Демилгелер Келечек муунга инвестициялоо «Жайлоодогу балдар бакчалары»

29.07.2015

«Жайлоодогу мыкты өнүгүү борбору-2015» конкурсу

“Роза Отунбаеванын демилгеси” эл аралык коомдук фонду “Жайлоо бала бакчасы-2015” долбоорунун алкагында тоолуу аймактарда балдарды өнүктүрүүгө багытталган жайлоо өнүгүү борборлорунун алдыңкы иш тажрыйбаларын жайылтат жана жергиликтүү демилгелерди колдойт. Жайлоо шартында балдардын ар тараптуу өнүгүүсүнүн үстүнөн иштеп жаткан тарбиячылардын, жергиликтүү бийлик өкүлдөрүнүн, жайыт комитеттеринин жана ата-энелердин ишмердүүлүгүнүн натыйжасын жогорулатуу максатында аймактарда ачылган “өнүгүү борборлорунун” арасында кароо-сынак жарыялайт.


Конкурска “Роза Отунбаеванын демилгеси” эл аралык коомдук фонду менен биргеликте жайлоо бала бакчаларын уюштурууга жигердүү катышкан жергиликтүү бийлик өкүлдөрү, жайыт комитеттери, тарбиячылар, ата-энелер жана бала бакчалардын башчылары катыша алышат. Конкурска катышуу боюнча талаптар менен атайын иштелип чыккан жобо аркылуу тааныша аласыздар.


Кароо сынактын номинациялары.

• “Үлгүлүү өнүгүү борбору”

• “Жаңылыктын жарчысы”

• “Жигердүү ата-эне”

• “Өнөктөш массалык маалымат кызматы”


Конкурстун байге фонду

• Баш байге жасалгасы менен кыргыз боз үйү;

• Мыкты жетишкендиктерди көргөзгөн 10 адам чет өлкөгө бир жумалык саякатка жолдомо алат;

• Андан тышкары баалуу белектер сертификаттар берилет.


Бардык жайлоо өнүгүү борборлору бул конкурска катышууга укуктуу. Аймактардагы жайлоо өнүгүү борборлорун баалоо процесси 2015-жылдын 25-августуна чейин уланат. Аймактардагы өкүлчүлүктөр жана жюри мүчөлөрү өнүгүү борборлорунун (жайлоо бала бакчалары) ишмердүүлүгүн жобонун талаптарынын негизинде, баалайт. Конкурстун жыйнтыгы 15-сентябрда жарыяланат.


Кошумча маалыматты 0312 660 368, 0556 549 154, 0552 600 738, 0771 388596 телефондору аркылуу жана www.roza.kg сайттынан билсеңиз болот.


Биздин дарегибиз: Бишкек шаары, Проспект Чүй 106/ Тыныстанов көчөсү менен кесилишет. Экономика министрлигинин имараты. 1 этаж, 115 кабинет.




“ЖАЙЛООДОГУ МЫКТЫ ӨНҮГҮҮ БОРБОРУ-2015” КОНКУРСУНУН

ЖОБОСУ


Конкурстун максаты:

 

Жайлоо шартында балдардын ар тараптуу өнүгүүсүнүн үстүнөн иштеп жаткан тарбиячылардын, жергиликтүү бийлик өкүлдөрүнүн, жайыт комитеттеринин ата-энелердин ишмердүүлүгүнүн натыйжасын жогорулатуу жана аракеттерин колдоо.


Конкурстун номинациялары:

 

• “Үлгүлүү өнүгүү борбору”

• “Жаңылыктын жарчысы”

• “Жигердүү ата-эне”

• “Өнөктөш массалык маалымат кызматы”


“Үлгүлүү өнүгүү борбору”.

 

Бул номинацияга өнүгүү борборлорун ишмердүүлүгүнүн натыйжалуу уюштурган райондук жана айыл округдары, жайыт комитеттери, райондук билим берүү бөлүмдөрү, мектепке чейинки билим берүү мекемелери, мектептер жана ЖОЖ дор катыша алышат.

Баалоо критерийлери:

• Жайлоодогу өнүгүү борборлорун уюштурууда финансылык колдоо көрсөтүү;

• Техникалык колдоо иштери;

• Коомчулукту мобилизациялоо иштери;

• Жайлоо өнүгүү борборлорун жабдуу; (боз үй, күндөлүк муктаждыктарын камсыздоо, китептер, оюнчуктар ж.б);

• Жайлоо өнүгүү борборлорунун педагогдорду жана башка билим берүү программаларын каржылоо;

• Жайлоо өнүгүү борборлорунун актуалдуулугун коомчулукка жеткирүү;

• Жайлоо өнүгүү борборун туруктуу өнүктүрүү планы.

 

“Жаңылыктын жарчысы”.


Аталган номинацияга жайлоо өнүгүү борборлорунун педагогдору, тарбиячылары жана жетекчилери катышса болот.

Баалоо критерийлери.

• Балдарды жайлоо шартында өнүктүрүүдөгү алдыңкы тажрыйбаларды колдонуусу, жайылтуусу;

• Балдардын экологиялык билгичтиктерин жана көндүмдөрүн калыптандыруу боюнча интерактивдүү ыкмаларды колдонуусу;

• Педагогдордун чыгармачылдыгы, демилгелүүлүгү;

• Балдарды өнүктүрүү процессинде жеткиликтүү жана жергиликтүү дидактикалык материалдарды пайдалана билүүсү;

• Бөбөктөрдүн өнүгүү динамикасын байкоо жүргүзүү ыкмалары;

• Бөбөктөрдү өнүктүрүүдө коомчулук менен жигердүү иш алып баруусу.


“Жигердүү ата-эне”.

 

Аталган номинацияга бөбөктөрдүн жайлоо шартында өнүгүүсүнө жигердүү жана ыктыярдуу колдоо көрсөткөн ата энелер, коомчулуктун өкүлдөр жана жеке инсандар катыша алышат.

Баалоо критерийлери:

• Жайлоодогу өнүгүү борборлорунун ишмердүүлүктөрүнө активдүү катышуусу;

• Өнүгүү борборлорунун өнүгүшүнө кошкон салымы, колдоосу;

• Билим берүү программаларына жигердүү катышуусу (китеп окуп берүү, интерактивдүү оюндарды уюштуруу, балдар үчүн билген өнөрүн үйрөтүү, ж.б);

• Бөбөктөрдү өнүктүрүүдө педагогдор менен кызматташуусу, жардам көрсөтүүсү;

• Коомчулукту жана ата- энелерди балдарды өнүктүрүү процессине катышуусун багыттоо иштери;

• Бала бакчанын ишин жакшыртуу боюнча демилгелери, сунуштары.


“Өнөктөш массалык маалымат кызматы”.

 

Аталган номинацияга Жайлоо өнүгүү борборлорунун ишмердүүлүгүн чагылдырган массалык маалымат кызматынын баары катыша алат.

Баалоо критерийлери:

• Жайлоо өнүгүү борборлорунун ролун, зарылдыгын коомчулукка жеткиликтүү чагылдыруусу;

• Балдардын эрте өнүгүү зарылдыгын , актуалдуулугун жеткирүү;

• Коомчулуктун баланы өнүктүрүү зарылдыгын тастыктаган коомдук пикирди калыптандыруу;

• Ата-энелердин бала өнүктүрүү, тарбиялоо процессине катышуусун жана тажрыйбаларды чагылдыруу.

 

Конкурстун жеӊүүчүлөрүн аныктоо тартиби.

 

“Роза Отунбаеванын демилгеси” эл аралык коомдук фонду, КР Айыл чарба жана мелиорация министрилигинин Жайыт департаменти, жер-жерлердеги жайыт комитеттери, Билим берүү жана илим министрлиги, райондук билим берүү бөлүмдөрү, жергиликтүү өз алдынча башкаруу органдары тарабынан түзүлгөн жюрилердин чечими менен аныкталат. Эң көп добуш топтогон катышуучу жеңүүчү деп табылат.


Сынактын женүүчү жана катышуучулары жөнүндө маалымат «Роза Отунбаеванын демилгеси» эл аралык коомдук фондунун - www.roza.kg сайтына жана башка ММК жарык көрөт.


Сынактын жюриси.

 

Жюринин курамына мамлекеттик, муниципалдык органдардын, эл аралык, жергиликтүү жарандык уюмдардын өкүлдөрү кирет. Өнүгүү борборлорунун ишин талкулоо процесси протокол менен жүргүзүлөт.


Жюриге жана уюштуруу комитетине официалдуу сыйлык берүү аземине чейин сынактын жыйынтыгын жарыялоого, тыюу салынат. Жюринин чечими акыркы деп саналып өзгөртүүгө мүмкүн эмес.


Уюштуруу комитети сынактын программасынын жана жюринин курамынын сандык жана сапаттык жактан өзгөртүүнү өзүнө калтырат.

 

Конкурстун байге фонду

• Баш байге жасалгасы менен кыргыз боз үйү;

• Мыкты жетишкендиктерди көргөзгөн 10 адам чет өлкөгө бир жумалык саякатка жолдомо алат;

• Андан тышкары баалуу белектер сертификаттар берилет. 

Акыркы жаңылыктар

21.09.2019

Айсулуу Тыныбекова Нур-Султанда 2019-жылдагы спрттук күрөш боюнча дүйнөнүн чемпионатын утуп, Мекенине жеңиш менен кайтып келди

Айсулуу Тыныбекова Нур-Султанда 2019-жылдагы спрттук күрөш боюнча дүйнөнүн чемпионатын утуп, Мекенине жеңиш менен кайтып келди.  Эгерде жеңиш таза болсо, ал эч качан жеңил-желпи келе калбайт! Чемпиондук мүнөз жана жеңишке карай майтарылбас эрк, эмгекти сүйгөндүк, өжөрлүк жана чеберчилик Айсулууну татыктуу жеңишке алып келди. Көзкарандысыздыктын бүткүл жылдарынын ичинде Кыргызстандын кызы алтын медалды ишенимдүү багындырып жана татыктуу ...
13.09.2019

«Гений» радиоберүүсү: Балдарды мектепке туура даярдоо боюнча кеңеш

“Роза Отунбаеванын демилгеси” Эл аралык коомдук фонду менен Биринчи радионун биргелешкен “Гений” радиоберүүсүнүн кезектеги чыгарылышында балдарды мектепке туура даярдоо жөнүндө сөз болду.   Жаңы окуу жылы башталаарда, айрыкча 1-класска бара турган баланы психологиялык жактан даярдоо керектигинин маанилүүлүгү жөнүндө Бишкек шаарынын №69 окуу тарбия комплекс-гимназиясынын психологу Абдужапарова Элиза, Бишкек шаарынын билим берүү башкармалыгынын ...
09.09.2019

Калыс-Ордо конушунда балдар үчүн оюн жана машыгуу аянтча ачылды

Үстүбүздөгү жылдын 5-сентябрында Бишкек шаарынын Калыс-Ордо жаңы конушунда балдар үчүн оюн жана машыгуу аянтчанын ачылышы болду. Иш-чарага конуштун тургундары, жаштары, ак-сакалдары, Коомдук ден соолук комитеттеринин мүчөлөрү, Биринчи май районунун акиминин орун басары Мавлян Аскаров, Муниципалдык аймактык башкармалыгынын башчысы Талант Мусуркулов, БУУ Калкты жайгаштыруу Фондунун жана “Роза Отунбаеванын демилгеси” Эл аралык коомдук фондунун ...
09.09.2019

Жаңы конушка жаңы воркаут аянтча

Үстүбүздөгү жылдын 5-сентябрында Бишкек шаарынын Мурас-Ордо конушунда ден соолугунан мүмкүнчүлүгү чектелгендерге ылайыкталган воркаут аянтча ачылды. Иш-чарага конуштун тургундары, жаштары, Коомдук ден соолук комитеттеринин мүчөлөрү, Биринчи май районунун акиминин орун басары Мавлян Аскаров, Муниципалдык аймактык башкармалыгынын башчысы Талант Мусуркулов, БУУ Калкты жайгаштыруу Фондунун жана “Роза Отунбаеванын демилгеси” Эл аралык коомдук ...
05.09.2019

Цукуба Университетинен келген студенттерге «Айымдар техникада жана илимде» долбоору жөнүндө айтып беришти

2019-жылдын 5-сентябрында Кыргыз-Япон адамды өнүктүрүү борборунда «Айымдар техникада жана илимде» долбоорунун презентациясы өттү. Презентациянын максаты – Цукуба Университетинен (Япония) келген студенттерге долбоор жөнүндө кең-кесири маалымат берүү.   Долбоордун катышуучусу, «КР айымдары STEM’де» тармагынын мүчөсү Айнура Чокморова студенттерге STEM’дин жаралышынын тарыхы жөнүндө, КРдагы илим жана техника жагындары айымдардын ролу жөнүндө ...
05.09.2019

«Роза Отунбаеванын демилгеси» ЭКФнын 2019-жылдын сентябрына иш-чараларынын дайджести

«Роза Отунбаеванын демилгеси» ЭКФнын   2019-жылдын сентябрына   иш-чараларынын дайджести 5-сентябрь - «Айымдар техникада жана илимде» долбоорунун презентациясы Качан: 5-сентябрь, саат 14.00-15.00дө Кайда: Кыргыз-Япон адамды өнүктүрүү борбору Презентациянын максаты – Цукуба Университетинен (Япония) келген студенттерге долбоор жөнүндө кең-кесири маалымат берүү. Спикер - долбоордун катышуучусу, «КР айымдары STEM’де» тармагынын мүчөсү Айнура ...
04.09.2019

Рухий-Мурас конушунда воркаут аянтча жана жаштар үчүн борбор ачылды

Үстүбүздөгү жылдын 29-августунда Бишкек шаарынын Рухий-Мурас жаңы конушунда жаштардын демилгеси менен салынган воркаут аянтчанын жана жаштар үчүн борбордун ачылышы болду.   Иш-чарага конуштун тургундары, жаштары, Коомдук ден соолук комитеттеринин мүчөлөрү, Муниципалдык аймактык башкармалыктын өкүлдөрү, БУУ Калкты жайгаштыруу Фондунун жана “Роза Отунбаеванын демилгеси” Эл аралык коомдук фондунун өкүлдөрү катышты.   Конуштун тургундары ...
01.09.2019

С.Жээнбеков менен Р.Отунбаева - Көзкарандысыздык күнүн майрадоодо тартылган кадрлар

31-августта, Көзкарандысыздык күнү, КР президенти Сооронбай Жээнбеков, өткөөл мезгилдеги президент Роза Отунбаева, парламенттин спикери жана Кыргызстандын Премьер-министри Кыргызстандын Көзкарандысыздык күнүн майрамдоого байланыштуу салтанаттуу аземге келди, ал Ала-Тоо аянтында өттү.   Президент Сооронбай Жээнбеков кыргызстандыктарды Көзкарандысыздык күнү менен куттуктады жана көзкарандысыздык менен эркиндик – коомубуздун башкы ...
30.08.2019

Бакай-Ата конушунда «Ынтымактуу кошуналар - ынтымактуу конуштар!» аттуу Ден cоолук жана биримдик фестивалы өттү

28-августта Бишкек шаарындагы Бакай-Ата конушунда "Ынтымактуу кошуналар-ынтымактуу конуштар" аттуу Ден соолук жана биримдик фестивалы өттү. Фестивалга Бишкек шаарынын 10 конушунун (Ак-Ордо, Ак-Бата, Ак-Тилек, Бакай-Ата, Жеңиш, Көлмө, Калыс-Ордо, Рухий-Мурас, Мурас-Ордо, Эне-Сай) тургундары, жаш лидерлери, Коомдук ден соолук комитеттеринин мүчөлөрү, Муниципалдык аймактык башкармалыктардын башчылары, адистери, Бишкек шаарынын мэриясынын өкүлдөрү жана ...
22.08.2019

«Бакай Банк» балдардын өнүгүүсүнө салым кошууну улантууда

«Роза Отунбаеванын демилгеси» Эл аралык коомдук фонду тарабынан 2014-жылдан бери «Жайлоо өнүгүү борборлору» долбоору Кыргызстандын бардык аймагында иштеп келет. 2019-жылы 114 ЖӨБ ачылып, жай мезгилинде 3200 ашык бала билим алды.   Бир нече жылдан бери «Бакай Банк» балдардын билим берүүсүнө багытталган “Жайлоо Өнүгүү борборлору” долбооруна каржылык жактан жардам берип келет. 2019-жылы которулган акча каражаты балдарга ар кандай мастер класстарды өткөрүүгө, ...
21.08.2019

«Гений» радиоберүүсү: Мектепте англис тили сабагынын саатынын көбөйүшү жана натыйжасы

“Роза Отунбаеванын демилгеси” Эл аралык коомдук фонду менен Биринчи радионун биргелешкен “Гений” радиоберүүсүнүн кезектеги чыгарылышында мектеп окуучуларынын англис тили сабагынын сааттарынын көбөйүшү жана анын натыйжалары жөнүндө сөз болду. Мектептерде чет тилдерди окутуу 3-класстан 11-класска чейин жүргүзүлөт, англис тилинин сааттары быйыл 5-класстар үчүн 5 саат, 6-класстарга 4 саат, 7-класстарга 3 саат кошулду.   Чет тилдердин маанилүүлүгү, ...

Издөө

Экс-президенттик институт

«Устат» долбоору

Мектепке даярдык көрүүчү жыл


School of Childhood

Садики на джайлоо

Gardens on jailoo

Балачак мектеби

School of Childhood

Билим фестивалы

«Эко-долбоор»

«Жылдыздар бөбөктөргө китеп окуйт»

КРда мектеп тамак-ашын ылайыкташтыруу

Балдар үчүн мастер-класстар

«Балдар филармониясы»

«Поэзия кечелери»

Биздин басылмалар

«Мекендештер»


mekendeshter-logo

«Бешик ырлары»


beshik-logo

Видео

Ключевые факторы успешности женщин в инновациях и технологиях

«Аларда кандай болду экен?»

«Фонддун долбоорлору»