Демилгелер Келечек муунга инвестициялоо «Жайлоодогу балдар бакчалары»

20.07.2015

Экс-Президент Р.И. Отунбаеванын Ош шаарына болгон сапары боюнча пост-релиз жана Баткен облусунун жайлоодогу балдар бакчалары

15-17-июлда экс-Президент Р.И. Отунбаеванын Ош шаарына жана Баткен облусуна сапарлары болуп өттү.

 

Сапардын жүрүшүндө Роза Отунбаева ОшТУнун алдындагы жайкы мектептердин катышуучулары менен жолугушту. (Кең-кесири маалымат төмөнкү шилтеме боюнча: http://www.roza.kg/2015/07/10/v-gorode-osh-sostoitsya-otkrytie-dvuh-letnih-shkol-estestvenno-tehnicheskih-disciplin-dlya-zhenschin-i-shkolnic).

 

Ректор Абидов Абдыкадыр Оморович жана окутуучулар лагердин иши тууралуу айтып беришти. Лагердин катышуучулары да окуу мезгилинде алып жаткан билимдер жана мүмкүнчүлүктөр жөнүндө айтып беришти. Улуу класстардагы кыздар үчүн табигый-илимий сабактар: физика, математика, химия боюнча мастер-класстар өткөрүлүүдө.

 

Роза Исаковна берген маегинде ар кандай коомдун жашоо-турмушунда так илимдердин маанилүүлүгү, ушул жааттагы дүйнөлүк тенденциялар жөнүндө айтып өттү. Ал мугалимдерге кайрылуу менен мугалимдин ролу билимдин ар бир катышууга түшүнүктүү жана жеткиликтүү болушунда экендигин, ошондой эле билим иш жүзүндө багыттуу болушу керектигин баса белгилеп кетти.

 

Ош мамлекеттик университетинин алдындагы жайкы лагерде бардык курактагы аялдар үчүн компьютердик сабаттуулук боюнча сабактар өткөрүлөт. Катышуучулар компьютердик сабаттуулуктун негиздерине кантип жетип жаткандыктары, жашоо-турмушта, балдарды окутууда компьютердик жана интернет технологиялардын маанилүүлүгү жөнүндө айтып беришти.

 

ОшМУнун ректору Каныбек Исаков ушундай окутуунун маанилүүлүгүн белгилеп, ЖОЖдун жетекчилиги ОшМУ студенттерди окутуу менен эле чектелбестен, коомдун маалымат алышын жогорулатууга салым кошуп жаткандыгына абдан ыраазы экендигин айтты.

 

Андан соң Р. Отунбаева башында турган фонддун командасы Кадамжай районунун Марказ айылындагы “Келечек-1” балдар бакчасына барды. Балдар бакчасынын иши менен таанышып, Роза Исаковна ата-энелер, тарбиячылар, жергиликтүү өз алдынча башкаруунун өкүлдөрү менен мектепке чейинки кенже курактагы балдарды эрте өнүктүрүү жаатындагы дүйнөлүк тенденцияларды, баланын өсүп-өнүгүүсүндө ата-энесинин жана коомчулуктун ролун талкуулады.

 

15-июль күнү саат 18.30да Баткен облустук драма театрында, ал эми 16-июлда Лейлек районунун “Алтын Бешик” балдар лагеринде режиссер Төлөмүш Океевдин 80 жылдык юбилейине арналган “Кызыл алма” фильми көрсөтүлдү. Көрүүгө чек ара аскерлеринин солдаттары жана офицерлери чакырылды.

 

Ушул эле күнү Баткен облустук телекомпаниясында Р.И. Отунбаева “Актуалдуу репортаждын” түз эфирине катышып, анда фонддун программалары жана пландары тууралуу айтып өттү жана телекөрүүчүлөрдүн суроолоруна жооп берди.

 

16-июлда Р.И. Отунбаева Лейлек районунун Тогуз-Булак жана Лейлек айыл округдарына караштуу Андиген, Кара-Мойнок, Төө-Жайлоо айылдарынын жайлоодогу балдар бакчаларына-өнүктүрүү борборлоруна барды. Жолугушуулардын жүрүшүндө Баткен облустук санитардык-эпидемиологиялык департаментинин башкы врачынын орун басары Дыйканалы Жунусалиев ичеги-карын-жугуштуу ооруларын алдын алуу жөнүндө маалыматтык аңгеме өткөрдү.

 

Жолугушууларга КР Өкмөтүнүн ыйгарым укуктуу өкүлү Ж.П. Разаков, Ыйгарым укуктуу өкүлдүн орун басары Б.Д. Жолчиев, Кадамжай, Баткен, Лейлек райондук администрацияларынын башчылары А.К. Мадумаров, К. Салихов, Т.Т. Арипов жана жергиликтүү өз алдынча башкаруунун башка өкүлдөрү катышты.

 

А. Жайнаков атындагы музыкалык драма театрынын артисти Айбек Жунусов балдарга жана ата-энелерге “Манас” эпосунан үзүндү айтып берди, аны көрүүчүлөр жылуу кабыл алды. Лейлек балдар чыгармачылык борборунун педагогдору оригами, кыргыз колдонмо өнөрү, орус тили боюнча балдар үчүн мастер-класстарды өткөрүштү.

 

Өнүктүрүү борборлорунун ишинде ар түрдүү ыкмаларды да белгилеп кетүүгө болот. Алсак, Самаркандек айылындагы балдар бакчасы Балдар чыгармачылык райондук борбору менен тыгыз кызматташат, ал эми Кара-Мойнок жайлоосундагы балдар бакчасы ата-энелерди ишке активдүү тартып, алар ар кандай викториналарды, анча чоң эмес спектаклдерди өздөрү коюшуп, жомок окушат.

 

Ата-энелер жана жергиликтүү өз алдынча башкаруунун өкүлдөрү балдарды эрте өнүктүрүү үчүн жайлоолордун актуалдуулугун жана дурус экендигин белгилеп кетишти.

 

Акыркы жаңылыктар

24.01.2020

Санарип ыкмаларын 2000ден ашык киши өздөштүрдү

Үстүбүздөгү жылдын 23-январында "Санарип 50+" долбоорунун окуу курсунун катышуучулары менен Кыргыз Республикасынын экс-президенти, "Роза Отунбаеванын десилгеси" Эл аралык коомдук фондунун негиздөөчүсү Роза Отунбаева жолукту. Р.Отунбаева курстун угуучуларына долбоордун мааниси, максаты, зарылдыгы жана натыйжалары тууралуу кеңири айтып берди. Биринчи кездешүү “Санарип 50+” долбоорунун алкагында ачылган окуу борборунда болду. Окуу курсунун ...
23.01.2020

Р.И.Отунбаева Кара-Балта шаарындагы «Билимкана» мектебинин иши менен таанышты

Экс-президент, «Роза Отунбаеванын демилгеси» ЭКФнын уюштуруучусу Р.И. Отунбаева 2020-жылдын 15-январында Кара-Балта шаарында жайгашкан «Билимкана-Кара-Балта»* мектебине барды жана мектептин турмушу, окуучулар жана мугалимдер менен таанышты. Бул мектеп толук күн иштейт, 2018-жылы негизделген, анда 200дөн ашык окуучу окуйт. Кыргыз, орус жана англис тилдеринен тышкары, окуучулар экинчи чет тилди тандайт. Визиттин жүрүшүндө ошондой эле «Роза Отунбаеванын ...
23.01.2020

Мектеп окуучуларын экологиялык тарбиялоо боюнча билим кербени

«Экологиялык тарбиялоо боюнча билим кербени» өз сапарын улантууда. 2019-жылдын сентябрынан тартып 2019-жылдын декабрына чейин Бишкек шаарынын 20дан ашык мектебине (№ 1, 4, 10, 11, 12, 16, 21, 23, 32, 33, 38, 43, 45, 46, 51, 52, 53, 65, 66) барды жана 6-7-класстардын 1600дөн ашык окуучусун камтыды. Бул акция презентация түрүндөгү интерактивдүү лекцияны билдирет, ал өзүнө ошондой эле дискуссияларды жана маалыматтык командалык оюндарды, ролик көрүүнү камтыйт. Мектеп окуучулары ...
22.01.2020

КРнын мектепке чейинки билим берүү системасынын өкүлдөрү Түркияга ар жылдагы таанышуу сапарына даярданып жатат

«Роза Отунбаеванын демилгеси» ЭКФнын «Жайлоодогу өнүктүрүү борборлору» долбоорунун 2019-жылдагы ишинин жыйынтыктары боюнча жигердүү катышуучулар, уюштуруучулар жана өнөктөр Түркияга ишсапар менен сыйланды. Түркияга визиттин программасы Түрк дүйнөсүнүн муниципалитеттеринин Бирлигинин колдоосу менен уюштурулуп жатат. КРнын мектепке чейинки билим берүү системасынын 12 өкүлү Түркиянын шаарларынын муниципалитеттеринин мектепке чейинки билим ...
22.01.2020

Балдарды балет боюнча мастер-класска чакырабыз

Достор, балдары – бийлегенди жакшы көргөн уулдары жана кыздары барлардын бардыгын, бардык кичинекей тынчы жок балдарды жана алардын ата-энелерин ишембиде, 25-январда, балет боюнча мастер-класска чакырабыз. Саат 16.00дө башталат. Өткөрүү орду "Антре" студиясы, Орозбеков көчөсү 2.   Мастер-класстын наркы - 100 сом.   Мастер-класста балдар жаш балериналардын сабактарын көрүп жана өз күчүн сынай алат. Мастер-класс "Балдар филармониясы" музыкалык-билим берүү ...
20.01.2020

КАЛКТЫН КАЛЫҢ КАТМАРЫ САНАРИП ЫКМАЛАРЫН ҮЙРӨНҮҮГӨ ТИЙИШ

Жеке эле мугалимдер эмес, 30 жаштан жогорку курактагы ата-энелер санарип ыкмаларын үйрөнүүгө тийиш. «Аймактарды өнүктүрүү жана санариптештирүү» жылында «Роза Отунбаеванын демилгеси» эл аралык коомдук фонду КICB банкы менен биргеликте кадырман курактагылар үчүн арналган «Санарип+50» долбоорун ишке ашырып жатат.      “Санарип 50+” долбоорунун максаты – улуу муундагы адамдарды жана бардык каалоочуларды смартфон ...
20.01.2020

«Шамалдагы от» поэзия кечеси өтөт

«Роза Отунбаеванын демилгеси» Эл аралык коомдук фонду, Т.Сатылганов атындагы Кыргыз Улуттук Филармониясы жана Кыргыз Улуттук Жазуучулар союзу менен биргеликте  жумурай журтка таанымал  белгилүү акындардын жана элдин сүймөнчүлүгүнө арзып келаткан жаш акындардын поэзия кечелерин өткөрүүнү  төрт жылдан бери үзгүлтүксүз улантып келүүдө. Кезектеги кече  эсеп боюнча  отуз тогузунчу жана ал жаш акындар  Турдубек уулу Садырбектин жана ...
15.01.2020

Таланттуу балдар «Гений» радиоберүүсүндө

“Роза Отунбаеванын демилгеси” Эл аралык коомдук фонду менен Биринчи радионун биргелешкен “Гений” радиоберүүсүнүн 2019-жылга карата жыйынтыктоочу чыгарылышында эл аралык сынактардын жеңүүчүлөрү, Кыргызстандын желегин чет өлкөлөрдө желбиретип келген таланттуу балдар катышты. Мукаш Абдраев атындагы атайын музыкалык мектеп интернатынын окуучусу Алтынай Белекова ооз комузда, ал эми Сезим Анарбекова менен Наргиза Умарова виолончель аспабында ...
18.12.2019

«Каректеги жаз» поэзия кечеси болуп өттү

2019-жылдын 17- декабрында “Роза Отунбаеванын демилгеси» Эл аралык коомдук фонду Кыргыз Республикасынын Жазуучулар союзу, Т.Сатылганов атындагы Кыргыз Улуттук филармония менен биргеликтеуюштурган акын,Маданияттын мыкты кызматкери, КР Ардак грамотасынын ээси Жыпар Акунованын жана Билим берүүнүн мыктысы, акын Клара Кичинемолдоеванын чыгармачылыгына арналган “Каректеги жаз” аттуу поэзия кечеси болуп өттү. Кечеде алгач акындар өздөрүнүн ...
17.12.2019

«Гений» радиоберүүсү: Балам мыкты болсун десеңиз

 “Роза Отунбаеванын демилгеси” Эл аралык коомдук фонду менен Биринчи радионун биргелешкен “Гений” радиоберүүсүнүн кезектеги чыгарылышында “Балам мыкты болсун десеңиз” аттуу китептин автору, педагогика илимдеринин кандидаты, доцент Кыялбек Акматов менен балага эрте жаштан баштап көңүл буруу зарылдыгы жөнүндө маек курдук.
13.12.2019

Кыргыздардын баатырдык эпосунун «Манас сүрөттө» аттуу китеп жарык көрдү

12-декабрь – улуу жазуучу Чынгыз Айтматовдун туулган күнүнө карата “Роза Отунбаеванын демилгеси” Эл аралык коомдук фонду тарабынан “Манас сүрөттө” аттуу кыргыз тилиндеги китептин бет ачары болду. Иш-чарага мамлекеттик билим берүү мекемелеринин өкүлдөрү, жазуучулар, акындар, коомдук саясий ишмерлер, эксперттер, маданият жана искусство ишмерлери, Кыргыз Республикасындагы чет мамлекеттердин дипломатиялык өкүлчүлүктөрү, эл аралык ...

Издөө

Экс-президенттик институт

«Устат» долбоору

Мектепке даярдык көрүүчү жыл


School of Childhood

Садики на джайлоо

Gardens on jailoo

Балачак мектеби

School of Childhood

Билим фестивалы

«Эко-долбоор»

«Жылдыздар бөбөктөргө китеп окуйт»

КРда мектеп тамак-ашын ылайыкташтыруу

Балдар үчүн мастер-класстар

«Балдар филармониясы»

«Поэзия кечелери»

Биздин басылмалар

«Мекендештер»


mekendeshter-logo

«Бешик ырлары»


beshik-logo

Видео

Ключевые факторы успешности женщин в инновациях и технологиях

«Аларда кандай болду экен?»

«Фонддун долбоорлору»