Демилгелер Демократиялык башкаруу Экс-президенттик институт

09.07.2014

Отунбаева: Шеварднадзенин изи калды

СССРдин акыркы тышкы иштер министри, Грузиянын экс-президенти Эдуард Шеварднадзе 87 жаш курагында дүйнө салды. Маркумду ошол кездеги Кыргыз Республикасынын тышкы иштер министри, экс-президент Роза Отунбаева эскерет.

 

Отунбаева: Эдуард Шеварднадзе Грузиядан СССРдин тышкы иштер министри болуп Михаил Горбачевдун чакыруусу менен 1985 -1990-жылдар аралыгында иштеди. Абдан чоң, көрүнүктүү иштерди жасады. Министрликке грузин келди, алда кандай болот деген сөздөр да көп болду. Бирок, Шеварднадзедей жемиштүү иштеген министр болгон эмес деп өздөрү эле айтып жүрүштү.

 

1986-жылы он беш союздук республиканын тышкы иштер министрлеринин баарын Москвага чакырып, ишибиз менен таанышты. Ошондо Балтика, Кавказ өлкөлөрүнүн министрлери таарынычтарын айтышты. Мен дагы тышкы саясатка жооп берген вице-премьер министр катары сүйлөдүм. Ошондо байкап калыптыр, 1987-жылы СССР делегациясынын курамына кошуп, БУУнун ассамблеясына, Нью-Йоркко жиберишти. Ал киши менен ошол жерден тааныш-билиш болуп калдык. 1989-жылы мени СССР Тышкы иштер министрлигинин ЮНЕСКО иштери боюнча жооптуу катчысы болуп иштеп бер деп Москвага чакырды. Ошентип, министрликтин коллегиясынын алгачкы аял мүчөсү болуп калдым.

 

“Азаттык”: Шеварднадзе СССРдин акыркы тышкы иштер министри болуп калбадыбы. Бу киши жөнүндө ар кандай пикирлер көп айтылат. Адамдык сапаттары кандай эле?

 

Отунбаева: СССР урагандан кийин бу киши жөнүндө өтө көп негативдүү пикирлер пайда болду. Кайра куруу кезинде Совет өкмөтүнүн Тбилиси окуяларына туура баа бербей койгонуна катуу нааразы болуп, эл мени түшүнбөйт деп билдирүү жасап, министрликтен кетип калган болчу.

 

Советтер Союзунун таасиринен улам Германиянын кошулуусу, Ооганстандан Совет аскерлеринин чыгышы, Чыгыш өлкөлөрүнүн лагерлеринин кетиши сыяктуу тарыхый окуялардын бардыгы ушу Шеварднадзенин убагында болгон. Ага карата Орусиянын аскер-өнөр жай комплексинин урашына, жарым миллиондой аскердин Германиядан мажбур чыгышына нааразы болгондор СССРди уратып атат деген сыяктуу сындарды айтышкан. Бирок Шеварднадзе ошол катаал, түнт заманда дагы ойлонуп, чыгармачылык менен, кылдат иштеди. Лидерлик сапаты күчтүү эле. Өзүнө кастарын тиккен адамдар менен да жакшы мамиле түзүп алчу. Горбачев ошон үчүн алып келсе керек.

 

Бу кишинин ишинде көп өөдө-төмөн болду да: катчы болду, президент болду, кайра куулду. 1992-жылы Гамсахурдиядан кийин чачырайын деп калган Грузияга келди. Кетип калган Абхазия менен Түштүк Осетияны кайра чогултуп, Грузияны республикасы катары түздү. Бул кишинин башынан көп нерсе өттү десе болот.

 

“Азаттык”: Шеварднадзеге коомчулук тарабынан толук баа берилдиби же али баары алдыдабы?

 

Отунбаева: Шеварднадзе эки китеп жазды. Акыркы китеби “Темир көшөгө качан урады?” деп аталат. Орусияда канчалык карама-каршылыктуу көз караштар болбосун, жогору эле баа беришет деп ойлойм. Улутчулдар, шовинисттер ар кандай коомдо бар, боло берет. Бирок, тарыхчы Леонид Млечин өз китебинде Советтер Союзунун министрлеринин арасынан бу кишиге өтө жогору баа бериптир.

 

Менимче интеллигенция Шеварднадзени жогору баалайт. Бу кишиде юмор да күчтүү болчу. Грузин эли ошондой го. Абдан жогору баа берилерине ишенем, анткени, жасаган ишинин акыбети кайтып атат. Республикасы ордунда турат. Артында өлбөс-өчпөс иши бар.



Азаттык
Бурулкан Сарыгулова

Акыркы жаңылыктар

13.12.2019

Кыргыздардын баатырдык эпосунун «Манас сүрөттө» аттуу китеп жарык көрдү

12-декабрь – улуу жазуучу Чынгыз Айтматовдун туулган күнүнө карата “Роза Отунбаеванын демилгеси” Эл аралык коомдук фонду тарабынан “Манас сүрөттө” аттуу кыргыз тилиндеги китептин бет ачары болду. Иш-чарага мамлекеттик билим берүү мекемелеринин өкүлдөрү, жазуучулар, акындар, коомдук саясий ишмерлер, эксперттер, маданият жана искусство ишмерлери, Кыргыз Республикасындагы чет мамлекеттердин дипломатиялык өкүлчүлүктөрү, эл аралык ...
05.12.2019

«Каректеги жаз » поэзия кечеси өтөт

«Роза Отунбаеванын демилгеси» эл аралык коомдук фонду Кыргыз Республикасынын Жазуучулар Союзу, Т.Сатылганов атындагы Кыргыз Улуттук филармония менен биргеликте эл сүймөнчүгүнө ээ болгон акындардын поэзия кечелерин өткөрүүнү улантууда. Кезектеги кече белгилүү акындар, КР Ардак грамотасынын ээси, КР Улуттук Жазуучулар союзунун мүчөсү Жыпар Акунова жана КР Билим берүүсүнун мыктысы, акын Клара Кичинемолдоеванын чыгармачылыгына арналат жана ал ...
04.12.2019

Роза Отунбаева: Мен элечек кийип, элет деп жүргөндө сынчылар кайда эле?

Кыргызстандын экс-президенти Роза Отунбаеванын Бишкектеги жыйында айылдыктар жөнүндө сүйлөгөн сөзү кызуу талкууга түштү. Би-Би-Си Кыргызстандын экс-президентинин өзү менен ушул темада кенен маек курду. Би-Би-Си: Айылдыктар жөнүндө сүйлөгөн сөзүңүз абдан талаш-талкуу жаратты. Айрымдар сизди туура маселени көтөрдү десе, дагы бирлери сизди эмоцияга алдырып жиберди деп жатышат. Аныгында кандай болду? Р. Отунбаева: Мен абдан олуттуу урбанизация маселесин ...
04.12.2019

Акция! Пенсионерге смартфон тартуула!

Кымбаттуу достор! Жаңы Жылдын алдында «Роза Отунбаеванын демилгеси» эл аралык коомдук фонду Кызыл Жарым Ай жана «Active volunteers» волонтердук уюму менен бирдикте «Пенсионерге смартфон тартуула!» кайрымдуулук акциясын өткөрүп жатат. Акциянын максаты – санариптик процесстерге улуу муунду тартуу жана смартфондорду пайдалануу аркылуу мүмкүнчүлүктөрүн кеңейтүү. Силер тартуулаган, иштеп жаткан абалдагы ар бир смартфон Кызыл Жарым Ай аркылуу аз ...
03.12.2019

«Гений» радиоберүүсү: Ата-энелер үчүн наристелерди эрте жаштан өнүктүрүү үчүн пайдалуу кеңештери менен «Үчтөн кийин кеч» аттуу социалдык тармактарда маалымат баракчасы ачылды

“Роза Отунбаеванын демилгеси” Эл аралык коомдук фонду менен Биринчи радионун биргелешкен “Гений” радиоберүүсүнүн кезектеги чыгарылышында “Үчтөн кийин кеч” аттуу маалымат баракчалары жана үч жашка чейинки баланы кандай өнүктүрүү керектиги жөнүндө эксперттер менен маек курдук.  
30.11.2019

Экс-президент Роза Отунбаева окуучулар менен жолугушту

20-ноябрда Бишкек шаарындагы профессор А.Молдокулов атындагы Улуттук инновациялык технологиялар мектеп-лицейинде Кыргыз Республикасынын Экс-президенти Роза Отунбаеванын окуучулар менен жолугушуусу болду. Жолугушуу 5-11-класстардын окуучуларынын алдыңкыларын шыктандыруу максатында уюштурулуп, "Балдарга турмушка багыт берүүдөгү лидерлердин ролу" теманын тегерегинде балдар менен ой-пикир бөлүштү. Р.Отунбаева мультимедиа кабинети, ...
26.11.2019

БАА ЖЕТКИС ТАБЕРИК

Бай терек бой кере бийик өсүшү үчүн тамыры тереңдеши, мөмөлүү дарак бутактары жайкалып, жемиши мол болушу үчүн тамыры кенен жайылышы керек. Бул үчүн багбан кыртышты табигый, нукура азыктар менен багып, семиртиши, бакты бир тамчы да зыяндуу зат кошулбаган мөлтүр тунук суу менен сугарышы зарыл. Өзөгүндө улуттук дөөлөттөр сакталган, эзелки рухий башаттын эскирбес касиети менен каныккан таалим да балдарыбыздын ар тараптан эркин инсан болуп жетилишине ...
25.11.2019

«Балетке билет»: «Балдар филармониясынын» жаңы сезонунда биринчи концерт-презентация өттү

22-ноябрда «Балдар филармониясы» музыкалык-билим берүү программасынын алкагында концерт-презентация өттү. Концерт-презентация Чолпонбек Базарбаев атындагы Бишкек хореографиялык окуу жайынын жайлуу театрында өттү. Презентация жаш көрүүчүлөрдү негизги балет терминдери: фондю, батман, гран-батман, фуэте жана башкалар менен тааныштырды. Андан соң балеттин келечектеги жаш чеберлери өздөрүнүн меймандары үчүн чакан концерт берди. Презентацияны ...
23.11.2019

«Кеч күздөгү кусалык» поэзия кечеси болуп өттү

2019-жылдын 22-ноябрында “Роза Отунбаеванын демилгеси» Эл аралык коомдук фонду Кыргыз Республикасынын Жазуучулар союзу, Т.Сатылганов атындагы Кыргыз Улуттук филармония менен биргеликте уюштурган белгилүү акын , КР маданиятына эмгек сиңирген ишмер Мээркан Токсобаеванын жана КР Улуттук Жазуучулар союзунун мүчөсү Самидин Стамбековдун чыгармачылыгына арналган “Кеч күздөгү кусалык ” аттуу поэзия кечеси болуп өттү. Иш чара учурунда акындар ...
22.11.2019

ЖМК биз жөнүндө: Санарип-жаркын келечек!

Ак-Босого конушундагы "Санарип 50+" долбоорунун окуу борборуна бүгүн журналистер баш багышты. Тренер Курманбек Нураков конуштун кадырлуу жаш курагындагы тургундарына санариптик жана каржылык сабаттуулуктун негиздерине үйрөттүдө.
21.11.2019

Биринчи радионун «Күндүн темасы» программасында Өнүгүүнүн чакырыктары жаңы багыттары деген темада сөз болду

Биринчи радионун "Күндүн темасы" программасында Өнүгүүнүн чакырыктары жаңы багыттары деген темада сөз болду.   Учурда дүйнөдө технологиялык прогресстер өтө тез өнүккөндүгүнө байланышуу жаңы чакырыктар менен бирге эле кооптонулар жаралды   Кыргызстандын санариптештирүүгө болгон аракети, жасалып жаткан иш тажрыйбасы жана сунуштар боюнча баарлашууга биз КР экс-Президенти, Мадрид клубунун мүчөсү, БУУ генералдык катчысынын Евразия аймагы боюнча ...
19.11.2019

Жыргалбек Курманбеков, Калыс-Ордо конушундагы 86 мектептин мугалими, «Санарип 50+» долбоорунун тренери: «Ата-энелерди электрондук почта менен иштөөгө даярдоо керек»

“Роза Отунбаеванын демилгеси” Эл аралык коомдук фонду КICB банк менен бирге улуу муундагы адамдар үчүн “Санарип 50+” долбоорун ишке ашырууда. Долбоордун максаты – 50 жаш курагындагыларга, дегеле бардык каалоочуларга смартфондун функцияларын, смартфон аркылуу маалыматтарды издөөгө, социалдык тармактарда баарлашууну, электрондук почтаны пайдалануу менен расмий каттарды жүргүзүүнү, ошондой эле каржылык санариптик куралдардын негизинде электрондук ...

Издөө

Экс-президенттик институт

«Устат» долбоору

Мектепке даярдык көрүүчү жыл


School of Childhood

Садики на джайлоо

Gardens on jailoo

Балачак мектеби

School of Childhood

Билим фестивалы

«Эко-долбоор»

«Жылдыздар бөбөктөргө китеп окуйт»

КРда мектеп тамак-ашын ылайыкташтыруу

Балдар үчүн мастер-класстар

«Балдар филармониясы»

«Поэзия кечелери»

Биздин басылмалар

«Мекендештер»


mekendeshter-logo

«Бешик ырлары»


beshik-logo

Видео

Ключевые факторы успешности женщин в инновациях и технологиях

«Аларда кандай болду экен?»

«Фонддун долбоорлору»