Демилгелер Туруктуу социалдык өсүү «Мекендештер»

12.02.2018

Баткен областында семинар-тренинг өттү

2018-жылдын 8-9-февралында Баткен областында «Роза Отунбаеванын демилгеси» эл аралык коомдук фонду Кыргыз Республикасынын Өкмөтүнүн Баткен областындагы Ыйгарым укуктуу Өкүлүнүн орун басары Ч.Саттарованын катышуусу менен КРдагы Юнисон Групптун колдоосунда эки күндүк семинар–тренингди уюштурду.

 

Иш-чарага ошондой эле КР Маданият, маалымат жана туризм министрлигинин Туризм боюнча департаментинин директору А. Жаманкулов, Юнисон Групптун Ош шаарындагы региондук офисинин жетекчиси Н. Ирисов катышты. Жамааттарга негизделген Кыргыз туризм ассоциациясынын (КАТОС) өкүлү, эл аралык эксперт З. Байзакова машыктыруучу болду.

 

Бул иш-чара Баткен областында туризмди өнүктүрүү маселелерине арналды. Ага Лейлек, Кадамжай, Баткен райондорунун жана Баткен, Исфана, Сүлүктү шаарларынын демилгелүү тургундары катышты.

 

Семинарды «Роза Отунбаеванын демилгеси» ЭКФнын координатору Р.Кайыкова ачты, ал чогулгандарды трунингди өткөрүүнүн максаттары менен тааныштырды, республикада туризмди өнүктүрүүдө фонддун демилгелери жөнүндө айтып берди. Ыйгарым укуктуу Өкүлдүн орун басары Ч.Саттарова жергиликтүү ишкерлердин жөндөмдөрүн жана бүтүндөй алганда региондун туристтик потенциалын жогорулатууда бул тренингдин маанилүүлүгүн белгиледи. Ал туризмди өнүктүрүү «Жаны доорго кырк кадам» өкмөттүк программасынын кадамдарынын бири болуп саналат деп белгиледи. Мындан тышкары, ал алдыдагы «Айгүл» фестивалы жөнүндө билдирди, ал 2018-жылдын апрелинде өтөт, ага ошондой эле мейман үйлөрү бар адамдар катыша алат.

 

Семинардын учурунда катышуучулар Баткен областында меймандостук темасын жана туристтерди кабыл алуунун өзгөчөлүктөрүн жана бул тармакты өнүктүрүүнүн келечектерин зор кызыгуу менен талкуулады. Эл аралык эксперт меймандостуктун негиздери жөнүндө, анын эл аралык стандарттары жөнүндө, мейман үйлөрүндөгү сервис жана анын минималдуу стандарттары жөнүндө айтып берди.

 

Эксперт Кыргызстандагы СВТ мейман үйлөрү, тамактануунун стандарттары, санитария, номерлерди тазалоо жөнүндө, туристтердин негизги талаптары, кызмат көрсөтүүнүн сапатын жогорулатуу жөнүндө айтып берди. Мындан тышкары, катышуучулар туристтердин багытынын негизги индикатортору жөнүндө, ийгиликтүү окуялар, турларды иштеп чыгуу, мейман үйүнүн калькуляциясы жөнүндө да билип алды.

 

З. Байзакова статистика боюнча бир канааттандырылган турист өзүнүн артынан 10 туристти алып келет, ошол эле учурда бир туристтин терс пикири 90 потенциалдуу туристке терс таасир этет деп айтты.

 

А.Жаманкулов катышуучуларга Баткен областындагы туристтик мүмкүнчүлүктөр жана туристтик кызмат көрсөтүүлөрдү түзүү жолдору жөнүндө презентация жасады жана катышуучулар тарабынан берилген көп сандаган суроолорго жооп берди.

 

Алай районунун Сары-Могол айылынан ийгиликтүү жеке ишкер А.Нышанов мейман үйлөрүн жана экотуризмди уюштуруудагы өз тажрыйбасы жөнүндө айтып берди. Ошондой эле «Ош дестинациясы» коомдук бирикмесинин төрагасынын орун басары тажрыйбасын бөлүштү жана түштүк региондо туристтик пакеттер менен иштөөнүн спецификасы жөнүндө айтып берди. Мындан тышкары, ал Баткен областындагы ишкерлердин жана «Ош дестинациясы» коомдук бирикмесинин ортосундагы кызматташтыкты өнүктүрүү максатында коомду түзүүнү сунуш кылып, Баткен-Ходжент -Баткен туристтик маршрутун уюштурууда Баткендик ишкерлердин мыкты мүмкүнчүлүктөрүн баса белгиледи.

 

Н. Ирисов КИРСЕФ долбоорунун мисалында энергияны үнөмдөөчү ресурстарды пайдаланууда мейман үйлөрүнүн мүмкүнчүлүктөрүн көрсөттү. Атап айтканда, ал айрым материалдарды пайдалануу менен мейман үйлөрүнүн дубалдарын, терезелерин, эшиктерин, полун кантип жылытуу керектигин көрсөттү. Андан соң машыктыруучу бул багытта долбоорлордун гранттык мүмкүнчүлүктөү жөнүндө айтып берди.

 

Өз тарабынан семинардын катышуучуларына жолдордун сапатына тиешелүү маселе кызыктуу болду, ал туризмди өнүктүрүүдө кыйла мааниге ээ.

 

Тренингдин аягында катышуучулар өз ара кызматташтыктын маанилүүлүгүн белгилеп жана тематикалык ватсап топту түздү.

 

Акыркы жаңылыктар

15.02.2019

Ата-эненин жоопкерчилигин жогорулатуучу тренинг

“Роза Отунбаеванын демилгеси” эл аралык фонду “Балдарга, кыздарга, аялдарга жасалган зомбулуктун алдын алууда, үй-бүлөнү пландоодогу жоопкерчиликтүү ата-энелик” аталышында Бишкек шаарынын он жаңы конушундагы Коомдук ден соолук комитеттеринин мүчөлөрүнө тренинг өткөрүүдө. Тренингдин максаты – дени сак, ар тараптан өнүккөн балдарды тарбиялап өстүрүүдөгү ата-энелердин ролун чечмелөө, жоопкерчиликтүү ата-эненин милдеттери менен ...
13.02.2019

Армениянын маалыматтык-коммуникативдик технологиялары, инновациялык билим берүү тажрыйбасы менен таанышуу сапары

Үстүбүздөгү жылдын 6-7 февралында «Роза Отунбаеванын демилгеси» Эл аралык коомдук фондунун аткаруучу директору Кендирбаева Д.Ш., долбоордун координатору Маражаббай к. А., "Аскар Салымбековдун Фонду" коомдук фондунун башкы директору Жумадилов А.Ж. жана аткаруучу директору Жумадилов Э.Ж. Армениянын маалыматтык-коммуникативдик технологиялары (МКТ), инновациялык билим берүү тажрыйбасы менен таанышып келишти. Сапардын максаты - МКТ боюнча алдынкы ...
07.02.2019

«Поэзия поезди» поэзия кечеси

«Роза Отунбаеванын демилгеси» эл аралык коомдук фонду Улуттук Филармония менен биргеликте Кыргызстандагы эл-журтка кеңири белгилүү акын, жазуучулардын жана жаш таланттардын поэтикалык кечелеринин сериясын тартуулоону улантууда. Мындай кеченин кезектегиси эл ичинде сүймөнчүлүккө ээ болгон жаш акын, Ч.Айтматов атындагы мамлекеттик жаштар сыйлыгынын ээси Максат Жангазиевдин, акындар Мырзайым Айтимбетованын жана Умар Нусубалиевдин ...
04.02.2019

2019-жылды экология менен улантабыз!

Билим кербени 2019-жылдан тартып Бишкек шаарынын мектеп окуучулары үчүн экологиялык тарбиялоо боюнча лекцияны улантат. Эко команданын лектору Данияр Суйундук уулу быйылкы жылы № 62, 11, 26 жана 71 мектептерге барды, ал жерлерде 8- 9-класстардын окуучулары үчүн экология темасына лекция – презентацияны өткөрдү, ошондой эле эко долбоордун алкагында Фонд тарабынан түзүлгөн эко роликтер көрсөтүлдү. Жогорку класстардын окуучулары активдүүлүгүн жана ...
03.02.2019

«Роза Отунбаеванын демилгеси» ЭКФнын 2019-жылдын февралына иш-чараларынын дайджести

Роза Отунбаеванын демилгеси» ЭКФнын   2019-жылдын февралына   иш-чараларынын дайджести       1-февраль - "Гений" радиоберүүсү Качан: 1-февраль, 13:30дан - 14:00гө чейин Кайда: Биринчи Радио Тема "Ата-эне болуу: укук гана эмес, ошондой эле милдеттер". Спикер - Эльмира Каримова, монтессори-педагог, социалдык педагог, психолог. Тили: орус Телефон: 0707471879 (Джакыпбекова Асель, координатор)     8-февралда -  КР экс-Президенти Р.И. Отунбаеванын Жеңиш жана ...
31.01.2019

Барскоон жана Сузак айыл аймактарынын өкүлдөр «Миграция жана өнүктүрүүнүн жергиликтүү пландарында гендердик теңчилик маселелери» лагеринде окутуудан өттү

2019-жылдын 28-январында «Миграция жана өнүктүрүүнүн жергиликтүү пландарында гендердик теңчилик маселелери» үч күндүк лагери аяктады. Лагердин ишине Барскоон жана Сузак айыл аймактарынын өкүлдөрү: айыл аймактарынын башчылары, башчылардын орун басарлары, жооптуу катчылар, айылдык кеңештин депутаттары, аялдар кеңештеринин мүчөлөрү, башкы бухгалтерлер, лидерлер жана активисттер катышты. Лагердин максаты – жергиликтүү өнүктүрүү стратегиясын, анын ...
30.01.2019

STEM - 2019 кышкы мектебинин ачылышы болуп өттү

29-январда И.Раззаков атындагы КМТУда STEM кышкы мектебинин ачылышы болуп өттү. Ачылышта ФРГнын КРдагы Элчиси М.Иверсен, И.Раззаков атындагы КМТУнун ректору М.Ж. Джаманбаев, «Роза Отунбаеванын демилгеси» ЭКФнын аткаруучу директору Д.Кендирбаева, КРдагы ДААД маалымат борборунун аткаруучу директору К.Тевс, КГТИнин директору А.А. Усупкожоева саламдашуу менен сөз сүйлөдү. Сөз сүйлөгөндөр техникалык багыттар боюнча окутуунун келечектери жөнүндө, ...
27.01.2019

«Ызгаардагы ыр» поэзия кечеси чоң аншлаг менен өттү

2019-жылдын 25-январь күнү Т.Сатылганов атындагы Кыргыз Улуттук Филармониясынын Кичи залында белгилүү акын Мирлан Самыйкожонун «Ызгаардагы ыр» поэзия кечеси чоң аншлаг менен болуп өттү. Жүздөгөн поэзия сүйүүчүлөрү кечеге келип, залга батпай калды. Аталган ыр кече буга чейинкилерден өзүнүн сценарийинин кызыктуулугу жана динамикалуулугу менен айырмаланды. Мирлан Самыйкожо өзүнүн кечесин кыргыз поэзиясынын атактуу өкүлдөрүнө арнаган ыры ...
26.01.2019

Роза Отунбаева: Креативдүү индустрия музейлерден башталат

Туризм өлкөнүн ички дүң продукциясына 5 пайыздык киреше алып келет, бул чек эмес, башталышы десек туура болчудай. Бийликтин “Ачык асман” жөнүндөгү чечими да буга кол кабыш кылмакчы: кыймылдардын интенсивдүүлүгү көбөйөт, адамдардын, жүктөрдүн ички жана эл аралык каттоолору күчөйт. Бүгүн эле Кыргызстан: кышкысын жана жайкысын кыска мөөнөттүү эс алууну, трекингдерди жана хайкингдерди (узун жана кыска багыттуу жөө туризми), лыжа туризмин сунуштаган ар ...
23.01.2019

«50+»долбоору «Мобилдүү технологиялар» курстарына чакырат

«50 ПЛЮС» долбоору – өз ниеттерин жүзөгө ашырууну, кызыктуу, жигердүү, узак жашоону каалагандар үчүн!     Урматтуу улуу муундун өкүлдөрү,   Сиздер мобилдүү телефонду пайдаланууда ишенимдүү болууну, социалдык тармактар аркылуу баарлашууга, электрондук почтаны пайдаланууга үйрөнүүнү, коммуналдык кызмат көрсөтүүлөрдү үйдөн чыкпай туруп телефон аркылуу төлөөнү каалайсыздарбы?   Биз Сиздерди «Мобилдүү технологиялар» курстарына чакырабыз, ал жерде ...
23.01.2019

КР ЖК депутаты Садык Шер балдарга китеп окуп берди

2019-жылдын 18-январь күнү Кыргыз Республикасынын Жогорку Кеӊешинин депутаты Садык Шер «Роза Отунбаеванын демилгеси» эл аралык коомлук фонду Кыргыз Республикасынын Жогорку Кеңеши менен биргеликте уюштурган «Китеп билим булагы, билим өнөр чырагы» акциясынын алкагында Бишкек шаарындагы №68 мектеп-гимназиясында балдарга китеп окуп берди. Эл өкүлү окуган «Ынтымак сыры» китебин аталган мектептин 200 дөн ашуун окуучулары өтө кунт коюп, зор ...

Издөө

Экс-президенттик институт

«Устат» долбоору

Мектепке даярдык көрүүчү жыл


School of Childhood

Садики на джайлоо

Gardens on jailoo

Балачак мектеби

School of Childhood

Билим фестивалы

«Эко-долбоор»

«Жылдыздар бөбөктөргө китеп окуйт»

КРда мектеп тамак-ашын ылайыкташтыруу

Балдар үчүн мастер-класстар

«Балдар филармониясы»

«Поэзия кечелери»

Биздин басылмалар

«Мекендештер»


mekendeshter-logo

«Бешик ырлары»


beshik-logo

Видео

Р.И.Отунбаева номинирована на первую премию NABU «Снежный барс»

«Аларда кандай болду экен?»

«Фонддун долбоорлору»