Демилгелер Келечек муунга инвестициялоо «Эко-долбоор» Эко-кампаниялар жана акциялар

04.03.2017

«Биз сергек жашоо ыңгайын жактайбыз!» плакаттарынын шаардык конкурсун өткөрүү жөнүндө жобо


«Биз сергек жашоо ыңгайын жактайбыз!»

 

плакаттарынын шаардык конкурсун өткөрүү жөнүндө

 

ЖОБО

 

 

 

 1. Жалпы жоболор

  

1.1. Бишкек шаарынын мектептеринин арасында «Биз сергек жашоо ыңгайын жактайбыз!» плакаттарынын конкурсу (мындан ары – Конкурс) жөнүндө жобо Конкурстун максаттарын жана милдеттерин, аны уюштуруу, өткөрүү, жыйынтыктарын чыгаруу жана жеңүүчүлөрдү сыйлоо тартибин аныктайт.

 

1.2. Конкурс «Глобалдуу ой жүгүрт, чөлкөмдө аракеттен: балдар жана жаштар арасында экологиялык жоопкерчиликти жогорулатуу» эко-долбоорунун алкагында өткөрүлүп жатат.

 

2. Конкурстун максаттары жана милдеттери 

 

2.1. Конкурстун максаттары жана милдеттери болуп төмөнкүлөр саналат:

 сергек жашоо ыңгайынын маселелеринде балдарда жана өспүрүмдөрдө жигердүү турмуштук позицияны калыптандыруу;

 жаштардын чөйрөсүндө сергек жашоо ыңгайынын тенденцияларын күчөтүү;

 сергек жашоо ыңгайын пропагандалоо маселесине өзүнүн мамилесин билдирүүгө, социалдык рекламаны өнүктүрүүгө өз салымын кошууга жаш муунга мүмкүнчүлүк түзүү;

 жеке ийгиликтин негизи катары сергек жашоо ыңгайынын артыкчылыктарына мектеп окуучуларынын көңүлүн көркөм-графикалык каражаттар менен тартуу, руханий жана денебой жөндөмдөрүн өнүктүрүү, позитивдүү эмоциялык-эстетикалык маанайды калыптандыруу, маданий деңгээлди жогорулатуу, жагымдуу социалдык чөйрөнү түзүү;

 мектеп окуучуларынын чыгармачыл жөндөмдөрүн табуу жана өнүктүрүү.

 

3. Конкурсту уюштуруучулар 

 

3.1. Конкурсту уюштуруучулар – «Роза Отунбаеванын демилгеси» эл аралык коомдук фонду жана Бишкек шаарынын мэриясынын Билим берүү башкармалыгы. 

 

4. Конкурстун катышуучулары 

 

4.1. Конкурска 11 жаштан 16 жашка чейинки мектеп окуучулары катыша алат.

4.2. Ар бир мектептен Конкурска 5тен ашпаган иш кабыл алынат.

4.3. Конкурстун катышуучулары конкурстук материалдарды белгиленген мөөнөттө берүүгө милдеттүү.

4.4. Алынган бардык материалдар кайра кайтарылбайт.

 

5. Конкурстун тематикасы 

 

5.1. Конкурс төмөнкүдөй темалар боюнча өткөрүлөт:

 спортту, туризмди, жаштардын жигердүү жана маданий жашоо ыңгайын жана маңыздуу эс алуусун пропагандалоо темасы «Дени сактын дили таза!», «Сергек жашоо ыңгайы – ийгиликке карай жол, Дени сак болуу – эң сонун!»

 жаш муундун сергек жашоо ыңгайына карата мамилесинин темасы «Биз ... жактайбыз»;

 мектептин сергек жашоо ыңгайына карата мамилесинин темасы.

 

6. Конкурстун калыстар тобу 

 

6.1. Катышуучулардын иштерине баа берүү максатында, Конкурстун жеңүүчүлөрүн аныктоо үчүн Конкурстун калыстар тобу (мындан ары – Калыстар тобу) түзүлөт.

 

6.2. Калыстар тобунун мүчөлөрү Жобону сактоого жана өз ишинде Конкурстун Уюштуруу комитети бекиткен критерийлик аппаратты колдонууга милдеттүү.

 

6.3. Чыгармачылык ишке баа берүүнүн критерийлери:

 конкурстун максаттарына жана милдеттерине иштин шайкештиги;

 идеянын оригиналдуулугу;

 көркөм аткарылышы;

 автор чечип жаткан көйгөйдүн орчундуулугу;

 колдонулуп жаткан идеянын жаңы болушу;

 иштин көрүнүктүүлүгү жана айкындыгы;

 көрөрманга тарбиялык таасирдин даражасы;

 ураан, чакырык.

 

6.4. Калыстар тобунун мүчөлөрүнүн ишинин натыйжасы толтурулган жана кол коюлган баа берүү ведомосту болуп саналат.

 

6.5. Калыстар тобунун ишинин жыйынтыктары талкууланбайт жана кайра каралбайт.

 

7. Конкурсту уюштуруу 

 

7.1. Конкурс 2017-жылдын 1-мартынан 11-апрелине чейин өткөрүлөт жана төмөнкүдөй үч этаптан турат:

 1-этап – 2017-жылдын 1-мартынан 11-апрелине чейин иштерди кабыл алуу (Бишкек шаарынын мэриясынын Билим берүү башкармалыгы, № 12 каб.);

 2-этап – 2017-жылдын 11-апрелинен 20-апрелине чейин Калыстар тобу сунуш кылынган иштерге баа бериши;

 3-этап – 2017-жылдын 28-апрелинде 2017-Билим фестивалынын биринчи күнүндө Кыргыз мамлекеттик дене тарбия жана спорт академиясында (КМДТжСА) Конкурстун жеңүүчүлөрүн жана байгелүү орундарга жеткендерди сыйлоо.

 

7.2. Конкурстун жеңүүчүлөрү I, II, III даражадагы дипломдор жана байгелер менен сыйланат. Алда канча кызыктуу иштердин авторлору, Уюштуруу комитетинин сунуштамасы боюнча, кызыктыруучу сыйлыктар менен сыйланат. Мыкты конкурстук иштер Билим фестивалынын залдарына көрк берип турат (2017-жылдын 28-апрели).

 

7.3. Конкурстун жыйынтыктары ал аяктагандан кийин үч күндүн ичинде уюштуруучулардын расмий сайтына жарыяланат.

 

8. Конкурстук иштерге карата талаптар

 

8.1. Конкурска А1 форматындагы плакаттар кабыл алынат. Плакаттар ар кандай техникада (гуашь, тушь, пастель, компьютердик графика, аралаш техникалар жана башкалар) аткарылышы мүмкүн.

 

8.2. Плакаттардын тексти кыска, так, оригиналдуу болууга тийиш.

 

8.3. Иште эмоциялык боектор болууга тийиш, алардын булактары болуп түс, жарык, тамга, сүрөт, графикалык элементтер жана башкалар саналат.

 

8.4. Эгерде плакат графикалык компьютердик программалардын жардамы менен аткарылган болсо, файлы бар иш кошумча түрдө маалыматтык булакта берилүүгө тийиш.

 

8.5. Сунуш кылынган плакаттардын арткы бетинде төмөнкүдөй маалыматтарды көрсөтүү менен жазуу болууга тийиш: автордун фамилиясы, аты, туулган датасы, тема, мектептин номери, педагогдун ФАЖ, байланышуу телефону.

 

Конкурс боюнча консультацияларды Бишкек шаарынын мэриясынын Билим берүү башкармалыгынан төмөнкүдөй дарек боюнча алууга болот:

Кыргызстан, Бишкек ш., Пушкин көчөсү, 125.

Тел: +996 312 610091 - Осмонов Арстанбек Салборович.

E-mail: osmonov.58@mail.ru, upravlenie-edu-bish@mail.ru, obrazovanie.bish@mail.ru.  

Акыркы жаңылыктар

13.07.2018

Оргочор айылында тренинг болуп өттү

Үстүбүздөгү жылдын 9-10-июль күндөрү Ысык-Көл облусунун Жети-Өгүз районундагы Оргочор айылында “Мигранттар үчүн маалыматтык-миграциялык борборду ачууга жана аны туруктуу өнүктүрүүгө көмөктөшүү” долбоорунун алкагында “Мигранттар үчүн маалыматтык-миграциялык борборду ачууда айыл өкмөтүнүн жана айылдык кеңештин депутаттарынын ролу” аталышында тренинг болуп өттү.Тренингдин жыйынтыгы боюнча иш чара өз максатына жетти. Эскерте кетсек, ...
10.07.2018

Жайлоо өнүгүү борборлоруна Кыргыз Республикасынын Улуттук Жазуучулар союзунан белек тапшырылды

Жакында Кыргыз Республикасынын Улуттук жазуучулар союзу «Жайлоо өнүгүү борборлоруна» кыргыз жана орус тилинде жаңы басылып чыккан 100 даана китеп-жыйнакты белекке берди. Бул Жайлоо өнүгүү борборлоруна келген балдар үчүн абдан кызыктуу жана баалуу белек болду. Китеп-жыйнак “Каармандар өз досторун чакырат” (“Герои приглашают своих друзей”) деп аталып, ага 25 балдар жазуучуларынын чыгармалары кирген. Тактап айтканда, балдарга арналган бул ...
09.07.2018

Оргочордо ЖӨБОнун потенциалын арттыруу боюнча тренинг өтүп жатат

2018-жылдын 9-июлунан тартып 10-июлуна чейинки мезгилде Ысык-Көл областынын Жети-Өгүз районундагы Оргочор айылында «Гендердик жактан сезимтал пландаштыруу жана бюджет түзүү маселелери боюнча жергиликтүү өз алдынча башкаруу органдарынын потенциалын арттыруу» темасына тренинг өтүп жатат. Тренингди Норвегиянын Тышкы иштер министрлиги финансылаган «Региондук жана эл аралык көйгөйлөргө жооп иретинде адамдарды сатууга каршы күрөшүү жана чабал мигранттарды ...
06.07.2018

Америкадан келген математикадагы артыкчылыгы үчүн сыйлыктын ээси менен жолугушуу

2018-жылдын 6-июлунда И. Раззаков атындагы КМТУда математикадагы артыкчылыгы үчүн сыйлыктын ээси Айбилек Алдаярова менен жолугушуу болуп өттү.   А.Алдаярова «Программалоо, СТЕМ. Кыргызстанга пайдалуу болгум келет» темасына презентация жасады (презентацияны шилтеме боюнча жазып алууга болот >>>).   Айбилек программалоо, код коюу жөнүндө, аларды үйрөнүү эмне үчүн маанилүү экендиги жөнүндө, бул жагынан адистешүүнүн түрлөрү жөнүндө, дүйнөнү ...
05.07.2018

Күндүн темасы: 21- кылымга туура келген баланы өстүрүү маселеси канчалык актуалдуу?

Балдарды эртелеп өнүктүрүүнүн маанилүүлүгү, 21- кылымга туура келген баланы өстүрүү маселеси канчалык актуалдуу? деген суроого бүгүн Биринчи Радио “Күндүн темасы” программасында кайрылды.   Эмне үчүн өнүккөн өлкөлөрдө балдарга өзгөчө көңүл буруп ага инвестиция салууну артыкчылык багыт катары карашат?    Бул маселеде дүйнө өлкөлөрүндөгү жүрүп жаткан тажрыйбалар менен “Роза Отунбаеванын демилгеси” атындагы эл аралык коомдук фондунун ...
03.07.2018

«Роза Отунбаеванын демилгеси» эл аралык коомдук фонду «Заманбап көркөм өнөр - балдарга» деген жаңы долбоорду ишке киргизет

 «Роза Отунбаеванын демилгеси» эл аралык коомдук фонду Швейцариянын КРдагы Элчилигинин колдоосу менен жаңы «Заманбап көркөм өнөр – балдарга» долбоорун ишке киргизип жатат.   14-23-июлда Талас областындагы балдар үчүн алгачкы Арт-лагерь өтөт. Бардыгы болуп Арт-лагерь 180 баланы камтыйт, алардын ичинен 30у – булар Баткендеги, Ноокаттагы, Жалал-Абададагы, Ош шаарындагы, Чолпон Ата шаарындагы мектеп-интернаттардын, Бишкек шаарындагы Көркөм ...
02.07.2018

Математика жаатындагы артыкчылык сыйлыгынын ээси Айбилек Алдаярова менен жолугушууга чакырабыз

Жолугушуу 2018-жылы 6-июлда саат 10.00-дө И.Раззаков атындагы КМТУде өтөт (чоӊ акт залы). Айбилек Алдаярова математика жаатындагы артыкчылык сыйлыгынын ээси, оптика боюнча Фэйрфакс аймагынын жогорку мектептер арасында олимпиадасынын жеӊүүчүсү, Улуттук Ардактуу Математика бирикмесинин мүчөсү, так илимдер боюнча Джэймс Мэдисон мектеп клубунун вице-президенти (Вена шаары, Вирджиния штаты, АКШ). Жолугушуу учурунда А.Алдаярова программалоо, математика ...
29.06.2018

Жалал-Абад областында биологиялык ар түрдүүлүккө, экологиялык көйгөйлөргө жана курчап турган чөйрөгө арналган эки күндүк тренинг өттү

2018-жылдын 22-23-июнунда Жалал-Абад областында «Роза Отунбаеванын демилгеси» эл аралык коомдук фонду «Жалал-Абад областынын биологиялык ар түрдүүлүгү, экологиялык көйгөйлөрү жана курчап турган чөйрөсү» темасына эки күндүк тренингди өткөрдү. Иш-чара «Жайлоодогу экологиялык лагерь» долбоорунун алкагында Германиянын эл аралык кызматташтык коомунун финансылык колдоосу менен өттү. Семинарга Жайлоодогу өнүктүрүү борборлорунун ...
29.06.2018

Инновациялык долбоорлордун конкурсуна катышуу үчүн арыздарды кабыл алуу 20-сентябрга чейин узартылды!

Конкурс "СТЕМде аялдардын мүмкүнчүлүгүн кеӊейтүү жана ролун жогорулатуу" долбоорунун алкагында өткөрүлүүдө. 2018-жылы Инновациялык долбоорлордун конкурсунун темасы – иштин ар кандай чөйрөлөрүндө жаңы технологияларды киргизүү жана башкаруунун санариптик тутумуна өтүүгө даярдоо. Эскертме: Конкурска кыз-келиндер – техникалык багыттагы адистер, техникалык ЖОЖдордун студент кыздары жана КР мектептеринин (гимназияларынын), ...
28.06.2018

Бешик ырлары.

Канышай Капарова Уктай койчу бөбөгүм Ак бешикке бөлөйүн Уктаганча жөлөгүм мээримимди төгөйүн Алдей, алдей ак балам, Ак бешикке жат балам Умай энеӊ кайтарсын Душманыңды майтарсын Түшкө кирип энекең Мээрим менен таң атсын Алдей,алдей ак балам Ак бешикке жат балам Апакеңе өбөк бол Атакеңе жөлөк бол Эл керекке жараган Ак жолтойлуу бөбөк бол Алдей,алдей ак балам Ак бешикке жат балам Ак сүтумдү ийгеним Ак батамды бергеним Актаса деп үмүтүм Аруу тилек ...
21.06.2018

Роза Отунбаеванын чет жакта жашап, эмгектенип жүргөн мекендештерге кайрпылуусу

Кыргыз Республикасынын экс-Президенти, "Роза Отунбаеванын демилгеси" эл аралык коомдук фондунун негиздөөчүсү Роза Отунбаеванын чет жакта жашап. эмгектенип жүргөн мекендештерге видео-кайрылуусу

Издөө

Экс-президенттик институт

«Устат» долбоору

Мектепке даярдык көрүүчү жыл


School of Childhood

Садики на джайлоо

Gardens on jailoo

Балачак мектеби

School of Childhood

Билим фестивалы

«Эко-долбоор»

«Жылдыздар бөбөктөргө китеп окуйт»

КРда мектеп тамак-ашын ылайыкташтыруу

Балдар үчүн мастер-класстар

«Балдар филармониясы»

«Поэзия кечелери»

Биздин басылмалар

«Мекендештер»


mekendeshter-logo

«Бешик ырлары»


beshik-logo

Видео

Добро пожаловать!

«Аларда кандай болду экен?»

«Фонддун долбоорлору»