Демилгелер Келечек муунга инвестициялоо «Жайлоодогу балдар бакчалары»

06.08.2018

Пост релиз «Түштүккө сапар. Конок мугалим-2018»

3 жылдан бери «Жайлоо онугуу борбору» долбоорунун алкагында долбоордун эң мыкты өнөктөштөрүн аймактардагы Жайлоо ѳнүгүү борборлорун кѳргѳзүп, тажрыйба алмашуу жана ал жерлердеги тарыхый- маданий жайлар менен тааныштыруу ишке ашырылууда.


“Конок мугалим-2018” күндөлүгүнөн:


28.07-2.08 чейин Тундук аймагынан Туштук аймагына 6 адам, Туштуктөн Тундуккө 7 адам –бала бакчалардын, балдардын чыгармачылык борборлорунун жетекчилери, тарбиячылары барып тажрыйба алмашып, пикир алышып кайтышты.


Ысык-Кол облусунун Ак-Суу районунун Балдар билим борборунун директору Абыкеева Гулнур мындай деп өзүнүн пикири менен бөлүштү: «28-июль күнү Бишкек шаарынан түштүк тарапты кѳздѳй бет алдык. Төө Ашуу, Ала-Бел ашуусу, Чычкан капчыгайларынын эстен кеткис ажайып кооз жаратылыш кооздугу таң калтырды. Чалкып жаткан Суусамыр өрөөнү , ал жайлоодогу элдин кѳптүгүн көрүп таң калдык, мандайыбыз жарылып, малчылар менен баарлаштык. Жолдо карата кооз жерлерге күбѳ болдук жана Нарын дарыясынын Токтогул суу сактагычына куйган жерин кѳрүп, суктандык. Жалал-Абад облусунун Арстанбаб жангак токойунун койнундагы эс алуу жерлери, шаркыратмасы чоң таасир калтырды. Ал жердеги шаркыратмага барганда орто кылымдарга туш болгондой болдук . Алгач Базар-Коргон районундагы Кызыл-Үнкүр айыл аймагына караштуу Кичи Кең Кол жайлоосундагы «Наристе» жайлоо ѳнүгүү борборунун иши менен таанышып, ал жердеги ата-энелер менен «Баланын ѳсүшү үчүн минералдар, жемиштер» деген темада маек куруп, балдар үчүн мастер класс ѳткѳрдүм жана балдарга кичинекей белектерди тапшырдым. Ошондой эле, энелерден курут жасоо ыкмалары, түрлѳрү, ийлѳѳнүн техникасы менен тааныштым. Андан соң, Ноокен районундагы Сакалды айыл аймагына караштуу Кызыл Кыргызстан айылындагы №42 «Нурайым» балдар бакчасында болуп, балдардын ѳнѳрүнѳ күбѳ болуп, «Табият таануу» сабагына катыштык. Бул бала бакчанын жаңы типтеги имараты 1-июнда пайдаланууга берилгендигине карабастан, жашылдандырылып, гүл бакча болонгондугу менен кубандырды. Бул бала бакчанын жамаатынын кубанычтары, аракеттери бизге да дем берди десем жанылышпайм. Бул бала бакчанын директору Курманжан Мурашованын демилгеси менен 80 тутун жашаган, мектеби да, бала бакчасы да жок болгон Кызыл-Кыштак айылында Жайлоо бала бакчасы ачылган. Бала бакча суунун жээгинде боз үйдѳ жайланышкан, боз үйдү Шамалды-Сай заводунун директору Курбанкулов Тилебалды алып берген. Жергиликтүү активисттер, Аялдар кеңеши, Ден соолук комитеттеринин мүчѳлѳрү, ишкерлер менен айыл ѳкмѳтү менен бирдикте жергиликтуу калты мобилизациялап , 52 бала менен 12-июлдан тартып иш алып барышууда. Кара-Кулжа районундагы Сары-Булак айыл аймагындагы Ажике жайлоосундагы 4 жайлоо бала бакчасынын ата-энелери, балдары менен тааныштык. Балдар үчүн бардыгыбыз ошондой эле, облус боюнча долбоордун координатору Шербаева Жыпара болуп шар менен сүрѳт тартуу, кагазга беттештирип сурѳт тартуу , ой жүгүртүү боюнча мастер класс ѳткѳрдүк. Ал эми ата-энелер үчүн Ажике жайлоо ѳнүгүү борборунун жетекчиси Кулмурзаева Аида «Кенже курактан балдардын ѳнүгүшү» темасында лекция окуп берди.


Мен үчүн бул аймактагы Жайлоо ѳнүгүү борборлорунун жогорку окуу жайлар менен тыгыз иштешкендиги ачылыш болду жана ушундай кереметтүү сапар тартуулаган Фондго терен ыраазычылык билдирем, Сиздердин алгылыктуу иштериниздерге таазим!»


Нарын облусунун Жумгал району Лама бала бакчасынын директору Шаршекеева Калиман: «Бул иш чара мен үчүн абдан кызыктуу жана таасирдүү болду. Алгач Токтогул суу сактагычынын, Суусамыр жайлоосунун мелмилдеген ажайып кооздугу таасирлентти. Кызыл-Үнкүр жайлоо ѳнүгүү борборунун Кичи Кең Кол жайлоосундагы жана Кара-Булак эс алуу жайындагы Ѳнүгүү борборлорунун иши менен таанышып, балдар үчүн мастер класс ѳткѳрүп, ата-энелердин чыгармачылыгына күбѳ болдук. Бул жайлоодогу шаркыратмага барып эс алдык. Ал эми №42 «Нурайым» бала бакчасынын балдары бакча ачылганына эки гана ай болгондугуна карабастан, бардыгы дилгирленип, сабактардын темаларын жакшы ѳздѳштүрүп алышкандыгын Табият таануу сабагынан кѳрүп, музыка сабагында балдар менен бирге ырдап, балдардын күлкүсү жанырып турган жаны бала бакчага зор ийгиликтерди аркалашына биз абдан ынындык. Фонддун ишине ар дайым ийгилик каалайм!»


Нарын районунун Эмгекчил айыл аймагына караштуу «Эмгекчил келечеги» бала бакчасынын тарбиячысы Айдарова Айым: «Биздин бала бакча 2011-ж. тартып Ага Хан фондусунун колдоосу менен Жайлоо бала бакчасын уюштуруп иштеп келебиз. Акыркы 2 жылдан бери биздин бала бакча эки жерге Жайлоо ѳнүгүү борборун ачып иштеп келе жатабыз. Биздин Жайлоо ѳнүгүү борборубуз Уч-Чат деп аталып Уч-Чат ѳрѳѳнүндѳ июнь айында, ал эми июль айында Кѳк_Торпок жайлоосундагы Кѳшѳгѳ аймагында иштеп келебиз. Экинчи Ѳнугуу борборубуз Кара-Бук участогунда эс алуу жайында жайгашат. Мен Конок мугалим-2018 иш чарасына катышып кѳптѳгѳн ыкмаларды үйрѳндүм, мастер класстарды ѳткѳрүм, кесиптештерим менен баарлаштым. Түштүк жергесиндеги Ѳнүгүү борборлору абдан жогорку уюшкандыкта иш жүргүзүп жаткандыгы, «Роза Отунбаеванын демилгеси» Фондунун дем-күч бергендигинде экендигин кѳрѳ алдым. Ажике жайлоосундагы Сары-Булак айыл ѳкмѳтүнѳ караштуу Тегерек-Саз айылынын Борош Шатиев атындагы бала бакчанын жетекчиси Кулмурзаева Уулкан эки жерге Ѳнүгүү борборун ачып ийгиликтүү иштеп жатаптыр. Негизинен бул айыл ѳкмѳтү 5 Ѳнүгүү борборун жергиликтүү айыл аксакалдары, активисттер жана ата-энелер менен биргеликте ачып, иш алып баргандыгы таасирлентти. Фонд тарабынан берилген оюнчуктар, китептерди кѳрүп балдар, ата-энелер, тарбиячылар кубанычтары чексиз экенин бѳлүштү жок . Балдар билимге суусап турандыгын кѳрүп кубандам. Мен үчүн тажрыйба алмашуу абдан пайдалуу болду жана Шербаева Жыпаранын мастер класстары, билим берүү ыкмалары ошондой эле, Абдыраимакунова Чынаранын жетекси катары иш билгилиги мага чоң дем берди жана шыктандырды десем жанылышпайм. Фондго жана жайлоодогу ата-энелердин меймандостугуна терең ыраазычылык билдирем!»


Нарын районуна караштуу Жерге-Тал айыл аймагында «Роза Омуракунова» атындагы бала бакчанын жетекчиси Апышева Дилбар: «Мен 2011-жылдан тартып Жайлоо ѳнүгүү борборун Ага Хан фондусунун колдоосу менен ачып, алгач кѳп кыйынчылыктарга туш болуп, Эки Оттук капчыгайында уюштурганбыз, ал тургай окутуу программасы да колубузда жок эле. Ал мезгилден бери Роза Отунбаеванын Фондунун кѳптѳгѳн окутууларына, тренингдерине катышып, бѳлүшүү методикалары, кѳрсѳтмѳ куралдар, китептер, оюнчуктар менен камсыз болуп, учурда Жайлоо ѳнүгүү борборунун иши жайлоогдогу малчылар үчүн, алардын балдарына ѳтѳ зор пайда алып келээрине мен эле эмес, биздин айылдын эли да ынанды жана абдан кутушуп, даярданышат. Мен үчүн бул тажрыйба алмашуу сапары чоң ачылыш жазады, түштүк аймактагы кесиптештеримдин иштеринен таасирленип, мен да жергиликтүү жамаат менен бирге мындан да кѳбүрѳѳк аракеттенип, бала бакчамды гүл бакчага айландырам деген тыянак чыгардым.


Ушундай зор ишке кубат берип, шыктандырып жаткан Роза Исаковнага , Фонддун кызматкерлери: Догдургул Шаршеевнага, Арстанга, Чынара Тургунбековнага, Асылбекке ыраазычылык билдирем, таазим кылам! Ушундай иш чаралар тажрыйба алмашуу гана эмес, эл, жер менен, алардын маданияты, салты менен таанышуу жана пайдалуу маалымат алуу менен дагы чон дем берип шыктандырды . Менин кызым Мамбетаитова Айперинин Р.Отунбаевага арнаган ыры:


Кан тѳгүлүп, кыйын кырдаал түшкѳн кезде кыргызга,

Келечек турган кезде кылдын учу кырында,

Канайымы болуш эрдик чынында.

Бѳбѳктѳргѳ бейпил жашоо тартуулап,

Билек туруп, жан аябай чапкылап,

Биргелешип Фонд жана АгаХан,

Баштап келет жакшы долбоор, чоң максат.

Айымдардан Президенттин туңгучу,

Роза эже мамлекеттин үлгүсү,

Балдар үчүн бардык күчүн жумшаган,

Жакшы идея, демилгенин уңгусу!». 


Акыркы жаңылыктар

08.01.2019

«50+ адамдар үчүн мобилдүү технологиялар» демилгесинин алкагында 12 машыктыруучу үчүн тренинг өттү

2018-жылдын декабрында 50+ курактагы адамдар үчүн санариптик технологияларды башкаруу жөндөмдөрүн калыптандыруу боюнча «Роза Отунбаеванын демилгеси» ЭКФнын жаңы демилгеси старт алды.   Бул демилгенин максаты – «50+» категориясындагы адамдарды смартфондор менен иштөөгө, дүйнөлүк тармакты өздөштүрүүгө, интернетте баарлашуу жөндөмдөрүнө ээ болууга, ошондой эле коммуналдык кызмат көрсөтүүлөр үчүн накталай эмес операцияларды жүргүзүү жана ...
26.12.2018

КР ЖК депутаты К.Иманалиев балдарга китеп окуп берди

2018-жылдын 25-декабрь күнү Кыргыз Республикасынын Жогорку Кеӊешинин депутаты Каныбек Иманалиев «Роза Отунбаеванын демилгеси» эл аралык коомлук фонду Кыргыз Республикасынын Жогорку Кеңеши менен биргеликте уюштурган «Балдарга жаңы жылга белек- Акылдуу китеп» акциясынын алкагында Бишкек шаарындагы №5 Улуттук компьютердик гимназия мектебинде балдарга китеп окуп берди. Эл өкүлү окуган «Ынтымак сыры» китебин аталган мектептин окуучулары өтө кунт ...
24.12.2018

ЖМК биз жөнүндө: Балдарды искусствого үндөгөн китептер

"Роза Отунбаеванын демилгелери" фондунун колдоосу менен балдарга арналган искусство жөнүндөгү китептердин сериясынын бет ачары өттү. Аларда Кыргызстандын, Казакстандын жана Өзбекстандын даңазалуу өнөр адамдарынын өмүр баяны, ийгиликке карай жолу тууралуу баяндалат. Композитор Муратбек Бегалиевдин, казакстандык скрипка чебери Айман Мусаходжаеванын, опералык ырчы Исмаил Жалиловдун, сүрөтчү Юристанбек Шыгаевдин кантип өз максатына жеткени ...
19.12.2018

ЖМК биз жөнүндө: Искусство жөнүндө балдарга арналган китептер жарык көрдү

Искусство жөнүндөгү балдар китептеринин кезектеги сериясы жарык көрдү. Китептерди даярдап, чыгаруу идеясы Роза Отунбаеванын фондуна тиешелүү. Китептер “Заманбап искусство балдарга” долбоорунун алкагында басылып чыгарылды. Китептердин каармандары, авторлору Токтогул Сатылганов атындагы улуттук филармонияда чогулуп, бет ачары өзгөчө форматта өттү.   Искусство жөнүндөгү балдарга арналган төрт китеп. Каармандары биздин белгилүү замандаштарыбыз, бири ...
18.12.2018

Искусство жөнүндөгү балдарга арналган китептердин презентациясы болуп өттү

2018-жылдын 17-декабрында Т.Сатылганов атындагы Кыргыз Улуттук Филармониясынын чоң залында искусство жөнүндөгү балдарга арналган «Муратбек жана анын музыкага чапкан жолу», «Биринчи скрипка», «Юристанбек неге юрист болбой калды эле…» жана «Исмаилдин керемет үнү» китептеринин бет ачаары чоң салтанат жана аншлаг менен өттү. Иш-чара «Роза Отунбаеванын демилгеси» Эл аралык коомдук Фонду тарабынан уюштурулду. Бул төрт китептин каармандары ...
17.12.2018

Роза Отунбаева: Айтматовдун чыгармалары аркылуу дүйнө Кыргызстанды тааныйт

Дүйнө көрүнүктүү жазуучу Чыңгыз Айтматовдун чыгармачылыгын эскесалып жатат, ал 12-декабрда 90 жашка чыкмак. Кыргыз Республикасынын Экс-президент Роза Отунбаева аны автор катары гана эмес, ошондой эле дипломат катары таанычу. «МИР» телеканалына эксклюзивдүү интервьюсунда ал Айтматов менен өзүнүн биринчи жолугушуусу жөнүндө жана жазуучу жеке ал үчүн жана бүткүл Кыргызстан үчүн ким болуп калгандыгы жөнүндө айтып берди.
17.12.2018

50 жаштан ашкан жарандарды санариптик мобилдүү технологияларды колдонуу жөндөмдөрүнө окутушат

Азыркы коомдун жашоосун технологияларсыз элестетүү мүмкүн эмес, бардык процесстер санариптик жана компьютердик технологиялардын коштоосунда өтөт. Маалыматтык-коммуникациялык технологиялардын тез өнүгүшү маалыматтык глобалдаштыруу процессин тездетет жана убакыт менен үзөңгүлөш жүрүү үчүн адамдардан өзгөчө жөндөмдөрдү талап кылат. Интернет маалымат алуу үчүн гана эмес, ошондой эле ар түрдүү ишкер операцияларды жүзөгө ашыруу үчүн шайманга айланды. ...
16.12.2018

Кыргызстандын Экс-президенти Р.И.Отунбаева Гуанчжоуда Imperial Springs эл аралык форумунун ишине катышты

2018-жылдагы Imperial Springs эл аралык форуму 10-декабрдан 11-декабрга чейин Гуанчжоуда өттү.   Мамлекеттердин жана өкмөттөрдүн мурдагы кырк башчысы, эл аралык уюмдардын жетекчилери, ошондой эле 80ден ашык эксперттер жана бизнестин лидерлери ар түрдүү маселелерди талкуулоо үчүн Империал Спрингсге чогулду. Быйылкы жылы Кытайдын реформаларынын жана ачыктыгынын 40 жылдыгы белгиленип жаткандыктан, форумдун темасы «Реформа, ачыктык жана өз ара пайдалуу кызматташтык» ...
15.12.2018

Кыргызстандына Экс-президенти Роза Отунбаева Пекинде Чыңгыз Айтматовдун туулган күнүнүн 90 жылдыгынын урматындагы салтанаттуу кечеге катышты

Шанхай кызматташтык уюмунун (ШКУ) башкы катчысы Рашид Алимов кыргыз жана совет жазуучусу Чыңгыз Айтматовду кылымдын кубулушу, доордун күзгүсү, цивилизациялардын жана маданияттардын кеңири диалогунун жарчысы деп атады. Бул жөнүндө ал Пекинде прозаиктин туулган күнүнүн 90 жылдыгынын урматындагы салтанаттуу кечеде айтты, деп билдирет ТАСС.   «Жаш советтик журналист жана жазуучу Чыңгыз Айтматов күтүүсүздөн кылымдын кубулушуна тез өсүп ...
15.12.2018

Искусство жөнүндөгү балдарга арналган китептердин презентациясы

Пресс-релиз Искусство жөнүндөгү балдарга арналган китептердин презентациясы Датасы: 17 декабрь, 2018 -жыл Убактысы: 12.00-13.30 Өтө турган жери: Улуттук Филармониянын Чоң залы 2018-жылдын 17-декабарында саат 12.00 Кыргыз Улуттук Филармониясынын Чоӊ залында Искусство жөнүндөгү балдар китептеринин сериясынын презентациясы болот. Бул төрт китептин каармандары биздин белгилүү замандаштарыбыз_КР Эл артисти, К.Молдобасанов атындагы Кыргыз Улуттук Консерваториясынын ...
14.12.2018

Балдар үчүн композитордун, опералык аткаруучунун, сүрөтчүнүн жана скрипачканын өмүрү жана чыгармачылыгы жөнүндө китептер чыгарылды

Бишкекте балдар үчүн көркөм өнөр жөнүндө 4 китеп чыгарылды. Бул жөнүндө 13-декабрда АКИpress’теги пресс-конференцияда авторлор билдирди.   «Роза Отунбаеванын демилгеси» ЭКФнын китептерди басып чыгаруу боюнча координатору Кенжекан Усупованын айтымы боюнча, журнал тибиндеги китептер атайын балдар үчүн түзүлгөн.   «Муратбек жана анын музыкага карай жолу» деген биринчи китеп кыргыз композитору Муратбек Бегалиевдин өмүрү жана чыгармачылыгы жөнүндө ...

Издөө

Экс-президенттик институт

«Устат» долбоору

Мектепке даярдык көрүүчү жыл


School of Childhood

Садики на джайлоо

Gardens on jailoo

Балачак мектеби

School of Childhood

Билим фестивалы

«Эко-долбоор»

«Жылдыздар бөбөктөргө китеп окуйт»

КРда мектеп тамак-ашын ылайыкташтыруу

Балдар үчүн мастер-класстар

«Балдар филармониясы»

«Поэзия кечелери»

Биздин басылмалар

«Мекендештер»


mekendeshter-logo

«Бешик ырлары»


beshik-logo

Видео

Р.И.Отунбаева номинирована на первую премию NABU «Снежный барс»

«Аларда кандай болду экен?»

«Фонддун долбоорлору»