25.12.2017

Кыргызстандын Экс-президенти Р.И.Отунбаева Индияда

16-18-декабрда Висакапатнам шаарында, Андра-Прадеш штаты, Индия, Туруктуу өнүктүрүүгө жетишүү, 4-максат, 7-милдет, жолунда бейпил жана туруктуу коомду түзүү максатында санариптик педагогика боюнча эл аралык конференция болуп өттү. Тынчтык жана туруктуу өнүктүрүү максатында конференция ЮНЕСКОнун Билим берүү боюнча Махатма Ганди атындагы Эл аралык институту тарабынан чакырылды жана уюштурулду жана аны Индия өкмөтүнүн Адамдык ресурстарды өнүктүрүү министрлиги, ошондой эле Андра-Прадеш штатынын өкмөтү колдоду. Конференцияга бүткүл дүйнөдөн илимпоздор менен эксперттер, жаштар, билим берүү, маалымат, коммуникация министрликтери, мамлекеттик кызматчылар, ишкерлер, билим берүүчү технологиялар менен камсыз кылуучу ведомстволор жана бизнестер, мугалимдер, билим берүүнүн психологдору, мээнин нейрондору боюнча изилдөөчүлөр жана илимпоздор чогулду. Конференция төмөнкүдөй ондогон форматтарда өттү: панелдик дискуссиялар, семинарлар, е-постерлер, академиялык изилдөөлөрдүн презентациясы, окуу зоналары. 


21-кылым эбегейсиз зор санда келип түшкөн маалыматтарды сиңирүү зарыл болгон окутуунун натыйжалуулугун жогорулатуу үчүн жаңы жөндөмдөрдү талап кылат. Дал ошондуктан натыйжаны өлчөө үчүн инновациялык каражаттар, санариптик платформалардын негизинде мугалимдердин тренинги, сабактарда жаңы технологияларды колдонуу керек. 


21-кылымда инклюзивдик, бирдей жана сапаттуу билим үчүн мектептер керек. Ал эми булар: 

- санариптик оюндар, санариптик педагогика жана баа коюу; 

- социалдык жана эмоциялык окутууну чыңдоо маанилүү; 

- ой жүгүртүүнүн тутумдук ыкмасына жана дизайнына окутуу үчүн санариптик платформаларды пайдалануу керек. 


21-кылым билим берүү системасында санариптик педагогиканы имплементациялоо жана колдонуу үчүн саясатты талап кылат. Бул үчүн төмөнкүлөрдү өнүктүрүү жана колдонуу зарыл:

- ушул тажрыйбаны колдонууда, финансылоодо жана ишке ашырууда мыкты практиканы жана моделдерди; 

- билим берүү системасында жамааттардын базасына негизделген ыкмаларды; 

- санариптик теңчилик маселелерин жана көйгөйлөрүн чечүү; 

- интеллектуалдык укуктун жана санариптик педагогиканын маселелерин. 


Конференцияга 1000ден ашык адам, дүйнөнүн 65 өлкөсүнүн өкүлдөрү, Батыш өлкөлөрүнөн жана Индиядан маалыматтык жана билим берүү технологияларынын дүйнөгө таанымал эксперттеринин чоң тобу катышты. Интернет – бул биздин санариптик дүйнөбүз деп басым жасоого зор көңүл бурулду, ал бизди маанилүү көйгөйлөрдү чечүүгө карай алга илгерилетүү менен катар, ошондой эле өзүнө байлап (санариптик героин), биздин коопсуздугубузга байланыштуу (агрессивдүү оюндар жана кылмыштар) тынчсызданууну пайда кылууда. 


Технологиялар – булар шаймандар, билим берүүнүн чордону болуп адам саналат деп ондогон баяндамаларда жана сүйлөнгөн сөздөрдө бир нече жолу айтылды. Окутуу – бул бүткүл денең менен тажрыйба алуу, ошондуктан санариптик окутуу пассионардуу, эмоциялуу, жан-дилден болууга тийиш. Эгерде окутуу процессине баш, кол жана жүрөк тартылган болсо, анда жүрөк дайыма алдыда жүрүүгө тийиш деп ырастады сөз сүйлөгөндөрдүн бири Сара Престиж. Билимге караганда интуицияга көбүрөөк ишенгиле; акыл-эс, баш жан-дил менен үзөңгүлөш жүрүүгө тийиш, анткени технологиялар бейтарап эмес. 


"Дасаран" компаниясынын негиздөөчүсү Сурен Алоян айтып берген Армениянын тажрыйбасы, билим берүүнүн жаңы горизонттору өзгөчө таңдандырды. 2006-жылдан тартып алар Армениядагы бүткүл 30 миң мугалимдин ичинен (Армениядан бардыгы болуп 1484 орто мектеп бар) мугалимдердин 81%ын компьютердик билимдерге окута алган. Алар ошондой эле маалымат чогултуу жана окутууга баа берүү, билим берүүнүн абалын талдоо боюнча софтверди түзгөн, аны Армениянын билим берүү министрлиги колдонот. Класс дегенди билдирген Дасаран география, тарых, математика боюнча, конституция боюнча, сууну, энергияны жана башкаларды сактоо сыяктуу темалар боюнча 50дөн ашык билим берүүчү оюндарды түзгөн.


1 млрд 300 миллион калкы бар Индияда санариптик окутууда ажырым бар экендиги түшүнүктүү, джунглидеги уруулардын арасында жашаган төрт миллион бала камтылбаган бойдон калууда. Индияда толук жабдылган лаборатория-класстар жогорку класстардын 30%ында гана бар, орто мектептерде бул инфраструктура жок.


Индиянын айылдарында Интернетти электрондук почта, фейсбук, вотсап үчүн колдонушат. Анткени Индияда көп сандагы окуучулар көбүрөөк интерактивдүүлүккө жетишүү үчүн көп учурда Google Classroom сыяктуу софтверди пайдаланат. Тармактагы башка, бош Kahoot продукту окутуу процессин кызыктуу кылат, анимациялык кат-кабардын өңүтүндө аватарлар билимге баа берүү процессин кызыктуу оюнга айлантууга мүмкүндүк берет. ЮНЕСКОнун тизмесинде эсептелген улуттук эстеликтерди иликтөө, сыпаттоо аркылуу маалыматтык технологиялар менен таанышуунун индиялык тажрыйбасы кызыктуу, балдардын санариптик дүйнө менен биринчи жолугушуусу ак-кара режимде эмес, түстүү түрдө, көп учурда 3Д өлчөмүндө жүрөт.


Билим берүү технологиялары боюнча бүткүл дүйнөгө таанымал белгилүү илимпоз, ТЕД 2013түн жеңүүчүсү, 20-кылымдын 90-жылдарынын ортосунда индиялык метрополитендин жакыр аймактарында дубалга бекитилген экранга жана металл менен кыюуланган клавишалуу доскага тикирейген миңдеген балдарга түздөн-түз тиешеси жагынан тажрыйбасы менен белгилүү Сугата Митра биз соңку 200 жылда боло элек иш берүүчүлөр үчүн студенттерди даярдап жатабыз деп айткан. Студенттерди баалоо 200 жылдан ашык мурда болгон жумуш ордуна окшош, ал кезде жардам берүүчү технологиялар болгон эмес жана офистик клерктер жайбаракат жана бир калыпта иштөөгө тийиш болгон. Бүгүнкү күндө Митра отличниктер гана эмес, креативдүү бүтүрүүчүлөр жогору бааланат деп ишенет. Мектеп класстарындагы Интернеттин ишенген адвокаты болуу менен ал Интернет жакын арада экзамендерде колдонулат деп ишенет. Интернет – бул миллиарддаган адамдардын жамааттык акыл-эси жана окуучулар өзүнүн келечегин калыптандыруу үчүн өзүнө идеяларды тандоого жана аларды түшүнүүгө тийиш, деп эсептейт ал. Бардыгын бир нерселер менен алмаштырууга болот, бирок идеяны эч качан алмаштыра албайсың. Азыркы билим берүү – бул идеялардын сага шык бериши. Балдар үчүн терс же тыюу салынган «Экрандын өлчөмүн чоңойткула. Мобилдүү телефондор менен планшеттерден Интернетти алып салгыла, аны чоң экранга кошкула, аны жалпы бөлмөдө колдонгула» деген мазмундагы анын позициясы кызыгууну пайда кылат. Коркунуч өтүп баратат, дейт Митра.


Орегон университетинин (АКШ) профессорунун ассистенти Ривер Найт панелдик сессияда роботту көрсөтүп, келечекте роботтор эмоциялык жактан маанилүү роль ойнойт деп белгиледи. Азырынча алар зор көлөмдөгү маалыматты чогултуу жана кайталанган кыймылдарды аткаруу үчүн жакшы. Алар адам коомуна «кызмат кылуу» үчүн жолдорду жана социалдык чөйрө кандай түзүлгөндүгүнүн структурасын түшүнүүгө тийиш. Азырынча болсо роботтор коопсуз, анткени азырынча биз алар кандай өнүгүп кетээрин билбейбиз. 


«Муундардын ортосундагы билим берүү жөнүндө диалог» сессиясында билим берүүнүн келечеги жөнүндө айтуу менен, дүйнөнүн ар башка континенттеринен келген 9 жаш адам улуу муундагы үч адам менен технологиялар билим берүүдөгү ажырымды кыскартууга жардам бере тургандыгы жөнүндө кеп кылышты. Р.Отунбаева ушул диалогго катышып, Кыргызстан мектепте санариптик билим берип жаткандыгы жөнүндө айтты, кантип көп сандагы мугалимдерди, балдарды жана алардын ата-энелерин компьютердик окутуу менен камтуу керектиги жагынан бир катар идеяларын айтты.


Р.Отунбаева ЮНЕСКОнун атынан Махатма Ганди Институтунун Кеңешинин мүчөсү катары Висакапатнамда Тех-2017 эл аралык конференциясын кириш сөз менен ачты.


Бул кызыктуу:




Дополнительные материалы по теме:


https://instagram.com/p/Bc2RwEineDe/ 

https://www.facebook.com/mgiep/posts/1696663750364163 

https://guidebook.com/guide/118316/album/76370/

Акыркы жаңылыктар

21.02.2019

Жаңы конуштардын активисттери үчүн тренинг

19-20-февралда “Роза Отунбаеванын демилгеси” Эл аралык коомдук фонду “Ынтымактуу конуштар” долбооруна пилоттук болуп кирген Бишкек шаарындагы 10 жаңы конуштун МАБ башчыларына, адистерине, мектеп мугалимдерине, мектеп парламенттеринин мүчөлөрүнө, активисттерине, жаш лидерлерине долбоор иштеп чыгуу боюнча тренинг өткөрдү.   Окутуунун максаты – жаш лидерлерди, активисттерди жаңы конуштардагы көйгөйлөрдү чечүү үчүн долбоорлорду иштеп чыгууга ...
21.02.2019

Кыргызстандыктар Түркиянын мектепке чейинки билим берүү системасы менен тажрыйба алмашуу максатында сапар тартышты

“Роза Отунбаеванын демилгеси” Эл аралык коомдук фонду Түрк дүйнөсү шаарлар бирлигинин колдоосу менен “Жайлоо бала бакчалары-өнүгүү борборлору” долбоорунун өрнөктүү өнөктөштөрүн, педагогдорун Туркиянын билим берүү системасы менен таанышуу, айрыкча айыл жериндеги кенже курактагы балдарды өнүктүрүү тажрыйбалары, инновациялык жетишкендиктери менен таанышуу максатында 17-февралда Түркүя мамлекетине сапар тартышты.   Делегациянын курамында бала ...
17.02.2019

«Поэзия поезди» поэзия кечеси.

«Роза Отунбаеванын демилгеси» эл аралык коомдук фонду Улуттук Филармония менен биргеликте Кыргызстандагы эл-журтка кеңири белгилүү акын, жазуучулардын жана жаш таланттардын поэтикалык кечелеринин сериясын тартуулоону улантууда. Мындай кеченин кезектегиси 2019-жылдын 15- февраль күнү Т.Сатылганов атындагы Кыргыз Улуттук Филармониясынын кичи залында эл ичинде сүймөнчүлүккө ээ болгон жаш акын, Ч.Айтматов атындагы мамлекеттик жаштар ...
16.02.2019

Роза Отунбаева: Капчыгы калыңдардын көзүн кызарткан тарыхый жайлар

Биз Кыргызстанда жашагандар, өз өлкөбүзгө, шаарыбызга, айылыбызга болгон сүйүүбүздү, алардын көрүнүшүн жакшыртууга кошкон салымыбызды көрсөткөнгө сараңбыз. Өзүнүн жашап турган жерин, көчөсүн, шаарын бьютификациялоо, сөзмө сөз айтканда, «кооздондуруу» ишин көптөгөн өлкөлөрдө жигердүүлүк жана кылдат табит менен жасашат жана анын баары бизге көздү кубандыргыдай кооз, камкордук менен каралганын байкоого болот. Талаш жок, бизде деле анча-мынча иштер жасалып ...
16.02.2019

Түркияга сапардын алдында «Манас» КТУнин «Туризм жана мейманкана иштетүү» бөлүмүнүн педагогдору менен жолугушуу болуп өттү

2019-жылдын 15-февралында КР мектепке чейинки билим берүүтутумунун 12 өкүлүнүн Түркияга сапарынын алдында «Манас» Кыргыз-Түрк Университетинин “Туризм жана мейманкана иштетүү” бөлүмүнүн педагогдору менен жолугушуусу болду.    Жолугушууда «Манас» Кыргыз-Түрк Университетинин “Туризм жана мейманкана иштетүү” бөлүмүнүн окутуучусу Доц.М.А.Др. Жемаль ИНЖЕ Түркиянын туризми жана гастрономиясы тууралалуу презентация өтүп топтун суроолоруна дагы ...
15.02.2019

Ата-эненин жоопкерчилигин жогорулатуучу тренинг

“Роза Отунбаеванын демилгеси” эл аралык фонду “Балдарга, кыздарга, аялдарга жасалган зомбулуктун алдын алууда, үй-бүлөнү пландоодогу жоопкерчиликтүү ата-энелик” аталышында Бишкек шаарынын он жаңы конушундагы Коомдук ден соолук комитеттеринин мүчөлөрүнө тренинг өткөрүүдө. Тренингдин максаты – дени сак, ар тараптан өнүккөн балдарды тарбиялап өстүрүүдөгү ата-энелердин ролун чечмелөө, жоопкерчиликтүү ата-эненин милдеттери менен ...
13.02.2019

Бишкекте жаштар лидерлери жана жергиликтүү коомчулуктун активисттери менен бир катар жүйөлөштүрүү жолугушуулары өттү

Бишкек шаарынын «Жеңиш» жана «Ак Ордо» турак-жай конуштарында жаштар лидерлери жана жергиликтүү коомдоштуктун активисттери менен бир катар жүйөлөштүрүү жолугушуулары өттү.   Жолугушуунун темасы: Мезгил менен үзөңгүлөш жүрүү, турмушту өз колуң менен куруу!   Иш-чаралар «Турак-жай конуштарында тынчтыкты жана ынтымакты чыңдоо үчүн социалдык жана гендердик теңчиликти алга илгерилетүү» долбоорунун алкагында өткөрүлдү. Бул долбоор өзүнө ...
13.02.2019

Армениянын маалыматтык-коммуникативдик технологиялары, инновациялык билим берүү тажрыйбасы менен таанышуу сапары

Үстүбүздөгү жылдын 6-7 февралында «Роза Отунбаеванын демилгеси» Эл аралык коомдук фондунун аткаруучу директору Кендирбаева Д.Ш., долбоордун координатору Маражаббай к. А., "Аскар Салымбековдун Фонду" коомдук фондунун башкы директору Жумадилов А.Ж. жана аткаруучу директору Жумадилов Э.Ж. Армениянын маалыматтык-коммуникативдик технологиялары (МКТ), инновациялык билим берүү тажрыйбасы менен таанышып келишти. Сапардын максаты - МКТ боюнча алдынкы ...
12.02.2019

Шаарыбыздын эң масштабдуу иш-чараларынын бирин өткөрүп жибербегиле!

Космосто кызыл Tesla учуп жүргөндө, Бишкекте VII Билим Фестивалы 2019 – «Кыргызстандын санариптик мууну» иш-чарасына даярдык башталды.   АУЦА боюнча экскурсиялар, Билим берүү кызмат көрсөтүүлөрүнүн ярмаркасы, иштер, виртуалдык реалдуулук, компьютердик технологиялар, 3D-басмасы, толгон-токой гаджеттер, жолугушуулар жана мастер класстар – булар борбордун тургундары жана меймандары биздин салтка айланган Бишкек билим фестивалынын аянтчаларында ...
07.02.2019

«Поэзия поезди» поэзия кечеси

«Роза Отунбаеванын демилгеси» эл аралык коомдук фонду Улуттук Филармония менен биргеликте Кыргызстандагы эл-журтка кеңири белгилүү акын, жазуучулардын жана жаш таланттардын поэтикалык кечелеринин сериясын тартуулоону улантууда. Мындай кеченин кезектегиси эл ичинде сүймөнчүлүккө ээ болгон жаш акын, Ч.Айтматов атындагы мамлекеттик жаштар сыйлыгынын ээси Максат Жангазиевдин, акындар Мырзайым Айтимбетованын жана Умар Нусубалиевдин ...
04.02.2019

2019-жылды экология менен улантабыз!

Билим кербени 2019-жылдан тартып Бишкек шаарынын мектеп окуучулары үчүн экологиялык тарбиялоо боюнча лекцияны улантат. Эко команданын лектору Данияр Суйундук уулу быйылкы жылы № 62, 11, 26 жана 71 мектептерге барды, ал жерлерде 8- 9-класстардын окуучулары үчүн экология темасына лекция – презентацияны өткөрдү, ошондой эле эко долбоордун алкагында Фонд тарабынан түзүлгөн эко роликтер көрсөтүлдү. Жогорку класстардын окуучулары активдүүлүгүн жана ...

Издөө

Экс-президенттик институт

«Устат» долбоору

Мектепке даярдык көрүүчү жыл


School of Childhood

Садики на джайлоо

Gardens on jailoo

Балачак мектеби

School of Childhood

Билим фестивалы

«Эко-долбоор»

«Жылдыздар бөбөктөргө китеп окуйт»

КРда мектеп тамак-ашын ылайыкташтыруу

Балдар үчүн мастер-класстар

«Балдар филармониясы»

«Поэзия кечелери»

Биздин басылмалар

«Мекендештер»


mekendeshter-logo

«Бешик ырлары»


beshik-logo

Видео

Р.И.Отунбаева номинирована на первую премию NABU «Снежный барс»

«Аларда кандай болду экен?»

«Фонддун долбоорлору»