Демилгелер Келечек муунга инвестициялоо «Эко-долбоор» Эко-кампаниялар жана акциялар

28.03.2016

Көктөмдөгү көчөттөр жана үмүт-тилектер

«Роза Отунбаеванын демилгеси» коомдук фондунун сунушу менен Москва районундагы Сретенка орто мектебинде 250 түп жемиш бактары отургузулду. Акциянын максаты мектеп алдындагы жемиш бакчаларын өнүктүрүү жана Чүй облусундагы мектептерди колдоп, акырындык менен башталгыч класстын балдарына ысык тамак берүүнү көздөйт. Бул жакшы жөрөлгөнү Бириккен бүткүл дүйнөлүк азык-түлүк жана айыл чарба уюму (ФАО) жана KISB банкы да колдоду.

 

Экс-президент Роза Отунбаеваны Москва районундагы 50 жылдык тарыхы бар Сретенка орто мектебинин педагогикалык жамааты, окуучулар жана ата-энелер тосуп алышты. Өз сөзүндө Роза Исаковна мектептин айлана-чөйрөсү абдан таза жана ирээттүү экенин белгиледи.

 

- Биздин келген максатыбыз — мектептин алдында жемиш бакчасын уюштуруу. Аны силер окуучулар багып, өстүрөсүӊөр. Карагылачы, мектептин айланасындагы теректерге бир топ жыл болгону байкалып турат. Келгиле, балдар, мектепке, табиятка мамиле кылганды үйрөнөлү. Жер шарында 7 млрд. адам жашайт, 2030-жылы ал 9 млрд. чыгат деген маалымат бар. Мына ошол 7 млрд. ичинен 6 млн. калкы бар 200 миӊ кв.км жайгашкан Кыргызстан мамлекетинде биз жашайбыз. Жер шарынын теӊдештигин биз бузбашыбыз керек. Табияттын мыйзамын дайыма бузган үчүн таза суубуз, табигый ресурстарыбыз, таза азык-түлүктөрүбүз азайып баратат. 6 млн. калкыбыздын ден соолугу чыӊ болуу үчүн бардык аракеттерди көрүп жатабыз. Өзгөчө балдарыбыздын дени сак болсо, алардын окуусу да жакшы болуп, көӊүлдөрү да жайдары болот. Балдар мектепте жок дегенде бир жолу тамактануусу керек. Биз республикадагы бардык мектептерди ысык тамак менен камсыз кылуу аракетин көрүп жатабыз. БУУнун Бүткүл дүйнөлүк азык-түлүк программасы буга чейин 261 мектепте башталгыч класстын окуучуларын тамактандырып келишсе, азыр биздин аракетибиз менен анын саны 800 жетти.

 

Мен Ош шаарындагы Киров мектебинде окугам. Мектепке эки жагы жалаӊ бак-даракка жыш толгон аллея аркылуу кирчү элек. Кийин ошол бак-дарактардын эскилиги жетип, соолуганы соолуп, өспөгөнү куурап калган эле. Кийин ошол билим алган уямдын аллеясына бүт жаӊы көчөттөрдү отургуздум. Силердин бүтүрүүчүлөрүӊөр дагы артында жакшынакай из калтырат деп ойлойм.

 

Мектептин 1,5 гектар жери бар экен. Эски, чирип калган бактар кыйылыптыр, мына ошолордун ордуна жаӊы көчөттөрдү отургузалы дедик. Мен жетектеген фонд болгону демилге көтөрүп, ишти аткарууга дем берип турат. Мына ушул биз көтөргөн демилгени БУУнун Бириккен улуттар уюмунун азык-түлүк жана айыл чарба уюму (ФАО) колдоду. Бүгүн биз баштап берсек, эмдиги жылы 50 түп алма же алмуруттун көчөтү кантип табылбасын? Табылат. Мына силердин эски бакчаӊарды калыбына келтирип берсек, буюрса, келечекте мөмөлөрүн аласыӊар, ал мектепке кошумча каражат алып келет. Дегеле келечекте жакшы жашоону кааласак айыл чарбасын өнүктүрүшүбүз зарыл.

 

Мындан сырткары, балдар, силер жаӊы доордо жашап жатасыӊар. Биздин кошунабыз Кытай мамлекетин карагылачы, кандай ылдамдык менен өнүгүп жатат. Алар таза азык-түлүк менен тамактанууну каалашат. Кытай эӊ ири сатып алуучулардын бири. Ошондуктан биз таза азык-түлүктөрдүөндүрүшүбүз керек. Биз жер-жемиштерди кантип себебиз, кантип сугарабыз, канткенде мол түшүм алынат ж.б.у.с. нерселерди окуп билүүбүз зарыл. Айыл чарбасына окуйм дегендерге ак жол, ал эми инженер болом дегендерди кош колдоп колдойм. Ошол эле кезде англис, кытай тилдерин окуганга чакырып кетем, — деди экс-президент.

 

Андан кийин сөз алган БУУнун Азык-түлүк жана айыл чарба уюмунун Кыргызстандагы өкүлүнүн орун басары Зарина Абдышева, БУУнун Бүткүл дүйнөлүк азык-түлүк программасынын Кыргызстандагы директору Рам Сараванамутту окуучулардын тамактануусуна кошумча каражат алууда жемиш бакчасы чоӊ ролду ойноорун белгилешти.

 

- Жемиш бакчасы кошумча каражат алып келет. Ошондуктан сапаттуу азык-түлүктөрдү алып, тамактанууну жакшыртса болот. Роза Исаковнанын сунушун биз кубануу менен кабыл алдык, анткени өнөктөштөр менен бирге жасап жаткан ишибизди кеӊейте алабыз. Баарыбыз чогуу окуучулардын сапаттуу тамактануусун камсыз кылабыз. Эӊ башкысы окуучулар жемиш бакчасын багуу менен бирге экология жана айлана-чөйрө тууралуу билимдерин өркүндөтүшөт. Мектеп алдындагы чарба — балдарды стабилдүү, сапаттуу, толук кандуу тамак менен камсыз кылууда жана мектепти каржылоодо башкы ролду ойнойт. Окуучулардын тамактануусун өнүктүрүү аракетибизде — мектеп алдындагы чарба маанилүү компоненттердин бири. Так ушул нерсени өнөктөштөр колдоп кетти, — деди Рам Сараванамутту.

 

Ал эми Чүй облусу боюнча Өкмөттүн атайын ыйгарым өкүлүнүн орун басары Жаӊыл Айдакеева, мамлекет тарабынан 298 мектеп колдоого алынып, тамактануусу каржыланып жатканын айтты. Ошондой эле ал Кемин, Жайыл, Москва райондорундагы айрым мектептерге «Роза Отунбаеванын демилгеси» коомдук фонду, Бириккен бүткүл дүйнөлүк азык-түлүк жана айыл чарба уюму (ФАО), KISB, «КРнын мектептеги тамактанууну жакшыртуу» боюнча БУУнун Бүткүл дүйнөлүк азык-түлүк программасынын колдоосу аркылуу ысык тамак берилип жатканына ыраазычылыгын билдирди. Ал эми ата-энелердин жана жергиликтүү бийликтин жардамы менен дагы 90 мектеп ысык тамакка өткөнүн баса белгиледи.

 

Сретенка орто мектебинин директору Изат Маметовдун айтуусунда, 700 окуучусунун 400 башталгыч класстын балдары. Мындан сырткары мектептин алдында бала бакча да иштейт.

 

- Бүгүнкү отургузулган жемиш бактар ар бир класска бөлүнүп берилет. Алар жыл бою аны карап, багып, өстүрүшөт, — дейт мектеп жетекчиси.

 

Ошентип, айылдык мектепке келген коноктор, мугалимдер, окуучулар жана ата-энелер бир саатка жетпеген убакытта 250 түп ар кандай сорттогу жемиш бактарын отургузушту. Алар бактарды жөн эле тигип койбостон, туура отургузууну да үйрөнүштү.

 

- Карагылачы, балдар, он чакты бакты кайра отургузууга туура келди. Бүгүнкү иш-чарадан ар бириӊер сабак алдыӊар деп ойлойм. Көрсө, ар бир көчөттүн киндигин күн чыгыш жакка каратып, аны көмбөш керек экенин билдик. Бүгүн баарыбыз чогуу алма жана алмурут бактарын тигүү боюнча билимибизди өркүндөтүп, билбегендер үйрөнүп алышты. Менимче, бүгүнкү күн текке кеткен жок, — деди Роза Отунбаева.

 

Айтмакчы, март айынын ичинде Чүй облусунун 11 мектебинде 200 түп алма жана алмурут бактары отургузулат. Келечекте бул жемиш бактарынан алынган мөмөлөр окуучулардын тамактануусунун сапатын жогорулатат жана түшкү тамактын ассортиментин көбөйтөт. «Роза Отунбаеванын демилгеси» коомдук фонду жана ФАО учурда сегиз мектепке жемиш бактарын отургузушса, KISB эки мектепке кошумча каржылык колдоо көрсөттү, ал эми «Глобалдуу ой жүгүрт — чөлкөмдө аракеттен» аттуу фонддун эко-долбоору бир мектепти колдоп, ал жерде дагы ар кандай сорттогу жемиш бактары отургузулду.

 

Экс-президенттин пикиринде, мектеп алдында уюштурулган бакчалар таза жана рационалдуу тамактанууга үйрөтөт, ошондой эле окуучулардын табият менен таттуу жашоосуна түрткү берет. Мындан сырткары бакчалар айыл чарба, экономика жана тамактануу тууралуу сабак өтүүдө лабораторияга айланат.

 

Бул демилге мектеп алдындагы бакчаларды өнүктүрүүнү, ошондой эле БУУнун БДАТП модели боюнча акырындык менен ысык тамакка өтүүнү көздөйт. Бүгүнкү учурда 261 мектепте тамактануунун жаӊы модели ишке ашырылган. Муну менен бирге пилоттук программага кирбеген мектептерди БДАТП керектүү эмеректер менен камсыздап, тиешелүү консультацияларды да берет. Ал эми өнөктөштөрдүн бирдиктүү иштеринин натыйжасында 3000 ашык окуучулар сапаттуу тамактанууга мүмкүнчүлүк алышат.

 

Гүлнара Алыбаева, 

«Кутбилим»

Акыркы жаңылыктар

15.02.2019

Жоопкерчиликтүү ата-эне болуунун жолдору

“Роза Отунбаеванын демилгеси” эл аралык фонду “Балдарга, кыздарга, аялдарга жасалган зомбулукту алдын алууда, үй-бүлөнү пландоодогу жоопкерчиликтүү ата-энелик” аталышында Бишкек шаарынын он жаңы конуштарындагы Коомдук ден соолук комитеттеринин мүчөлөрүнө тренинг өткөрүүдө. Тренингдин максаты – дени сак, ар тараптан өнүккөн балдарды тарбиялап өстүрүүдөгү ата-энелердин ролун чечмелөө, жоопкерчиликтүү ата-эненин милдеттери менен ...
13.02.2019

Армениянын маалыматтык-коммуникативдик технологиялары, инновациялык билим берүү тажрыйбасы менен таанышуу сапары

Үстүбүздөгү жылдын 6-7 февралында «Роза Отунбаеванын демилгеси» Эл аралык коомдук фондунун аткаруучу директору Кендирбаева Д.Ш., долбоордун координатору Маражаббай к. А., "Аскар Салымбековдун Фонду" коомдук фондунун башкы директору Жумадилов А.Ж. жана аткаруучу директору Жумадилов Э.Ж. Армениянын маалыматтык-коммуникативдик технологиялары (МКТ), инновациялык билим берүү тажрыйбасы менен таанышып келишти. Сапардын максаты - МКТ боюнча алдынкы ...
07.02.2019

«Поэзия поезди» поэзия кечеси

«Роза Отунбаеванын демилгеси» эл аралык коомдук фонду Улуттук Филармония менен биргеликте Кыргызстандагы эл-журтка кеңири белгилүү акын, жазуучулардын жана жаш таланттардын поэтикалык кечелеринин сериясын тартуулоону улантууда. Мындай кеченин кезектегиси эл ичинде сүймөнчүлүккө ээ болгон жаш акын, Ч.Айтматов атындагы мамлекеттик жаштар сыйлыгынын ээси Максат Жангазиевдин, акындар Мырзайым Айтимбетованын жана Умар Нусубалиевдин ...
04.02.2019

2019-жылды экология менен улантабыз!

Билим кербени 2019-жылдан тартып Бишкек шаарынын мектеп окуучулары үчүн экологиялык тарбиялоо боюнча лекцияны улантат. Эко команданын лектору Данияр Суйундук уулу быйылкы жылы № 62, 11, 26 жана 71 мектептерге барды, ал жерлерде 8- 9-класстардын окуучулары үчүн экология темасына лекция – презентацияны өткөрдү, ошондой эле эко долбоордун алкагында Фонд тарабынан түзүлгөн эко роликтер көрсөтүлдү. Жогорку класстардын окуучулары активдүүлүгүн жана ...
03.02.2019

«Роза Отунбаеванын демилгеси» ЭКФнын 2019-жылдын февралына иш-чараларынын дайджести

Роза Отунбаеванын демилгеси» ЭКФнын   2019-жылдын февралына   иш-чараларынын дайджести       1-февраль - "Гений" радиоберүүсү Качан: 1-февраль, 13:30дан - 14:00гө чейин Кайда: Биринчи Радио Тема "Ата-эне болуу: укук гана эмес, ошондой эле милдеттер". Спикер - Эльмира Каримова, монтессори-педагог, социалдык педагог, психолог. Тили: орус Телефон: 0707471879 (Джакыпбекова Асель, координатор)     8-февралда -  КР экс-Президенти Р.И. Отунбаеванын Жеңиш жана ...
31.01.2019

Барскоон жана Сузак айыл аймактарынын өкүлдөр «Миграция жана өнүктүрүүнүн жергиликтүү пландарында гендердик теңчилик маселелери» лагеринде окутуудан өттү

2019-жылдын 28-январында «Миграция жана өнүктүрүүнүн жергиликтүү пландарында гендердик теңчилик маселелери» үч күндүк лагери аяктады. Лагердин ишине Барскоон жана Сузак айыл аймактарынын өкүлдөрү: айыл аймактарынын башчылары, башчылардын орун басарлары, жооптуу катчылар, айылдык кеңештин депутаттары, аялдар кеңештеринин мүчөлөрү, башкы бухгалтерлер, лидерлер жана активисттер катышты. Лагердин максаты – жергиликтүү өнүктүрүү стратегиясын, анын ...
30.01.2019

STEM - 2019 кышкы мектебинин ачылышы болуп өттү

29-январда И.Раззаков атындагы КМТУда STEM кышкы мектебинин ачылышы болуп өттү. Ачылышта ФРГнын КРдагы Элчиси М.Иверсен, И.Раззаков атындагы КМТУнун ректору М.Ж. Джаманбаев, «Роза Отунбаеванын демилгеси» ЭКФнын аткаруучу директору Д.Кендирбаева, КРдагы ДААД маалымат борборунун аткаруучу директору К.Тевс, КГТИнин директору А.А. Усупкожоева саламдашуу менен сөз сүйлөдү. Сөз сүйлөгөндөр техникалык багыттар боюнча окутуунун келечектери жөнүндө, ...
27.01.2019

«Ызгаардагы ыр» поэзия кечеси чоң аншлаг менен өттү

2019-жылдын 25-январь күнү Т.Сатылганов атындагы Кыргыз Улуттук Филармониясынын Кичи залында белгилүү акын Мирлан Самыйкожонун «Ызгаардагы ыр» поэзия кечеси чоң аншлаг менен болуп өттү. Жүздөгөн поэзия сүйүүчүлөрү кечеге келип, залга батпай калды. Аталган ыр кече буга чейинкилерден өзүнүн сценарийинин кызыктуулугу жана динамикалуулугу менен айырмаланды. Мирлан Самыйкожо өзүнүн кечесин кыргыз поэзиясынын атактуу өкүлдөрүнө арнаган ыры ...
26.01.2019

Роза Отунбаева: Креативдүү индустрия музейлерден башталат

Туризм өлкөнүн ички дүң продукциясына 5 пайыздык киреше алып келет, бул чек эмес, башталышы десек туура болчудай. Бийликтин “Ачык асман” жөнүндөгү чечими да буга кол кабыш кылмакчы: кыймылдардын интенсивдүүлүгү көбөйөт, адамдардын, жүктөрдүн ички жана эл аралык каттоолору күчөйт. Бүгүн эле Кыргызстан: кышкысын жана жайкысын кыска мөөнөттүү эс алууну, трекингдерди жана хайкингдерди (узун жана кыска багыттуу жөө туризми), лыжа туризмин сунуштаган ар ...
23.01.2019

«50+»долбоору «Мобилдүү технологиялар» курстарына чакырат

«50 ПЛЮС» долбоору – өз ниеттерин жүзөгө ашырууну, кызыктуу, жигердүү, узак жашоону каалагандар үчүн!     Урматтуу улуу муундун өкүлдөрү,   Сиздер мобилдүү телефонду пайдаланууда ишенимдүү болууну, социалдык тармактар аркылуу баарлашууга, электрондук почтаны пайдаланууга үйрөнүүнү, коммуналдык кызмат көрсөтүүлөрдү үйдөн чыкпай туруп телефон аркылуу төлөөнү каалайсыздарбы?   Биз Сиздерди «Мобилдүү технологиялар» курстарына чакырабыз, ал жерде ...
23.01.2019

КР ЖК депутаты Садык Шер балдарга китеп окуп берди

2019-жылдын 18-январь күнү Кыргыз Республикасынын Жогорку Кеӊешинин депутаты Садык Шер «Роза Отунбаеванын демилгеси» эл аралык коомлук фонду Кыргыз Республикасынын Жогорку Кеңеши менен биргеликте уюштурган «Китеп билим булагы, билим өнөр чырагы» акциясынын алкагында Бишкек шаарындагы №68 мектеп-гимназиясында балдарга китеп окуп берди. Эл өкүлү окуган «Ынтымак сыры» китебин аталган мектептин 200 дөн ашуун окуучулары өтө кунт коюп, зор ...

Издөө

Экс-президенттик институт

«Устат» долбоору

Мектепке даярдык көрүүчү жыл


School of Childhood

Садики на джайлоо

Gardens on jailoo

Балачак мектеби

School of Childhood

Билим фестивалы

«Эко-долбоор»

«Жылдыздар бөбөктөргө китеп окуйт»

КРда мектеп тамак-ашын ылайыкташтыруу

Балдар үчүн мастер-класстар

«Балдар филармониясы»

«Поэзия кечелери»

Биздин басылмалар

«Мекендештер»


mekendeshter-logo

«Бешик ырлары»


beshik-logo

Видео

Р.И.Отунбаева номинирована на первую премию NABU «Снежный барс»

«Аларда кандай болду экен?»

«Фонддун долбоорлору»