21.02.2019

Жаңы конуштардын активисттери үчүн тренинг

19-20-февралда “Роза Отунбаеванын демилгеси” Эл аралык коомдук фонду “Ынтымактуу конуштар” долбооруна пилоттук болуп кирген Бишкек шаарындагы 10 жаңы конуштун МАБ башчыларына, адистерине, мектеп мугалимдерине, мектеп парламенттеринин мүчөлөрүнө, активисттерине, жаш лидерлерине долбоор иштеп чыгуу боюнча тренинг өткөрдү.

 

Окутуунун максаты – жаш лидерлерди, активисттерди жаңы конуштардагы көйгөйлөрдү чечүү үчүн долбоорлорду иштеп чыгууга үйрөтүү.

 

Тренингдин биринчи күнүндө катышуучулар алгач гендердик теңсиздик жана тынчтыкты куруу жөнүндө маалымат алышып, андан соң катышуучулар долбоор иштеп чыгуунун жолдорун, тактап айтканда, кѳйгѳйдү аныктоо жана түзүү, муктаждыктарды баалоо, маалыматты чогултуунун ыкмалары, проблемаларды туура коюу үчүн критерийлер, долбоордун максатын жана милдеттерин түзүү боюнча топ-топко бөлүнүп иштеп, акырында натыйжаларды жалпы талкуулашты.

 

Тренингде коомдук фонддорду, бирикмелерди, жеке ишканаларды ачууда мамлекеттик каттоодон өткөрүү боюнча юридикалык кеңештер берилди.

 

Тренингдин экинчи күнүндѳ Бишкек шаардык кеңешинин кызматкери Чолпон Джаркинбаева долбоор жазуудагы стимгранттар, Бишкек шаарын өнүктүрүү агенттигине сунушталчу долбоордун формасы кандай болушу керектигин, конкурска катышуунун критерийлерин, долбоордук сунуштамага тиркелчү документтер тууралуу айтып берди.

 

№14 МАБтын башчысынын орун басары Азат Төлөкулов “Ынтымактуу конуштар” долбоорунун алкагында ынтымакты бекемдөө боюнча МАБка караштуу Жеңиш, Көлмө жаңы конуштар кошулгандыгын жана “Роза Отунбаеванын демилгеси” фондунун демилгеси менен Жеңиш конушунун спорт залында ремонт иштери жүргүзүлүп, жабдуулар алынып берилгендигин айтып, “Ынтымактуу конуштар” долбооруна кирген жаш активисттердин долбоор жазып, аны утуп алгандыгын чоң жетишкендик катары баалады.

 

№3 МАБтын жетектөөчү адиси Бакай Узбеков тренингден долбоор жазууну жалпысынан түшүнгөндүгүн жана буга чейин, гранд, донорлор боюнча маалыматы жок болгондугун билдирди.

 

“Жаштар коому кандай иш алып барып жаткандыгы тууралуу толук мааалымат алдым. Эгер жаштардын тобу МАБка долбоор жазуу боюнча кайрылышса, биз аларга тренингден алган жана билген тажрыйбабыз менен бөлүшкөнгө даярбыз”, - деп белгиледи Б.Узбеков.

 

Жаш лидерлердин бири Эне-Сай жаңы конушунун тургуну Рабия Аширалиева учурда жаштарга көңүл бурулуп, аларды ар тараптан өнүктүрүүгө аракеттер көрүлүп жаткандыгын айтып, мындай демилгечил уюмдардын бири “Роза Отунбаеванын демилгеси” Эл аралык коомдук фонду экендигин баса белгилеп, төмөндөгүлөргө токтолду: “Бул долбоор бизге көптөгөн мүмкүнчүлүктөрдү түзүп берүүдө. Дегеле бир уюм келип, силер ушул нерселерге үйрөнгүлө, алар пайдалуу деп биз үчүн буга чейин күйгөн эмес. Долбоор аркылуу ар бирибиз конушубузда жаш лидер болдук, артыбызда бизге ишенген көптөгөн эл бар. Ошол ишеничтерди актайлы деген максатта долбоор жазып гранд утуп алдык. Атайын өтүлгөн тренингдерден конушубуздагы дегеле жашообуздагы көйгөйлөрдү тынчтык жолу менен чечүүгө үйрөндүк. Бүгүн Бишкек шаарын өнүктүрүү агенттиги келип, маалыматтарды берип, мүмкүнчүлүктөр тууралуу айтып беришти. Бул маалыматтар дагы өтө маанилүү. Мурун жаштарга болгон ишеним аз болсо, азыр конушта бизге болгон ишеним күчөдү, жаштар дагы чечкиндүү болуп калдык десем жаңылышпайм”.

 

Маалымат үчүн: Тренинг “Социалдык жана гендердик теңчиликти илгерилетүү аркылуу ынтымакты бекемдөө” долбоорунун алкагында “Роза Отунбаеванын демилгеси” Эл аралык коомдук фонду тарабынан, ЮНФПА Кыргызстандын колдоосу менен өткөрүлдү.


 

Акыркы жаңылыктар

20.05.2019

Эне-Сай конушунун окуучулары чемпиондор менен шахмат ойношту

Үстүбүздөгү жылдын 15-майында Бишкек шаарынын Эне-Сай конушунун №21 орто мектебинде Кыргызстандын шахмат боюнча бир нече жолку чемпиону, Азиянын 3 жолку чемпиону Айжан Съездбекова, шахмат, дзюдо боюнча чемпиондор Алмаз, Руслан Съездбековтор мектеп окуучуларына мастер класс өтүштү. Мектептин кире беришинде чогулуп турган экинчи нөөмөт менен окуй турчу окуучулар, жыйырма чакты жаркыраган кубокторду көтөрүп келе жаткандарды көрүп көздөрү жайнап, ...
18.05.2019

«Дүк-дүк жүрөк» поэзия кечеси өтөт

“Роза Отунбаеванын демилгеси” Эл аралык коомдук фонду элибизге таанымал акындардын жана жаңыдан эл сүймөнчүгүнө ээ болуп келаткан жаш таланттардын поэзия кечелерин өткөрүүнү улантууда. Мындай кеченин кезектегиси белгилүү акын, жазуучу, “РухЭш” сайтынын негидөөчүсү Олжобай Шакирдин чыгармачылыгына арналат. О.Шакирдин “Дүк-дүк жүрөк” поэзия кечеси 2019-жылдын 22-май күнү А. Малдыбаев атындагы Кыргыз Улуттук опера жана балет театрында өтөт. ...
15.05.2019

Кыргызстандын Экс-президенти Роза Отунбаева Шанхай кызматташтык уюмунун Бишкектеги экинчи Аялдар форумуна катышты

Бүгүн Бишкекте Шанхай кызматташтык уюмунун Бишкектеги экинчи Аялдар форуму өттү.   Иш-чарага Кыргызстандын экс-президенти Роза Отунбаева, ШКУнун башкы катчысынын орун басары Айзада Субакожоева, Казакстандын премьер-министринин орун басары Гульшара Абдыкаликова, Өзбекстандын премьер-министринин орун басары Танзила Нарбаева, Бүткүл кытайлык аялдар Федерациямсынын төрагасынын орун басары Ся Цзе, Россиянын Аялдар бирлигинин төрагасынын орун ...
15.05.2019

Азия чемпиондору Бакай-Ата жаңы конушунда

14-майда шахмат боюнча Кыргызстандын бир нече жолку чемпиону, Азиянын чемпиону Айжан Съездбекова менен шахмат, дзюдо боюнча чемпион Алмаз Съездбеков Бакай-Ата жаңы конушунун №85 орто мектебинин окуучулары менен жолугушту.   Бул жолугушуунун негизги максаты – жаңы конуштун жаштарын шыктандыруу, убактыларын туура пайдаланууга багыт берүү жана кыздарга өзүн өзү коргоого мүмкүнчүлүк түзүп берүү.   Алгач “Роза Отунбаеванын демилгеси” Эл аралык ...
14.05.2019

Башкалаада VII Билим Фестивалынын экинчи күнү болуп өттү

13-апрелде жана 4-майда Бишкек шаарында «Кыргызстандагы санариптик муун: билим берүүдөгү Маалыматтык Коммуникациялык Технология (МКТ) жана IT билим берүүсү» деген темадагы эки күндүк VII Билим Фестивалы өттү. Билим Фестивалы – бул эң кеңири аудиторияга, алардын ичинде балдарга, өспүрүмдөргө, студенттерге жана ата-энелерге арналган майрам. 4-майда, Билим Фестивалынын экинчи күнү 16 билим берүү аянтчаларынан түзүлдү. Аталган аянтчалар Курманжан ...
14.05.2019

Талас шаарында Искусство фестивалы болуп өттү

Үстүбүздөгү жылдын 11-май күнү Талас шаарында Балдардын искусство фестивалы болуп өттү. Иш чаранын максаты - Талас облусундагы балдарды, жаштарды жана жалпы элди искусствонун ар кандай түрлөрү менен тааныштыруу, кызыгуусун арттыруу жана искусство менен алектенгиси келген таланттуу балдарга колдоо көрсөтүү. Искусство фестивалын КР экс-Президенти, “Роза Отунбаеванын демилгеси” Эл аралык коомдук фондунун негиздөөчүсү Р.И.Отунбаева жана КР ...
13.05.2019

Тынчтык, ынтымак үчүн уюштурулган «Ынтымактуу конуштар» спартакиада максатына жетти!

2019-жылдын 11-майында Бишкек шаарынын 10 жаңы конушунун арасында өтүп жаткан “Ынтымактуу конуштар” Лигасы аттуу спартакиаданын финалдык оюндары өтүп, жеңүүчүлөрү аныкталды. Эскерте кетсек, үстүбүздөгү жылдын 20-апрелинен тарта өтүп жаткан спартакиадада “Социалдык жана гендердик теңчиликти илгерилетүү аркылуу, ынтымакты бекемдөө” долбооруна пилоттук болуп кирген Ак-Ордо, Рухий-Мурас, Жеңиш, Көлмө, Калыс-Ордо, Мурас-Ордо, Ак-Тилек, Бакай-Ата, Эне-Сай, ...
11.05.2019

Таласта «Маданият сенден башталат» аттуу фестиваль өтүп жатат

Таласта «Маданият сенден башталат» деп аталган балдардын искусство фестивалы өтүп жатат.   11-майда Талас шаарынын борбордук аянтында 19 боз үй, 30га чукул чатыр тигилип, адистер алардын ичинде кол өнөрчүлүк, шахмат, сүрөт тартуу өңдүү өнөрлөрүн башкаларга үйрөтүүдө.   Иш-чарага президенттик аппараттын «Манас» оркестри да катышып, концерттик программаларды тартуулап жатат.   «Роза Отунбаеванын демилгеси» эл аралык коомдук фонду уюштурган ...
06.05.2019

Лига «Ынтымактуу конуштар» спартакиаданын жарым финалына чыккан конуштар аныкталды

2019-жылдын 4-майында Бишкек шаарынын 10 жаңы конушунун арасында өтүп жаткан “Ынтымактуу конуштар” Лигасы аттуу спартакиаданын жарым финалына чыккан конуштардын командалары аныкталды. Эскерте кетсек, үстүбүздөгү жылдын 20-апрелинен тарта өтүп жаткан спартакиадада “Социалдык жана гендердик теңчиликти илгерилетүү аркылуу, ынтымакты бекемдөө” долбооруна пилоттук болуп кирген Ак-Ордо, Рухий-Мурас, Жеңиш, Көлмө, Калыс-Ордо, Мурас-Ордо, Ак-Тилек, Бакай-Ата, ...
03.05.2019

ГСВ үчүн позитивдүү ой жүгүртүү боюнча тренинг

Үстүбүздөгү жылдын 29-30-апрелинде «Роза Отунбаеванын демилгеси» эл аралык коомдук фонду «Медициналык кызматкерлердин пациенттер менен өз ара аракеттенүүсүн жакшыртуу аркылуу медициналык кызмат көрсөтүүлөрдүн сапатын жогорулатуу» темасына эки күндүк тренинг өткөрдү. Бул тренингге ГСВнын жетекчилери, медициналык кызматкерлер, РЦУЗ, БЦУЗдун адистери жана «Бишкек шаарынын турак-жай конуштарында тынчтыкты жана стабилдүүлүктү чыңдоо үчүн ...
03.05.2019

Жибек жолу: Музей - мамлекеттин жүзү

Улуттук көркөм сүрөт музейинде «Жибек жолу» интерактивдүү көргөзмөсү 5-апрелде башталган. Жыйырма күнгө созулган бул көргөзмөдө Жибек жолу аралап өткөн өлкөлөрдүн тарыхы, маданияты, каада-салты, тамак-ашы, биомаданий өзгөчөлүктөрү жана кен байлыктары көрсөтүлдү. Музей жетекчилигинин маалыматына караганда 15 миңге жакын көрүүчү келип, рекорддук көрсөткүч болду. Көргөзмө "Бүгүнкү күндөгү музейлердин абалы" ...
01.05.2019

«Роза Отунбаеванын демилгеси» ЭКФнын 2019-жылдын майына иш-чараларынын дайджести

«Роза Отунбаеванын демилгеси» ЭКФнын   2019-жылдын майына   иш-чараларынын дайджести   4-май – «Кыргызстандын санариптик мууну: ИКТ билим берүүдө жана IT билим берүү» темасына жетинчи Билим фестивалы Качан: 4-май (ишемби, Билим фестивалынын 2-күнү) Кайда: Бишкек шаары Өткөрүү аянтчасы: Эмен Паркы, «Сейтек» Балдар жана өспүрүмдөр улуттук борбору, К. Баялинов атындагы Республикалык китепкана, Ч. Айтматов атындагы Орус драма театры Жыл сайын ...

Издөө

Экс-президенттик институт

«Устат» долбоору

Мектепке даярдык көрүүчү жыл


School of Childhood

Садики на джайлоо

Gardens on jailoo

Балачак мектеби

School of Childhood

Билим фестивалы

«Эко-долбоор»

«Жылдыздар бөбөктөргө китеп окуйт»

КРда мектеп тамак-ашын ылайыкташтыруу

Балдар үчүн мастер-класстар

«Балдар филармониясы»

«Поэзия кечелери»

Биздин басылмалар

«Мекендештер»


mekendeshter-logo

«Бешик ырлары»


beshik-logo

Видео

«Аларда кандай болду экен?»

«Фонддун долбоорлору»