Демилгелер Келечек муунга инвестициялоо «Көчмө өнүгүү борбору»

30.01.2018

Январь айында Бишкектин сегиз жаңы конуштарында «Көчмө өнүгүү борборлору» иштеди

Үстүбүздөгү жылдын 19-январынан 29-январына чейин “Көчмө өнүгүү борбору”нун алкагында борборубуздун сегиз жаңы конуштарында “Балдардын эрте курактагы өнүгүүсүндө китеп окуунун мааниси” деген темада 12 тренинг өткөрүлдү. Бул иш-чараларга 400гө жакын ата-эне жана 441 балдар катышты.


Тренингдерди өткөрүүгө балдарды эрте куракта өнүктүрүү боюнча Кыргызстандагы мыкты адистер, педагогдор, балдар жазуучулары, “Рабаят” куурчак театры жана Бишкек шаарындагы №186 бала бакчанын методисттери жана тарбиячылары чакырылды. Аталган бала бакча иш чарага келгендерге жомокту коюп беришти. Келгендердин баары тренингдерге жана ата-эне менен балдардын биргелешип иштөөсүн чагылдырган ыкмаларга абдан ыраазы болушту.


Иш чара учурунда “Роза Отунбаеванын демилгеси” эл аралык коомдук фондунун директору Д.Ш.Кендирбаева балдардын эрте курактагы өнүгүүсүндө китеп окуунун мааниси тууралуу презентация жасады, жомок окуп берди жана балдар менен ойноонун интерактивдык ыкмаларын көрсөтүп, үйрөттү. Ошондой эле ал Фонд тарабынан басылып чыккан китептер тууралуу айтып берди. Китептер катышуучуларды абдан кызыктырды жана сабактын соңунда каалоочулар аларды сатып алышты.

 

Иш чара учурунда балдардын өнүгүүсү боюнча эксперт , Масару Ибуканын «Үч жаштан кийин кеч» китебин кыргызчага которгон А.Жоодонбеков «Сиздин балаңыз- Гений» деген темада лекция окуду жана үй-бүлөдө балдардын эрте курагында акыл-эсин өнүктүрүүнүн ыкмалары тууралуу алардын суроолоруна жооп берди. Төрөлгөндөн жети жашка чейинки учурда мээнин жана психикалык жөндөмдөрдүн өнүгүшү боюнча презентация өткөрүлдү. Презентация абдан жогорку эмоционалдык деңгээлде болду. Ата-энелер суроолорго жооп беришти жана көп учурда балдарын туура эмес тарбиялап жаткандыктарын белгилешти. Ошондой эле үй-бүлөдө балдарды эрте куракта өнүктүрүү жана тарбиялоо боюнча ушундай практикалык көндүмдөр тууралуу көбүрөөк маалымат алууну суранышты.


Эрте куракта балдарды өнүктүрүу жаатындагы эксперт А.У.Агайдарова 3-6 жаш курактагы балдар үчүн интеллектуалдуу оюндар боюнча презентация жасады. Оюндар ошол замат балдар жана ата-энелер менен биргеликте аткарылды.


Балдарга жана ата-энелерге чыгармачылык жана интеллектуалдык жөндөмдүүлүктөрдү (эс тутум, ой жүгүртүү, кеп) өнүктүрүүгө арналганматериалдар таратылды. Үй-бүлөдө балдар адабияты менен иштөө багытында: окуу, айтып берүү, балдардын суроосуна жооп берүү, сюжеттер боюнча оозеки оюндарды уюштуруу, сюжеттер боюнча сүрөт тартуу жана пластилинден кейипкерлерди жасоо, бөбөк-китебин кантип даярдоо, драматизация тууралуу кенен сунуштар берилди.


Иш чара алкагында “Жылдыздар балдарга китеп окуйт” долбоору боюнча белгилүү балдар жазуучусу, Тоголок Молдо атындагы сыйлыктын ээси, ЮНИСЕФ жана Ага Хан фонд уюштурган конкурстардын жеңүүчүсү, балдардын сүймөнчүлүгүнө ээ болгон адабий каармандар Акылай жана Актанды жараткан Жылдыз Акаева өзүнүн китебинен балдарга жана ата-энелерге окуп берди. Ошондой эле ал өзү жасаган чий куурчактарын балдарга көрсөттү. Алардын суроолоруна жооп берди.


“Рабаят”театрынын көркөм жетекчиси, драматург, режиссер, актриса, балдар жазуучусу Бурул Асакеева иш-чаранын катышуучуларына өзүнүн “Кубулуш” жана башка жомокторун окуп берди, жомоктордун сюжети боюнча куурчак театрын көрсөттү. Бул балдарда да, ата-энелерде да зор кызыгууну жаратты. Балдар ата-энелери менен чогуу отуруп, өздөрү жомокко аралашып кетишти.

Белгилүү теле алып баруучу , кино жана театр актрисасы Назира Айтбекова “365 кун жомок”китебинен жомокторду окуп берди жана өзүнүн ийгиликтеринин сыры менен бөлүшүп, балдарга жана ата-энелерге шаңдуу маанай тартуулады.


Ак-босого жаңы конушундагы тренингдин соңунда №16 МТУнун начальнигинин орун басары Т.Ч.Мусуркулов, Бишкек мэриясынын билим берүү Башкармалыгынын башкы адиси Ч.Н.Майтикова Фондго өздөрүнүн чоң ыраазычылыктарын билдиришти.

 

№16МТУнун №10 кварталдык комитетинин начальниги Исакова Жийдегүл: тренингке катышып жатып балдар менен «Улагым» деген ырды кошулуп ырдап жибергенимди билбей калыптырмын, бул долбоор биздин конушка абдан убагында келди, мен өзүмдүн неберелеримди эрте курагында кантип тарбиялоо боюнча ойлонуп жаткам, алар бул жерде көп нерсени үйрөнүштү. Бул менин неберелерим үчүн жана жаңы конуштун жаш ата-энелери үчүн абдан маанилүүү, чон рахмат»

 

13 неберелүү чоң апа Миңбаева Максуда буларды айтты: Мен КӨБдүн тренингдерине башынан бери катышып келатам. Бүгүн алтынчы ирет келдим. Менин неберелерим гигиена көндүмдөрү боюнча көп нерсени үйрөнүштү. Тренингдер мага, менин неберелериме абдан жакты. КӨБдүн окутууларынын баарына катышам деген ойдомун жана мындан кийин өзүмдө жакшы жагына өзгөрүү болот деген үмүттөмүн.


Асакеева Зарыйна төрт баланын энеси, ал төмөнкүлөргө токтолду: “Мен КӨБдүн тренингдерине катышып келатам. Бул жерде балдар үчүн абдан кызыктуу темалар тандалган. Тренингдерден улам мага жаңы ойлор пайда болду, өзүм да баладай бактылуу болуп, жашарып калдым. “Р.Отунбаеванын демилгеси” фондуна көп ийгиликтерди каалаймын, балдардын өнүгүүсү боюнча дагы көп нерсени биле алам деген үмүттөмүн”.


Калыс –Ордо жаңы конушунда КӨБдун тренингдеринин туруктуу катышуучусу Тиленбаева Перизат төмөнкүдөй жыйынтыкка келген: “Мен КӨБдүн тренингдерине 2017-жылдан бери үзбөй катышып келатам. Көп нерсени үйрөндүм, башкысы менин беш балам бар, бирок ушул маалга чейин мен аларга көп көңул буралбай келгем. Ушуну ойлоп азыр абдан кейип отурам, көрсө алар кичине мезгилде көбүрөөк көңүл буруу керек экен. Мага окшогон ата-энелер көп. КӨБ өткөргөн тренингдерден балдарды эрте куракта өнүктүрүү боюнча тажырыйбаларды дагы көбүрөөк алабыз деп ойлоймун”.


Шабданова Тумара: “Менин беш балам бар. Үйдө отурсам да балдардын эрте курактагы өнүгүүсүнө буга чейин маани берген эмес элем. Балдарга бул куракта көп көнүл буруу керектигин эми билип отурам. Бүгүн менин 4 жаштагы балам тренинг учурунда абдан жакшы сүрөт тартты. Анын сүрөткө шыгы бар экенин биринчи жолу байкадым.

 

Калмукамбет кызы Феруза: "Менин эки балам бар. КӨБдүн тренингдерине балдарымды дайыма алып келем. Бул иш чаралардан мен ата-эне балдарына кандай мамиле жасоосу керек, алар менен кандай оюндарды ойносо болоорун үйрөндүм. Мурда көп көңүл бурчу эмесмин. Азыр эки жарым жаштагы кызымдын бардык суроолоруна өз убагында туура жооп берем, аны менен ойноймун. Биз балдарга абдан дитибизди коюп, жакшы мамиле жасашыбыз керек экен, менде ушул сезим пайда болду”.


Калыс-Ордо жаңы конушунун тургуну, жаш акын Батыркулова Сайра: “Мен буга чейин Фонд уюштурган «Поэзия кечеси» долбооруна катышкан элем. КӨБдүн тренингдерине катышуу менен мен өзүм күтпөгөндөй көп нерсени ала алдым, ар б ир сабак катуу таасир этип, мага позитивдүү ой жүгүртүүнүн жана чыгармачылыктын үрөнүн септи. Мен балдарды тарбиялоо ишине жасаган мамилени тереңирээк билүүм керек экен деген жыйынтыккак келдим. КӨБдун адистерине ырахмат”.


Ала Тоо жаңы конушунун тургуну Сапаралиева Сыягул: "Мен уулум Усман экөобуз тренингдерге алтынчы ирет катышып жатабыз. Бизге абдан жагып жатат, менин уулум 80%га өзгөрдү. Анын ой чабыты кеңейди, бир нерсеге ачык, кызыкдар болуп мүнөзү өзгөрдү. Балдар бакчасына бара албаган биздейлерге камкордук көргөн Роза Исаковнага чон рахмат. Сабактарды белгилүу инсандар, эксперттер өткөрүп жатышат, бул да бизге татыктуу муунду тарбиялоодо шык жаратып жатат».


Ак-Өргөө жаңы конушунун тургуну Сыдыгалиева Айзада: "Мен абдан кубанычтамын жана биздин конушка келишкендиги үчүн Фондго ыраазылык билдирем. Көп нерсени үйрөндүм, таң калычтуусу менин эки жаштагы балам абдан жөндөмдүу экен, ал кагаздан түрдүү нерселерди жасап жатат, жөнөкөй эле материалдардан сонун арчаны жасап койду. Мен эми өзүм окуп, билим алып биздин конушта бала бакча ачайын деген ойдо болуп жатам».


Көк-Жар конушунун жашоочусу Чодурова Айгерим: “Балдар – биздин келечек, ушул сөздү кээде жөн эле айтып коёбуз. А «Роза Отунбаеванын фонду бизге өзүбүздүн жаркын келечекти билим берүү, өнүктүрүү аркылуу кантип камсыз кылууну көрсөтуп жатат. КӨБдүн тренингдеринен ата-эне менен балдар ортосундагы мамилени кантип куруу керектигин , балдардын эрте өнүгүүсү, ой жүгүртүүсү, көз карашы жана калыптануусу, китептерге кызыгуусу үчүн качан, кандай салымды кошушубуз зарыылдыгын үйрөндүк. Мен балдардын билиминен биздин конуштун, албетте, бүтүндөй Кыргызстандын келечеги көз каранды деп ойлоймун!»


Исраилова Индира Алайбековна: ”Мен 3 жаштагы балам менен төртүнчү ирет катышып жатам. Балам колду кантип туура жана таза жуушту үйрөндү. Азыр болсо мени ал күн сайын колуңду жуудуңбу деп көзөмөлгө алып калды. Буга Эжейи( ыктыярчы-окутуучу) үйрөткөнүн да эсинен чыгарбайт. Мен эрте куракта тарбиялоо боюнча жаңы ыкмаларды үйрөндүм».

Акыркы жаңылыктар

22.04.2019

Бишкектеги конуштардын арасында Лига «Ынтымактуу конуштар» спартакиада өтүүдө

Үстүбүздөгү жылдын 20-апрелинде Бишкек шаарынын Ак-Ордо конушунда “Ынтымактуу конуштар” Лигасы аттуу спартакиаданын салтанаттуу ачылышы “Жаңы конуштар тынчтык жана биримдик үчүн!” деген ураан менен ачылды. Спартакиаданын ачылышында ЮНФПАнын аткаруучу өкүлү Медер Өмүрзаков, Бишкек шаарынын мэриясынын социалдык бөлүмүнүн башчысы Майрам Мамбетова, оор атлетика боюнча Олимпиада чемпиону, дүйнөнүн төрт жолку чемпиону жана Европанын эки жолку ...
21.04.2019

«Жибек жолу» көргөзмөсүндө Индия өлкөсүнүн күнү болуп өттү

Бүгүн, 21-апрель күнү Г.Айтиев атындагы Кыргыз Улуттук Көркөм өнөр, Сүрөт музейинде жүрүп жаткан “Жибек жолу” көргөзмөсүндө Индия өлкөсүнүн күнү болуп өттү. Иш чара индия бийлерин бийлөө менен башталды. Расмий ачылышында Эл аралык Медицина Жогорку Мектебинин ректору С.М. Ахунбаев, «ISM Edutec”директору, доктор Сонал Поту , “Роза Отунбаеванын демилгеси” Эл аралык коомдук фондунун долбоор жетекчиси Роза Кайыкова сөз сүйлөштү. Р.Кайыкова ...
20.04.2019

«Жибек жолу» көргөзмөсүндө Пакистан өлкөсүнүн күнү болуп өттү

Бүгүн, 20-апрель күнү Г.Айтиев атындагы Кыргыз Улуттук Көркөм өнөр, Сүрөт музейинде жүрүп жаткан “Жибек жолу” көргөзмөсүндө Пакистан өлкөсүнүн күнү болуп өттү. Иш чара кыргыз, урду, англис, орус тилдериндеги саламдашуулар жана улуттук ырлар, бийлер менен башталды. Пакистан элинин улуттук кийимдери көрсөтүлдү. Расмий ачылышында Кыргыз Республикасынын Тышкы Иштер Министринин кеңешчиси Алмаз Асанбаев, Пакистан өлкөсүнүн Кыргыз ...
19.04.2019

«Жибек жолу» көргөзмөсүндө Афганистан Ыслам Республикасынын күнү болуп өттү

Г.Айтиев атындагы Кыргыз Улуттук Көркөм өнөр жана Сүрөт Музейинде өтүп жаткан «Жибек жолу» Көргөзмөсүнүн 19-апрелдеги күнү Афганистанга арналды.   Иш чаранын расмий бөлүгү «Афганистан» деген даректүү фильм менен башталды. Андан соң ушул күндөрү Кыргызстанга расмий иш сапары менен келген Афганистан Ыслам Республикасынын Тышкы Иштер министри Салахуддин Раббани Көргөзмөгө да өзүнүн делегациясы менен келип катышып, куттуктоо сөзүн ...
18.04.2019

«Жибек жолу» Көргөзмөсүндө Өзбекстан күнү болуп өттү

Бүгүн, 18-апрелде Г.Айтиев атындагы Кыргыз Улуттук Көркөм өнөр, Сүрөт Музейинде жүрүп жаткан «Жибек жолу» Көргөзмөсүндө Өзбекстан өлкөсүнүн күн болуп өттү.   Иш чара керней, сурнайлардын шаңдуу үнү менен коштолгон концерттик программа менен башталды. Расмий ачылыш салтанатында КР экс-Президенти, «Роза Отунбаеванын демилгеси» Эл аралык Коомдук Фондунун негиздөөчүсү Р.И.Отунбаева, Өзбекстандын Кыргыз Республикасындагы Ыйгарым ...
17.04.2019

«Жибек жолу» Көргөзмөсүндө Түркмөнстан күнү болуп өттү

Бүгүн, 17-апрелде Г.Айтиев атындагы Кыргыз Улуттук Көркөм өнөр, Сүрөт Музейинде өтүп жаткан «Жибек жолу» интерактивдик Көргөзмөсүндө Түркмөнстан күнү болуп өттү.   Иш чара түркмөн элинин ырлары жана бийлери менен башталды. Андан соӊ Кыргыз Республикасынын экс-Президенти, «Роза Отунбаеванын демилгеси» Эл аралык Коомдук Фондунун негиздөөчүсү Р.И.Отунбаева Түркмөнстандын башкы бренди акалтекин тукумундагы жылкылар, экинчиси көз жоосун ...
16.04.2019

Кыргызстандагы санарип муун: билим берүүдө маалыматтык-коммуникациялык технология, IT билим берүү

Кыргызстандагы санарип муун: билим берүүдө маалыматтык-коммуникациялык технология, IT билим берүү
16.04.2019

«Жибек жолу» Көргөзмөсүндө «Экологиялык билимдер күнү» болуп өттү

Бүгүн, 16-апрель күнү Г.Айтиев атындагы Кыргыз Улуттук Көркөм өнөр, Сүрөт музейинде өтүп жаткан “Жибек жолу” интерактивдүу Көргөзмөсүнүн алкагында Экологиялык билимдер күнү болуп өттү. Иш чарага Бириккен Улуттар Уюмунун Айыл чарба жана азык-түлук уюму (ФАО), Бүткүл дүйнөлүк азык-түлүк программасы, “Германиянын жаратылышты коргоо союзу” коомдук бирикмесинин (NABU) Кыргызстандагы филиалы, “Үч чака”, “Кыргызстандын агрардык платформасы”, ...
16.04.2019

Көргөзмөдөн калбайын деп Таластан келген Айдиншер Жибек жолу көргөзмөсүндө

14-апрелде Г.Айтиев атындагы Кыргыз Улуттук Көркөм өнөр, Сүрөт Музейинде өтүп жаткан Жибек Жолу интерактивдүү көргөзмөнүн алкагында Ак илбирс күнү болду. Талас облусунун Талас шаарынан бери Жибек Жолу интерактивдүү көргөзмөсү тууралуу сыналгыдан көрүп, чоң энеси менен келген Айдиншер, көргөзмөнүн көрүүчүлөрүнө пластилинден ак илбирсти жасоо боюнча мастер класс өткөрдү. Айдиншердин чоң энеси Жылдыз Акманалиеванын айтымында, небереси төрт жашынан ...
14.04.2019

Жибек Жолу көргөзмөсүндө Ак илбирс күнү болуп өттү

14-апрелде Г.Айтиев атындагы Кыргыз Улуттук Көркөм өнөр, Сүрөт Музейинде өтүп жаткан Жибек Жолу интерактивдүү көргөзмөсүнүн алкагында Ак илбирс күнү болуп өттү.   Көргөзмөнүн көрүүчүлөрүнө ак илбирс тууралуу видео ролик көрсөтүлүп, балдар арасында ак илбирсти билүү боюнча викторина уюштурулуп, жеңүүчүлөрүнө чакан белектер берилди. Фото капкан тууралуу кенен маалымат берилип, ал залда отургандарды сүрөткө тартып алгандарын кайра балдарга ...
13.04.2019

Билим фестивалы башталды

Жетинчи Билим фестивалы «Кыргызстандагы санарип муун: билим берүүдө маалыматтык-коммуникациялык технология, IT билим берүү» деген ураандын алдында өтүүдө. Анын алкагында информатика мугалимдерине сабактар өткөрүлүп, катышуучулар Борбор Азиядагы Америка университети менен таанышып, жаңы заманбап технологияларды билим берүүдө колдонуу, инновация боюнча мастер-класстарга катышат.https://www.azattyk.org

Издөө

Экс-президенттик институт

«Устат» долбоору

Мектепке даярдык көрүүчү жыл


School of Childhood

Садики на джайлоо

Gardens on jailoo

Балачак мектеби

School of Childhood

Билим фестивалы

«Эко-долбоор»

«Жылдыздар бөбөктөргө китеп окуйт»

КРда мектеп тамак-ашын ылайыкташтыруу

Балдар үчүн мастер-класстар

«Балдар филармониясы»

«Поэзия кечелери»

Биздин басылмалар

«Мекендештер»


mekendeshter-logo

«Бешик ырлары»


beshik-logo

Видео

«Аларда кандай болду экен?»

«Фонддун долбоорлору»