«Жылдыздар бөбөктөргө китеп окуйт»

КРда мектеп тамак-ашын ылайыкташтыруу

Балдар үчүн мастер-класстар

«Балдар филармониясы»

«Поэзия кечелери»

Биздин басылмалар

«Мекендештер»


mekendeshter-logo

«Бешик ырлары»


beshik-logo

Видео

Ключевые факторы успешности женщин в инновациях и технологиях

«Аларда кандай болду экен?»

«Фонддун долбоорлору»