13.02.2019

Армениянын маалыматтык-коммуникативдик технологиялары, инновациялык билим берүү тажрыйбасы менен таанышуу сапары

Үстүбүздөгү жылдын 6-7 февралында «Роза Отунбаеванын демилгеси» Эл аралык коомдук фондунун аткаруучу директору Кендирбаева Д.Ш., долбоордун координатору Маражаббай к. А., "Аскар Салымбековдун Фонду" коомдук фондунун башкы директору Жумадилов А.Ж. жана аткаруучу директору Жумадилов Э.Ж. Армениянын маалыматтык-коммуникативдик технологиялары (МКТ), инновациялык билим берүү тажрыйбасы менен таанышып келишти. Сапардын максаты - МКТ боюнча алдынкы тажрыйбаларды таануу жана КР айрым моделдерин түзүү мүмкүнчүлүгүн бизнес чөйрөгө сунуштоо.


Сапардын алкагында биринчи күнү IDeA (Initiatives for Development of Armenia ) фондунун тажрыйбасы менен таанышуу, пикир алмашуу жана эки тараптуу кызматташтыктын бардык багыттары талкууланды. Фонддун негизги максаты - жергиликтүү калкты жана эл аралык топторду камтып олуттуу оң коомдук-экономикалык таасир бере турган жана армяндарды глобалдык эл катары өз ордун бекемдөөгө узак мөөнөттүү программаларды ишке ашыруу болуп саналат.


IDeA фонду түзгөн, бирок азыркы учурда өз алдынча иш алып барган FAST (Foundation for Armenian Science and Technology) фонду менен кенен кездешүү болуп өтүп, Арменияда жана өлкөнүн сыртында илимий өнүгүүнү, жетишкендиктерди алдыга жылдыруу үчүн жагымдуу экосистеманы түзүү жаатындагы жасалып жаткан иштер тууралуу жана азыркы замандын талабына керектелген көндүмдөр, билим берүүдөгү көйгөйлүү маселелер көтөрүлүп талкууга алынды.


Ушул эле күнү мектепке чейинки мекемелерден, башталгыч, орто жана жогорку мектептерден турган "Мхитар Себастаци» окуу комплексинин директору, кызматкерлери жана окуучулары менен кездешүү болуп өттү. Кездешүүнүн жүрүшүндө сапардын катышуучуларына мектептерге экскурсия жасалып, кенен маалымат берилип, окуу процессин чагылдырган практикалык иш чаралар көрсөтүлдү. Окуу комплексинен кийин жумасына он миңден ашуун 12 – 18 жашка чейинки өспүрүмдөр автордук программанын негизинде билим алган TUMO креативдүү технологиялар борбору менен таанышуу жана пайдалуу маалыматтарды алуу мүмкүнчүлүгү болду.


Биринчи күндүн жыйынтыктоочу кездешүүсү «Антарес» холдингинин «АЙ ГИРК» китеп дүкөнүндө орун алды. Дүкөндө башка дүкөндөрдөн айырмаланып китептер армян тилинде гана окурмандардын китепке кызыгуусун арттыруу максатында ар кандай иллюстрацияларга жана мобилдик технологияларга басым жасалып чыгарылат экен.


Сапардын экинчи күнү 21-кылымдын армян мектебинин үлгүлүү модели болуу максатын койгон «АЙБ» мектебинин иш-аракеттерин таанышуу менен башталды. Окуучулардын саны төрт жүзгө жакын мектептин табигый илимдер боюнча сабактардын кандай өтөөрү, окуучуларга түзүлгөн шарттар жана берилген мүмкүнчүлүктөр сапардын катышуучулары тарабынан жогорку деңгээлде белгиленди.


Кийинки кездешүү болжол менен сексен мамлекеттен ашуун эки жүзгө жакын студент билим алган UWC Dilijan мектебинде орун алды. Сапардын катышуучулары мектептин жашылдандырылган имараттарын, көрктөндүрүлгөн окуу корпустарын, ФИФА эл аралык футбол федерациясынын талаптарына ылайык салынган спорттук талаасын көрүп таң калышты.


Акыркы болуп Армениянын Дилижан аймагында жайгашкан мамлекеттин ичиндеги ресурстардын жардамы менен жергиликтүү жамааттарды (айыл тургундарды) өнүктүрүү жана мүмкүнчүлүктөрүн кеңейтүүгө арналган COAF (Children of Armenia Found) SMART борборунун иши менен таанышуу болду. Аталган борбор робототехника лабораториясынан, көркөм студиясынан, тасма көрүү залынан, ачык китепканадан, техникалык бөлмөдөн, медициналык борбордон жана башка окуу бөлмөлөрдөн, ачык мейкиндиктерден турат. Ошондой эле борбордо ден соолугунун мүмкүнчүлүктөрү чектелүү адамдарга бардык шарттар түзүлгөн.


Сапардын жыйынтыгында катышуучулар тарабынан аналитикалык макала жазуу, биргелешкен долбоорлорду иштеп чыгуу, жайкы тематикалык лагерлерге катышуу (мисалы, TUMO, UWC Dilijan), миграция багытында тажрыйба алмашуу, китеп чыгаруу идеяларын пайдалануу, таанышкан мекемелер менен тыгыз байланышта болуу жана КР айрым моделдерин түзүү боюнча бизнес чөйрө менен сүйлөшүүлөрдү жүргүзүү мүмкүнчүлүктөрү сунушталды.


Армениядагы сапарды мазмундуу уюштуруп бергендиги үчүн армениялык IDeA фондуна жана жол чыгымдарынын каржылоосун колдоо көрсөткөндүгү үчүн "Аскар Салымбековдун Фонду" коомдук фондуна «Роза Отунбаеванын демилгеси» Эл аралык коомдук фонду ыраазылык билдирет.

Акыркы жаңылыктар

18.05.2019

«Дүк-дүк жүрөк» поэзия кечеси өтөт

“Роза Отунбаеванын демилгеси” Эл аралык коомдук фонду элибизге таанымал акындардын жана жаңыдан эл сүймөнчүгүнө ээ болуп келаткан жаш таланттардын поэзия кечелерин өткөрүүнү улантууда. Мындай кеченин кезектегиси белгилүү акын, жазуучу, “РухЭш” сайтынын негидөөчүсү Олжобай Шакирдин чыгармачылыгына арналат. О.Шакирдин “Дүк-дүк жүрөк” поэзия кечеси 2019-жылдын 22-май күнү А. Малдыбаев атындагы Кыргыз Улуттук опера жана балет театрында өтөт. ...
15.05.2019

Кыргызстандын Экс-президенти Роза Отунбаева Шанхай кызматташтык уюмунун Бишкектеги экинчи Аялдар форумуна катышты

Бүгүн Бишкекте Шанхай кызматташтык уюмунун Бишкектеги экинчи Аялдар форуму өттү.   Иш-чарага Кыргызстандын экс-президенти Роза Отунбаева, ШКУнун башкы катчысынын орун басары Айзада Субакожоева, Казакстандын премьер-министринин орун басары Гульшара Абдыкаликова, Өзбекстандын премьер-министринин орун басары Танзила Нарбаева, Бүткүл кытайлык аялдар Федерациямсынын төрагасынын орун басары Ся Цзе, Россиянын Аялдар бирлигинин төрагасынын орун ...
15.05.2019

Азия чемпиондору Бакай-Ата жаңы конушунда

14-майда шахмат боюнча Кыргызстандын бир нече жолку чемпиону, Азиянын чемпиону Айжан Съездбекова менен шахмат, дзюдо боюнча чемпион Алмаз Съездбеков Бакай-Ата жаңы конушунун №85 орто мектебинин окуучулары менен жолугушту.   Бул жолугушуунун негизги максаты – жаңы конуштун жаштарын шыктандыруу, убактыларын туура пайдаланууга багыт берүү жана кыздарга өзүн өзү коргоого мүмкүнчүлүк түзүп берүү.   Алгач “Роза Отунбаеванын демилгеси” Эл аралык ...
14.05.2019

Башкалаада VII Билим Фестивалынын экинчи күнү болуп өттү

13-апрелде жана 4-майда Бишкек шаарында «Кыргызстандагы санариптик муун: билим берүүдөгү Маалыматтык Коммуникациялык Технология (МКТ) жана IT билим берүүсү» деген темадагы эки күндүк VII Билим Фестивалы өттү. Билим Фестивалы – бул эң кеңири аудиторияга, алардын ичинде балдарга, өспүрүмдөргө, студенттерге жана ата-энелерге арналган майрам. 4-майда, Билим Фестивалынын экинчи күнү 16 билим берүү аянтчаларынан түзүлдү. Аталган аянтчалар Курманжан ...
14.05.2019

Талас шаарында Искусство фестивалы болуп өттү

Үстүбүздөгү жылдын 11-май күнү Талас шаарында Балдардын искусство фестивалы болуп өттү. Иш чаранын максаты - Талас облусундагы балдарды, жаштарды жана жалпы элди искусствонун ар кандай түрлөрү менен тааныштыруу, кызыгуусун арттыруу жана искусство менен алектенгиси келген таланттуу балдарга колдоо көрсөтүү. Искусство фестивалын КР экс-Президенти, “Роза Отунбаеванын демилгеси” Эл аралык коомдук фондунун негиздөөчүсү Р.И.Отунбаева жана КР ...
13.05.2019

Тынчтык, ынтымак үчүн уюштурулган «Ынтымактуу конуштар» спартакиада максатына жетти!

2019-жылдын 11-майында Бишкек шаарынын 10 жаңы конушунун арасында өтүп жаткан “Ынтымактуу конуштар” Лигасы аттуу спартакиаданын финалдык оюндары өтүп, жеңүүчүлөрү аныкталды. Эскерте кетсек, үстүбүздөгү жылдын 20-апрелинен тарта өтүп жаткан спартакиадада “Социалдык жана гендердик теңчиликти илгерилетүү аркылуу, ынтымакты бекемдөө” долбооруна пилоттук болуп кирген Ак-Ордо, Рухий-Мурас, Жеңиш, Көлмө, Калыс-Ордо, Мурас-Ордо, Ак-Тилек, Бакай-Ата, Эне-Сай, ...
11.05.2019

Таласта «Маданият сенден башталат» аттуу фестиваль өтүп жатат

Таласта «Маданият сенден башталат» деп аталган балдардын искусство фестивалы өтүп жатат.   11-майда Талас шаарынын борбордук аянтында 19 боз үй, 30га чукул чатыр тигилип, адистер алардын ичинде кол өнөрчүлүк, шахмат, сүрөт тартуу өңдүү өнөрлөрүн башкаларга үйрөтүүдө.   Иш-чарага президенттик аппараттын «Манас» оркестри да катышып, концерттик программаларды тартуулап жатат.   «Роза Отунбаеванын демилгеси» эл аралык коомдук фонду уюштурган ...
06.05.2019

Лига «Ынтымактуу конуштар» спартакиаданын жарым финалына чыккан конуштар аныкталды

2019-жылдын 4-майында Бишкек шаарынын 10 жаңы конушунун арасында өтүп жаткан “Ынтымактуу конуштар” Лигасы аттуу спартакиаданын жарым финалына чыккан конуштардын командалары аныкталды. Эскерте кетсек, үстүбүздөгү жылдын 20-апрелинен тарта өтүп жаткан спартакиадада “Социалдык жана гендердик теңчиликти илгерилетүү аркылуу, ынтымакты бекемдөө” долбооруна пилоттук болуп кирген Ак-Ордо, Рухий-Мурас, Жеңиш, Көлмө, Калыс-Ордо, Мурас-Ордо, Ак-Тилек, Бакай-Ата, ...
03.05.2019

ГСВ үчүн позитивдүү ой жүгүртүү боюнча тренинг

Үстүбүздөгү жылдын 29-30-апрелинде «Роза Отунбаеванын демилгеси» эл аралык коомдук фонду «Медициналык кызматкерлердин пациенттер менен өз ара аракеттенүүсүн жакшыртуу аркылуу медициналык кызмат көрсөтүүлөрдүн сапатын жогорулатуу» темасына эки күндүк тренинг өткөрдү. Бул тренингге ГСВнын жетекчилери, медициналык кызматкерлер, РЦУЗ, БЦУЗдун адистери жана «Бишкек шаарынын турак-жай конуштарында тынчтыкты жана стабилдүүлүктү чыңдоо үчүн ...
03.05.2019

Жибек жолу: Музей - мамлекеттин жүзү

Улуттук көркөм сүрөт музейинде «Жибек жолу» интерактивдүү көргөзмөсү 5-апрелде башталган. Жыйырма күнгө созулган бул көргөзмөдө Жибек жолу аралап өткөн өлкөлөрдүн тарыхы, маданияты, каада-салты, тамак-ашы, биомаданий өзгөчөлүктөрү жана кен байлыктары көрсөтүлдү. Музей жетекчилигинин маалыматына караганда 15 миңге жакын көрүүчү келип, рекорддук көрсөткүч болду. Көргөзмө "Бүгүнкү күндөгү музейлердин абалы" ...
01.05.2019

«Роза Отунбаеванын демилгеси» ЭКФнын 2019-жылдын майына иш-чараларынын дайджести

«Роза Отунбаеванын демилгеси» ЭКФнын   2019-жылдын майына   иш-чараларынын дайджести   4-май – «Кыргызстандын санариптик мууну: ИКТ билим берүүдө жана IT билим берүү» темасына жетинчи Билим фестивалы Качан: 4-май (ишемби, Билим фестивалынын 2-күнү) Кайда: Бишкек шаары Өткөрүү аянтчасы: Эмен Паркы, «Сейтек» Балдар жана өспүрүмдөр улуттук борбору, К. Баялинов атындагы Республикалык китепкана, Ч. Айтматов атындагы Орус драма театры Жыл сайын ...
01.05.2019

«Роза Отунбаеванын демилгеси» ЭКФ чыгарган көркөм өнөр жөнүндө балдар китептеринин сериясы «Китеп көркөм өнөрү» деген улуттук конкурстун Гран-присин алды

Бишкекке К.Баялинов атындагы Республикалык балдар жана өспүрүмдөр үчүн китепканада Китептин жана автордук укуктун бүткүл дүйнөлүк күнүн салтанаттуу белгилешти, ал быйылкы жылы «Китеп окуган бала – бул гүлдөп-өнүккөн Кыргызстан» деген девиз астында өтүп жатат.   Бардык меймандар жана кичинекей окурмандар үчүн концерттик программа уюштурулду, ал эми «Китеп көркөм өнөрү» деген улуттук конкурстун жеңүүчүлөрүнө баалуу байгелер жана белектер ...

Издөө

Экс-президенттик институт

«Устат» долбоору

Мектепке даярдык көрүүчү жыл


School of Childhood

Садики на джайлоо

Gardens on jailoo

Балачак мектеби

School of Childhood

Билим фестивалы

«Эко-долбоор»

«Жылдыздар бөбөктөргө китеп окуйт»

КРда мектеп тамак-ашын ылайыкташтыруу

Балдар үчүн мастер-класстар

«Балдар филармониясы»

«Поэзия кечелери»

Биздин басылмалар

«Мекендештер»


mekendeshter-logo

«Бешик ырлары»


beshik-logo

Видео

«Аларда кандай болду экен?»

«Фонддун долбоорлору»