Демилгелер Артүрдүүлүк жана маданият Бардыгына арналган адабият

28.06.2018

Бешик ырлары.

Канышай Капарова

Уктай койчу бөбөгүм

Ак бешикке бөлөйүн

Уктаганча жөлөгүм

мээримимди төгөйүн

Алдей, алдей ак балам,

Ак бешикке жат балам

Умай энеӊ кайтарсын

Душманыңды майтарсын

Түшкө кирип энекең

Мээрим менен таң атсын

Алдей,алдей ак балам

Ак бешикке жат балам

Апакеңе өбөк бол

Атакеңе жөлөк бол

Эл керекке жараган

Ак жолтойлуу бөбөк бол

Алдей,алдей ак балам

Ак бешикке жат балам

Ак сүтумдү ийгеним

Ак батамды бергеним

Актаса деп үмүтүм

Аруу тилек тиледим

Алдей ,алдей ак балам

Ак бешикке жат балам

 

Ысмайыл Кадыров

Жаш кезектен белегим

Кагылайын тирегим

Калк сыйлаган кадырман

болсо экен деп тилеймин

Ак бешигиң арчадан

уктай койгун берекем

Алпештейин көлөкөм

Алдей, алдей ак бөпөм

Айнектейим тунугум

Элге болсун жугумуң

Асыл адам боло көр

Алдей, алдей кулунум

Ак бешигиң арчадан

Уктай койгун берекем

Алпештейин көлөкөм

Алдей, алдей ак бөпөм

Түптүу кыргыз урпагы

экениңди биле жүр

Айкөл Манас атаңды

көңүлүңө түйө жүр

Ак бешигиң арчадан

уктай койгун берекем

Алпештейин көлөкөм,

Алдей,алдей ак бөпөм

Алдей, алдей ардагым

Бал татыган жандайым

Эл намысы каныңда

Ойноп турсун ар дайым

Элдик ыр

Алдей,алдей ак балам

Арка жөлөөр жан балам

Кунан койдун куйругу

бышты жегин жан балам

Алдей,алдей ак балам

Ак бешикке жат балам.

Аман-эсен чоңоюп,

атакеңе бол жөлөк.

Атаң барса айылга

куржун толо эт келет

Энең барса айылга

Эмчек толо сүт келет

Кунан койду сой балам

Куйругуна той балам

Алдей, алдей ак балам,

Тердик токуур жан балам

Сал,сал сал билек

сары майга мал билек

Коён коштуу кош билек

кошкон майга мал билек

Алдей,алдей ак балам

ак бешикке жат балам

Энекеңди кыйнабай,

уктап калчы жан балам,

уктай койчу ак балам

 

Жүрсүн Кененбаева

Алдей, алдей ак бөпөм

Умай энең колдосун

Кунан койду сой бөпөм

Куйругуна той бөпөм

Умай энең колдосун

Алдей балам, ыйлаба

Энекеңди кыйнаба

Сакадай жаным сен үчун

мен кетейин садага

Алдей,алдей ак бөпөм

Ак бешикке жат бөпөм

Элин багып, сыйлаган

Эмгекчил болгун ак бөпөм

Эне сүтун актаган

Камкор болгун, ак бөпөм

 

Жыпаргүл Пайзуллаева

Адырдын гүлүн терейинби

Алмадан үзүп берейинби

Ажарлуу аппак жүзүңө мен

Айланып сага кетейинби

Кызгалдак гүлүн терейинби

Кызыма арнап берейинби

Кыргыздын намыстуу кызы бол деп

Ата-энең айтат тилегини

Ай кызым менин Перизат

Атыңа затың жарашат

Ар дайым сага каалаймын

Өмур , сүйүү, махабат

Тоолордун гүлүн терейинби

Толкундап сага берейинби

Тагдырың тайкы болбосун деп

Ата-энең айтат тилегини 

Өмүрдүн гүлүн терейинби

Өзүңө арнап берейинби

Өмүрүң узун болсун деп

Энекең айтат тилегини

Ай кызым менин периштем

Ак жүзүң сага келишкен

Оролуп турсаң мойнумда

Аселим, ширин дедирген

Ай кызым менин Перизат

Атыңа затың жарашат

Ар дайым сага каалаймын

Өмүр, сүйүү, махабат

 

Элдик ыр

Асманда ай чар тарап

Тегерете ай жар салат

Алдей,алдей бөпө жан

Сен да укта магдырап

Алдей,алдей жаш бөпөм

Сен да укта магдырап

Бат чоңойгун жетилип

Баса койгун тебишип

Басаар, качан минет деп

Тайың турат секирип

Сен бөлөнгөн бешигиң

Ырыскылуу кешигиң

Алдей, алдей жата кой

Таттуу уйкуга бата кой

Таңкы чолпон бата элек

Таттуу уйкуң кана элек

Алдей,алдей жаш эрмек

Уктатайын мен термеп

 

Айымкан Кенжеева

Алдей, алдей ак балам ай

Ак бешикке жат балам ай

Апаң шырдак ойгондо эй

Уктай турчу, жан балам ай

Умай эне уйку берчи

Бешик эне бек кармачы ай

Алдей,алдей ак баатыр ай

Ак бешикке чак баатыр ай

Бабаң Манас атаңдай ай

Баатыр болгун, шер болгун эй

Умай эне уйку берчи ай

Бешик эне бек кармачы

Алдей, алдей Ай балам ай

Ак бешикте өс балам ай

Китебин оку Чынгыздын ай

Кызматын кылгын кыргыздын ай

Умай эне уйку бергин

Бешик эне бек кармачы ай

 

Гүлжамила Шакирова

Тупкү аталар нурунан

Уюп келген жан балам

Түпкү энелер ырынан

Муюп келген жан балам

Алдей балам алдей , алдей балам алдей, ай балам

Канатынды жайгын, жай балам

Алдей, алдей, алдей, алдей , алдей, алдей ак балам

Ак бешикте уктап жат балам

Элиң үчүн кам көргөн

Байкер болоор бекенсин

Баатыр Манас атаңдай

айкөл болоор бекенсин

Жаман бала болбо

Жакшыларды жолдо, жан балам

Ак бешикте уктап кал балам

Бешенеңе нур жаап

Бешигиңе ыр жаап уктагын

мага керек аман турганың

Эл журтуңду ойлогон

Эр азамат болгунуң

Кызмат кылып элиңе

бак дөөлөткө конгунуң

Алдей балам алдей , алдей балам алдей ,ай балам

Канатыңды жайгын, жай балам

Алдей, алдей, алдей , алдей, алдей, алдей ак балам

Ак бешикте уктап жат балам

Уктап калчы чырдабай

Умай энең көшүтсүн

Апакендин тилегин

Аруу дүйнөң эшитсин

Жаман бала болбо

Жакшыларды жолдо жан балам

Ак бешикте уктап кал балам

Бешенеңе нур жаап,

Бешигиңе ыр жаап уктагын

Мага керек аман турганың

Алдей, алдей, алдей, алдей, алдей, алдей ак балам,

Ак бешикте уктап жат балам,

Алдей, алдей ,алдей алдей , алдей, алдей ай балам,

Уктап калчы, уктап жай балам.

 

Кененбаева Жүрсүн

Алдей, алдей ак балам

Атаң арнап жасаган

Ак бешикке жат балам

Арча бешик ак жолтой

болот деген чон атаң

Алдей, алдей садагам

Алдей балам, ак балам

Апаң арнап жасаган

Ак олпокко жат балам

Бата берди чон апаң

Акыл эстүү өссүн деп

Бата берди чоң атаң

Алдей балам, аппагым

Ай нурундай ак таңым

Ата-энеңдин үмүтүн

аман жүрүп актагын

Апакендин ак сүтүн

Эр жеткенде актагын

Алдей, алдей аппагым

Ананайын ак шамым

Алдей, алдей аппагым

 

Нургуль Иманбердиева

Спи сыночек маленький наступает ночь

Все печали прежние пусть уходят в прочь

В сумраке стихают всё, в небе тишина

А за темным облаком прячется луна

Там, над нашей юртаю в небе звездный свет

Яркая звезда уркер шлет тебе привет

Светит для тебя сынок, чтобы ты крепко спал

Чтобы вырос сильным ты и батыром стал

Пусть приснится мой сынок тебе дивный сон

Край высокогорный наш где ты здесь рожден

Над долиной чуйскою

Ветру есть простор

В окружении Ала-тоо

белоснежных гор

Там среди лугов цветных вдаль бежит река

и орел парящий где-то зоркий в облаках

Над вершиной снежною солнышка встает

Солнечные искорки конь из речки пьет

а на том коне сидит мой родной сынок

Ты всевышний сбереги маленький росток

Дай сыночку силы ты быстро засыпай

Спи сыночек милый мой, баю-баю бай , спи сыночек, бай

 

Жеӊишкүл Озбекова

Алтындан тумар тагамын

Ак бешикке саламын

Аман-эсен чоңоюп

Эл ишине жарагын

Алдей, алдей ак балам, ак бешикке жат балам

Эл ишине жарагын

Күмуштөн топчу тагамын

Гул бакчада багамын

Күчкө толуп өссө деп

Күтүп жатат заманың

Алдей, алдей ак балам, ак бешикке жат балам

Күтүп жатат заманың

Теңир атаң жолдосун

Умай энең колдосун

Узун өмүр бак берип

Кыдыр болсун жолдошуң

Алдей, алдей ак балам

Ак бешикке жат балам

Умай энең колдосун

 

Элмира Абдыбекова

Алдей, алдей алдей алдей берекем

Орун басчу көлөкөм,

Ата атын данктаган

Инсан болоор бекенсин,

Кыргыз элин сактаган

Кыраан болоор бекенсин

Алдей, алдей, алдей, алдей берекем

Таттуу уйкуда жатканың

эл тынчтыгы билемин

Келечеги баламдын

кең болоорун тилеймин

Алдей, алдей, алдей, алдей берекем, алдей, алдей берекем

Орун басчу көлөкөм

Ата атын даңктаган инсан болоор бекенсин

Кыргыз элин сактаган кыраан болоор бекенсин,

алдей алдей алдей,алдей берекем

 

Элдик ыр

Алла балам алла ёоо, алла

жаным балам алла ёоо

эрмакгинам алла ёоо

Тойчакгинам алла ёоо алла

Алла болам ахти борим жоним болам алла ёоо алла

Ётагига тахти борим жоним болам алла ёоо

Отаси юу, онаси барим, бахти борим, жаним болам алла ёоо алла

Аймома юзиң алла ёоо алла

Юлдизлар кузиң алла ёоо, алла

Ота-онаң гүл болса жоним болам

Гунчаси узиң, жоним болам алла ёоо алла

Алла деп аа опайин оо алла

Киясиңни топайин жоним болам алла ёоо алла

Тишиң чыгып нон йесаң

Күнда күлча япайин жоним болам алла ёоо алла

Эрмакгинам алла ёоо алла

Онаман у , онаман жоним болам алла ёоо алла

Болам учин янаман оо алла

Болам тинчликла усса агар

Арзууларга канаман жоним болам алла ёоо

Тойчагим болам алла ёоо алла

У янимга койаюн аа жоним болам алла ёоо алла

Бу янимга койаюн оо алла

Гулдай ширин исинга ёоо жоним болам

Хидлап, хидлап тойайин оо жоним болам алла ёоо алла

Алла айтсам яйрайсаң оо алла

Кулип,кулип карайсаң жоним болам алла ёоо алла

Палван кылып устурсам жаним болам

Бир күнимга ярайсиң оо жоним болам алла ёоо алла

Аллалор айтсам аллалор богин

Жоним болам алла ёоо алла

Аллолар айтсам ухла ,жоним кузим,

ухлап когин алла ёоо алла

 

Жекшенбай Курманов

Бийик болуп дайының

Билим менен байыгын

Эр жеткенде каралдым

Элге тийсин жарыгың

Алдей,алдей ыйлаба

Апакеңди кыйнаба

Жаңы эле ачкан чанагың

Жайнайт гүлдөй жамалың

Жамалыңдан жыттасам

Жанга кубат аламын

Алыстабай жаныңдан

алдей айтып жалынам

Күлкүң уксам тазарам

Кундө беш маал жашарам

Акыл угуп таалим ал

Апаң менен атаңден

Узун түндө термейин

Укта, укта эрмегим

 

Гүлзада Рыскулова

Ай балкып жайнайт асманда

Асылым уктап жатканда

Аруулап шоола чачырайт

Арбалып таттуу уйкуӊа

Алдей, алдей, алдей, алдей алдей, алдей жан балам

Бешиктеги ай наристем

Бек болсочу деп мен тилейм

Элине эмгек өтөгөн эр болсунчу деп мен тилейм

Алдей, алдей, алдей, алдей, алдей , алдей жан балам

Талпынып калса данегим

Жайнайт го менин карегим

Ак сүтүм берип балкыдым

Аман бир өссүн тирегим

Алдей, алдей, алдей, алдей,алдей, алдей жан балам

Жарыгын чачса чырагым

Жайнабай кантип турамын

Жараткан берген белегим

Данегим менин, данегим

Алдей, алдей, алдей, алдей , алдей жан балам 

Акыркы жаңылыктар

16.07.2019

Жайлоо өнүгүү борборлору жөнүндө документалдык тасма тартылууда

Үстүбүздөгү жылдын 23-27-июндарында Жалал-Абад жана Ош облусунун жайлоолорунда жайгашкан жайлоо өнүгүү борборлорунда тарбияланып жаткан балдар тууралуу белгилүү кинорежиссёр, сценарист, продюсер, «Кыргыз киносу» кинотеатрынын негиздөөчүсү, “Дарак ыры” тасмасынын режиссеру Айбек Дайырбеков документалдык тасма тартты. Тасмага алгачкылардан болуп Жалал-Абад облусунун Ноокен районундагы “Кызыл –Кыштак”, “Нур –Айым” жайлоо өнүгүү ...
15.07.2019

Барскоон жана Сузак айыл аймактарынын жумушчу топтору үч күндүк окутуудан (коучинг) өтүштү

Үстүбүздөгү жылдын 5-7- июлунда Ысык-Көл облусунун, Кара-Ой айылынын Ак-Бермет эс алуу үйүндө үч күндүк окутуу (коучинг) болуп өттү. Окутуунун максаты – эки пилоттук айыл аймактын социалдык-экономикалык өнүгүү программасынын өнүктүрүү приоритеттерине миграция жана гендердик багытты жумушчу топтор жана эксперттер менен биргеликте киргизүү. Окутууга Барскоон жана Сузак айыл аймактарынын жумушчу топтору, гендер, миграция маселелери боюнча ...
11.07.2019

«Ынтымактуу конуштар» долбоор жазуу, аны жактоо боюнча иштешүүдө

Үстүбүздөгү жылдын 9-июлунда “Жаңы конуштарда социалдык жана гендердик теңчиликти бекемдөө аркылуу ынтымакты чыңдоо” долбоорунун алкагында пилоттук болуп кирген Бишкек шаарынын 10 жаңы конуштун жаш лидерлери, коомдук ден соолук комитеттеринин мүчөлөрү, муниципалдык аймактык башкармалыктардын башчыларынын орун басарлары, адистери менен бирге долбоор жазуу аны жактоо боюнча коучинг жолугушуу өттү. Пилоттук МАБ башчылары, өкүлдөрү, жаш лидерлер, ...
09.07.2019

Конкурс жарыяланат

КОНКУРС ЖАРЫЯЛАНАТ  Эко-Арт-Лагерь Кара-Кужур өрөөнү, Кочкор р/ну, Нарын обл 19-28- июль 2019-ж Катышуучуларды кантип тандап алабыз? Айлана-чөйрөнү коргоо, жаратылышка аяр мамиле кылуу жана ак илбирсти сактоо темасындагы макал-лакаптын негизинде сүрөт тартып жана ага аннотация жазып, аны: “Роза Отунбаеванын демилгеси” Эл аралык коомдук фондунун электрондук дарегине 15.07.19 саат 17.00 чейин жибериниздер office@roza.kg Лагерь 12-15 жаш курактагы, жыйырма жаш улан ...
09.07.2019

«Ынтымактуу конуштар» долбоорунун катышуучулары стратегиялык план түзгөндү жана долбоор жазып жактаганды мыкты өздөштүрдү

4-7-июлдарда Ысык-Көлдө «Социалдык жана гендердик теңчиликти илгерилетүү аркылуу ынтымакты бекемдөө» долбооруна кирген Бишкектин 10 жаңы конушунун активдүү катышуучуларына “Долбоордун туруктуулугун камсыз кылуу боюнча стратегиялык пландоо” аттуу темада тренинг өтүлдү. Окутууга Ак-Ордо, Ак-Тилек, Ак-Бата, Бакай-Ата, Жеңиш, Калыс-Ордо, Көлмө, Мурас-Ордо, Рухий-Мурас, Эне-Сай конушунун жаш лидерлери жана коомдук ден соолук комитетинин мүчөлөрү ...
04.07.2019

Кыргызстанда активист-мигранттар үчүн жайкы үйрөтүү лагери өттү

2019-жылдын 27-июнунда USAIDдин "Адамдын укугу жана кадыр-баркы" долбоорунун алкагында мигранттар үчүн үч күндүк жайкы үйрөтүү лагери аяктады. Лагердин ишине он төрт мигрант болгон, коомдук лидер болууга жана коомдун өнүгүшүнө салым кошууга даяр болгон коомдук-активдүү жарандар катышты. Алардын ичинен он эркек жана төрт айым Чүй, Талас, Нарын жана Ысык-Көл облусунан келишти.   Үч күндүн ичинде лагердин катышуучулары өз укугун ишке ашыруудагы ...
30.06.2019

Ретриттин жүрүшүндө «Роза Отунбаеванын демилгеси» ЭКФнын миссиясы аныкталды

21-июндан 24-июнга чейин Ысык-Көлдүн түштүк жээгинде КР экс-президенти, фонддун негиздөөчүсү Роза Отунбаеванын катышуусу менен «Роза Отунбаеванын демилгеси» эл аралык коомдук фондунун кызматкерлери үчүн ретрит өттү.   Фонддун командасы уюштуруучулук жана инсандык өнүгүү призмасы аркылуу өз ишин кайра жүктөөнү жана кайрадан аңдап-түшүнүүнү жүргүзүү максатында ретрит уюштурду. Иш-чара төмөнкүдөй багыттар боюнча жүргүзүлдү:   • Өзүн ...
28.06.2019

Ак-Ордо конушунун балдарына спорттук оюн аянтчасы салынды

Үстүбүздөгү жылдын 28-июнунда Бишкек шаарынын Ак-Ордо жаңы конушунда конуштун жаштарынын демилгеси менен балдар үчүн спорттук жана оюн аянтчасынын ачылыш аземи болуп өттү. Бул жаштардын демилгеси 2018-жылдын май айынан тарта Бишкектин 10 жаңы конушунда Бириккен Улуттар Уюмунун үч агенттиги: ЮНФПА/ЮНИСЕФ/УНП жана «Роза Отунбаеванын демилгеси» Эл аралык коомдук фонду менен биргелешкен «Социалдык жана гендердик теңчиликти илгерилетүү аркылуу ...
28.06.2019

Көлмө конушунда балдар үчүн оюн аянтчасы ачылды

Үстүбүздөгү жылдын 27-июнунда Бишкек шаарынын Көлмө жаңы конушунда конуштун жаштарынын демилгеси менен балдар үчүн оюн аянтчасынын ачылыш аземи болуп өттү. Бул жаштардын демилгеси 2018-жылдын май айынан тарта Бишкектин 10 жаңы конушунда Бириккен Улуттар Уюмунун үч агенттиги: ЮНФПА/ЮНИСЕФ/УНП жана «Роза Отунбаеванын демилгеси» Эл аралык коомдук фонду менен биргелешкен «Социалдык жана гендердик теңчиликти илгерилетүү аркылуу ынтымакты бекемдөө» ...
26.06.2019

Экс-Президент Р.И.Отунбаева БУУнун Баланын укугу боюнча конвенциясы кабыл алынышынын 30 жылдыгына арналган Улуттук форумга катышты

Кечээ, 25-июнда, БУУнун Баланын укугу боюнча конвенциясы кабыл алынышынын 30 жылдыгына жана КР бул конвенцияга кошулушунун 25 жылдыгына арналган Улуттук форум болуп өттү.   Иш-чарага Президент Сооронбай Жээнбеков, БУУнун Баланын укугу боюнча комитетинин төрагасынын орун басары Рената Винтер, экс-президент Роза Отунбаева, Жогорку Кеңештин Төрагасынын орун басары Аида Касымалиева, вице-премьер-министр Алтынай Өмүрбекова, ЕСтин Кыргызстандагы ...
24.06.2019

Жайлоо өнүгүү борборлорунун күндөлүгү: Кечээ кол өнөрчүлүк күнү болсо, бүгүн сүрөт сабагы

“Роза Отунбаеванын демилгеси” Эл аралык коомдук фондунун “Жайлоо өнүгүү борборлору” долбоорунун алкагында быйыл 2019-жылы 100дөн ашык ЖӨБ ачылууда. Алыскы Нарын облусунун Ат-Башы районуна караштуу, Казыбек айылындагы Арпа жайлоосуна “Жеткинчек” ЖӨБ 1-июньда кар жаагандыгына карабастан, көчүп барышып, жайланышып, ишин башташты. Жетекчиси Гүлайым Молдакунова буларга токтолду: 25ден ашык бала тарбияланууда, кар жааганда балдар келбей калды, анткени боз ...

Издөө

Экс-президенттик институт

«Устат» долбоору

Мектепке даярдык көрүүчү жыл


School of Childhood

Садики на джайлоо

Gardens on jailoo

Балачак мектеби

School of Childhood

Билим фестивалы

«Эко-долбоор»

«Жылдыздар бөбөктөргө китеп окуйт»

КРда мектеп тамак-ашын ылайыкташтыруу

Балдар үчүн мастер-класстар

«Балдар филармониясы»

«Поэзия кечелери»

Биздин басылмалар

«Мекендештер»


mekendeshter-logo

«Бешик ырлары»


beshik-logo

Видео

Ключевые факторы успешности женщин в инновациях и технологиях

«Аларда кандай болду экен?»

«Фонддун долбоорлору»